Morgunblaðið - 10.12.2006, Blaðsíða 22

K
ettir lenda í ýmsum
ævintýrum. Fæst rata
þau ævintýri samt inn
á síður dagblaðanna
og enn færri koma út
á bók en það er einmitt raunin um
fræga svaðilför kattarins Mosa úr
Reykjavík. Mosi, sem þá hét raunar
Moli, komst í fréttirnar sumarið
2003 þegar hann fannst soltinn og
hrakinn á Holtavörðuheiði eftir 35
daga dvöl í óbyggðunum. Eigendur
hans höfðu velt bíl sínum með þeim
afleiðingum að búr Mosa kastaðist
út og hann hvarf líkt og jörðin hefði
gleypt hann. Ekkert spurðist til
Mosa í rúman mánuð eða þar til
flutningabílstjóri nokkur kom auga
á hann í vegkantinum á heiðinni
einn morguninn. Kom hann Mosa í
öruggar hendur í Kattholti.
Tvísýnt var um líf Mosa en hægt
og bítandi náði hann fyrri styrk
enda lífskraftur í honum. Hafði Sig-
ríður Heiðberg, húsráðandi í Katt-
holti, á orði að æðruleysið hefði
bjargað Mosa og bætti við að hún
hefði ekki treyst öðrum ketti í þessa
raun.
Eigendur Mosa gátu ekki tekið
við honum eftir hrakningana og því
fékk hann nýtt heimili í vesturbæ
Reykjavíkur, þar sem hann býr nú
við gott atlæti. Þar sótti blaðamaður
hann heim á dögunum í tilefni af því
að saga hans er komin út á bók sem
skráð er í máli og myndum af núver-
andi eigendum hans, hjónunum
Halldóri Guðmundssyni og Önnu
Björnsdóttur. Halldór Baldursson
eykur við bókina með teikningum.
Gestrisnin uppmáluð
Mosi er gestrisnin uppmáluð þeg-
ar blaðamann ber að garði. Tekur
hátt og snjallt undir kveðjuna og
snýst í kringum gestinn. Það er
greinilegt að frægðin hefur ekki
stigið honum til höfuðs. „Mosi veit
fátt skemmtilegra en að fá gesti, að
ég tali nú ekki um svona á miðjum
degi,“ útskýrir Halldór en Mosi
þykir með afbrigðum mannblendinn
og félagslyndur. Mikill gleðigjafi.
Og forvitnin er vitaskuld á sínum
stað.
Göngulag Mosa er óvenjulegt en
vinstri framlöppin er brotin og því
gengur hann á þremur löppum en
styður sig við stúfinn á milli og því
er eins og hann gangi í bylgjum, svo
vísað sé til lýsingarinnar í bókinni.
Ekki er vitað hvernig Mosi slasaðist
en Halldór fullyrðir að hann geti
þrátt fyrir fötlunina hlaupið jafn-
hratt og aðrir kettir – ef ekki hrað-
ar.
Mosi hefur nú dvalist í þrjú ár á
heimili þeirra Önnu og löngu orðinn
einn af fjölskyldunni.
Tilurð bókarinnar „Sagan af
Mosa og hugprýði hans“ lýsir Hall-
dór með þeim hætti að góður vinur
þeirra hjóna sem þekkir vel til bóka-
útgáfu hafi hvatt þau til að segja
ævintýralega sögu kattarins. „Það
var svo meðan við vorum stödd í
sumarfrí erlendis í fyrra að ég lét
slag standa og skrifaði söguna.
Anna hefur frá fyrstu tíð tekið mikið
af myndum af Mosa en hún er einn-
ig grafískur hönnuður, þannig að
það voru hæg heimatökin við hönn-
un bókarinnar. Þetta er svona smá-
heimilisiðnaður hjá okkur,“ segir
Halldór.
Óþolinmóðir að eðlisfari
Hjónin sendu söguna í barna-
bókasamkeppni Vöku-Helgafells
snemma á þessu ári en hún hlaut
ekki framgöngu þar. Þau báru sög-
una undir tvö forlög í sumar en
hvorugt þeirra var tilbúið að efna til
útgáfu fyrr en næsta haust. „Þar
sem við Mosi erum óþolinmóðir að
eðlisfari, sérstaklega kötturinn,
ákváðum við að gefa bókina út sjálf
undir merkjum AD útgáfu,“ segir
Halldór sem stytti söguna nokkuð
og slípaði til í haust.
Hann er stjórnarformaður aug-
lýsingastofunnar Hvíta hússins og
segir það nýja reynslu fyrir sig að
vera útgefandi með öllu sem því til-
heyrir. „Okkur finnst við vera hálf-
gerðar boðflennur í þessari miklu
jólaveislu enda nóg af góðu efni fyr-
ir börn í boði. En við erum fyrst og
síðast að þessu til að skemmta okk-
ur og vonandi einhverjum fleirum í
leiðinni,“ segir Halldór og bætir við
að bókin sé ekki eingöngu ætluð
börnum. „Dýravinir gætu haft gam-
an af þessu líka.“
Fram kemur í bókinni að heim-
ilisfaðirinn var ekkert sérstaklega
spenntur fyrir því að taka Mosa að
sér í upphafi. „Það er rétt,“ útskýrir
Halldór. „Ástæðan er sú að við höfð-
um átt kött í átta ár, Snotru, sem
nýlega var fallin frá í hárri elli, 23
ára. Var þá elsti köttur á Íslandi. Ég
vildi því fá andrými áður en annar
köttur kæmi inn á heimilið.“
Anna, sem nú hefur blandað sér í
samtalið gegnum síma frá Kali-
forníu, þar sem hún dvelst þessa
dagana, staðfestir þetta. „Ég las um
hrakninga Mosa í blöðunum og hafði
samband við Sigríði í Kattholti til að
spyrjast fyrir um líðan hans. Þá
Félagar Halldór Guðmundsson og Mosi í gönguferð.
Frá svaðilför
til góðs atlætis
Út er komin barnabókin „Sagan af Mosa og hugprýði
hans“ eftir hjónin Halldór Guðmundsson og Önnu
Björnsdóttur. Hermir þar af ævintýrum kattar sem
sannarlega á níu líf. Orri Páll Ormarsson ræddi við
hjónin og köttinn víðförla.
daglegtlíf
Elín Eyþórsdóttir syngur ljóð
Einars Más Guðmundssonar á
plötu Barkar Hrafns Birg-
issonar, Þriðja leiðin. » 28
frumraun
Víkingagarðar eru vinsælir á
Norðurlöndum og nokkur slík
verkefni eru í undirbúningi
á Íslandi. » 30
frumherjar
Jólamyndirnar í ár eru af ýms-
um toga og verður meðal ann-
ars frumsýnd ein íslensk mynd,
Köld slóð. » 32
frumsýningar
Robert Ripley var bandarískur
þúsundþjalasmiður. Hann kom
til Íslands og eftir liggja for-
vitnilegar teikningar. » 34
frumlegur
„Ég hef þá trú að við höfum
ekki allt í eigin höndum,“ segir
Guðni í Sunnu í viðtali um ævi
sína og störf » 24
frumkvöðull
|sunnudagur|10. 12. 2006| mbl.is