Morgunblaðið - 10.12.2006, Blaðsíða 32

jólamyndirnar
32 SUNNUDAGUR 10. DESEMBER 2006 MORGUNBLAÐIÐ
M
eðal kvikmynda sem sýndar
verða kringum hátíðirnar er
jafnvel að finna nokkrar
ósviknar „jólamyndir“ og eina
Biblíumynd, eins og þær voru
kallaðar, um fæðingu frelsarans. Jólasveinninn
3, sem var frumsýnd um miðjan síðasta mán-
uð, markaði upphaf jólamyndavertíðarinnar í
ár en það hefur verið að smátogna úr henni í
gegnum árin.
FRUMSÝNINGAR HELGINA 1.–3. DESEMBER
Flushed Away – Skolað í burtu
Sambíóin, Laugarásbíó
Teiknimynd með íslensku og ensku tali.
Leikstjórar: David Bowers, Sam Fell. Íslensk-
ar aðalraddir: Inga María Valdimarsdóttir,
Felix Bergsson, Arnar Jónsson, Rúnar Freyr
Gíslason, Hjálmar Hjálmarsson, Valdimar
Flygenring, Ólafur Darri Ólafsson o.fl. Enskar
aðalraddir: Hugh Jackman, Kate Winslet, Ian
McKellen, Jean Reno, Bill Nighy o.fl.
Robbi er snobbað gæludýr sem hefur búið
við besta atlæti í fínu hverfi í London þegar
ógæfan hellist yfir. Robba er óvart sturtað nið-
ur úr klósettskálinni og hafnar í furðuveröld
undirheima. Þar ganga hlutirnir öðruvísi fyrir
sig en á yfirborðinu og Robbi karlinn er sann-
arlega lentur í ræsinu. Hann kynnist ýmsum
skrítnum fyrirbrigðum í undirdjúpum Lund-
úna og lærir ófáar lexíur sem eiga eftir að
breyta skoðunum hans á lífinu og tilverunni.
Fjölskyldugamanmynd. 90 mín.
Hátíð í bæ – Deck the Hall
Smárabíó, Regnboginn, Laugarásbíó,
Borgarbíó Akureyri
Leikstjóri: John Whitesell. Aðalleikendur:
Danny DeVito, Matthew Broderick, Kristin
Davis, Kristin Chenoweth, Alia Shawkat.
Nágrannaerjur, öfund og afbrýði skyggja á
jólaboðskapinn í gamanmyndinni Hátíð í bæ.
Steve (Broderick) býr ásamt fjölskyldu sinni í
fallegu húsi í úthverfi og hefur allt á hreinu.
Hver hlutur á sínum stað, röð og regla í háveg-
um höfð og það gildir um utanhússskreytingar
á jólunum sem annað. Steve kemur því ekki
blundur á brá þegar Danny (DeVito), nýi ná-
granninn, fer að punta húsið sitt fyrir hátíð-
arnar. Hann er ekki hár í loftinu en með ein-
dæmum stórhuga og vill að skreytingarnar
sjáist utan úr geimnum.
Fjölskyldugamanmynd. 95 mín.
Leiðin til Betlehem –
The Nativity Story
Háskólabíó, Regnboginn
Leikstjóri: Catherine Hardwicke. Aðalleik-
endur: Keisha Castle-Hughes, Oscar Isaac,
Hiam Abbass, Shaun Toub, Alexander Siddig,
Ciaran Hinds.
Ef tala má um ósvikna jólamynd er það
sannarlega Leiðin til Betlehem. Eins og nafnið
bendir til fjallar hún um aðdragandann að og
fæðingu Jesú Krists og upphaf jólanna. María
og Jósef koma til Betlehem er Rómverjar láta
skrásetja heimsbyggðina. María er komin
langt á leið en verður að eignast barnið í jötu
því gistihúsin eru full. Þessa atburðarás kunn-
um við vonandi flest utan að og hún er færð í
kvikmyndaform með vænstu leikurum á borð
við Keishu Castle-Hughes (Whale Rider) sem
leikur Maríu guðsmóður, Shoreh Aghdashloo
(House of Sand and Fog) sem fer með hlutverk
Jósefs og Ciarán Hinds sem leikur Heródes.
Jólamynd fyrir fjölskylduna. 101 mín.
HELGIN 8.–10. DESEMBER
Forstjóri heila klabbsins – Direktøren
for det hele
Sambíóin, Háskólabíó
Leikstjóri: Lars Von Trier. Aðalleikendur:
Jens Albinus, Jean-Marc Barr, Casper Chris-
tensen, Benedikt Erlingsson, Friðrik Þór
Friðriksson.
Danski dogmaleikstjórinn Von Trier er
mættur með óvenjulega mynd sem er
skemmtilegt krydd í hátíðamyndavalið. Al-
þjóðlegar stjörnur hvergi sjáanlegar, þeirra í
stað okkar eigin Benedikt og Friðrik Þór. Eig-
andi fyrirtækis vill selja það en það er ljón í
veginum. Þegar hann stofnaði fyrirtækið bjó
hann til ímyndaðan yfirmann til að fela sig á
bak við ef hann þyrfti að taka erfiðar ákvarð-
anir. Verðandi kaupendur krefjast þess að
ræða við yfirmanninn svo eigandinn ákveður
að ráða leikara í hlutverkið.
Gamanamynd. 98 mín.
Þrjár á toppnum – DOA/Dead or Alive
Sambíóin Reykjavík og Akureyri
Leikstjóri: Corey Yuen. Aðalleikendur: De-
von Aoki, Sarah Carter, Natassia Malthe,
Matthew Marsden, Jamie Pressly, Eric Ro-
berts, Holly Valance.
Aðdáendur tölvuleikja kveikja á nafni
myndarinnar sem ber sama nafn og feiki-
vinsæll leikur sem hún byggist á. Aðalpersón-
urnar eru harðvítugar og þrautþjálfaðar feg-
urðardísir sem taka þátt í DOA, alþjóðlegri
keppni í austurlenskum bardagaíþróttum.
Keppnisstaðurinn er afskekkt eyja og er þátt-
takendum sagt að um venjulega útslátt-
arkeppni sé að ræða en annað kemur á daginn,
DOA verður barátta upp á líf og dauða.
Spennumynd. 87 mín.
Hátíðirnar – The Holiday
Laugarásbíó, Smárabíó, Sambíóin
Reykjavík, Borgarbíó Akureyri
Leikstjóri: Nancy Meyers. Aðalleikendur:
Cameron Diaz, Kate Winslet, Jude Law, Jack
Black, Eli Wallach, Edward Burns, Rufus Se-
well.
Aðalpersónurnar í nýju myndinni hennar
Nancy Meyers (Something’s Gotta Give) eru
tvær konur sem búa andfætis hvor annarri á
jarðkringlunni. Amanda Woods (Diaz) á heima
í Los Angeles, Iris Simpkins (Winslet) í Lond-
on. Þær kynnast á Netinu og ákveða að hressa
upp á jólaskapið og hafa húsaskipti yfir hátíð-
irnar. Það dregur óvæntan dilk á eftir sér.
Rómantísk gamanmynd. 138 mín.
Hnotubrjóturinn og músakonungurinn –
The Nutcracker and the Mouseking
Smárabíó, Regnboginn, Laugarásbíó,
Borgarbíó Akureyri
Teiknimynd með íslensku tali. Leikstjóri:
Michael G. Johnson. Leikstjóri íslenskrar tal-
setningar: Guðfinna Rúnarsdóttir. Aðalraddir:
Árni Beinteinn Árnason, Örn Árnason, Hanna
Sif Sindradóttir, Jakob Þór Einarsson, Hildi-
gunnur Þráinsdóttir o.fl.
Ævintýrið vinsæla eftir E.T.A. Hoffman er
bakgrunnur teiknimyndar um mýslur sem
hóta að taka völdin í litlu konungsríki. Þar býr
ofdekraður erfðaprins í kastalanum sínum og
fær allt sem hugurinn girnist. Frændi hans,
töframaðurinn Grosselmeier, er orðinn leiður
á frekjunni í stráknum og hyggst kenna hon-
um lexíu sem endar með ósköpum. Prinsinn og
vinir hans breytast í leikföng og illi músakóng-
urinn grípur tækifærið og ætlar sér að hrifsa
völdin.
Barna- og fjölskyldumynd. 80 mín.
HELGIN 15.–17. DESEMBER
Endurupplifunin – Déjà Vu
Háskólabíó, Sambíóin Reykjavík,
Akureyri, Keflavík
Leikstjóri: Tony Scott. Aðalleikendur: Den-
zel Washington, Val Kilmer, Paula Patton,
Bruce Greenwood, Adam Goldberg, Jim Cav-
iezel.
Margir kannast við það undarlega fyrir-
brigði að finnast sem þeir hafi upplifað áður
það sem er að gerast og hafa á tilfinningunni
hvað gerist næst. Á flestum tungumálum nefn-
ist ástandið déjà vu og er til umfjöllunar í nýj-
ustu spennumynd Denzels Washingtons. Hvað
gerist ef endurupplifunin er í rauninni við-
vörun send úr fortíðinni eða ábending um hluti
sem gerast í náinni framtíð? Washington leik-
ur lögreglumann í fíkniefnadeild sem er valinn
til að rannsaka atburð sem gerðist í New Or-
leans. Fyrrgreindar tilfinningar hellast yfir
hann og hjálpa honum að komast til botns í
dularfullu máli.
Spennumynd. 128 mín.
Eragon
Smárabíó, Regnboginn, Laugarásbíó,
Borgarbíó Akureyri
Leikstjóri: Stefen Fangmeier. Aðalleik-
endur: Edward Speleers, Jeremy Irons, Si-
enna Guillory, Robert Carlyle, Djimon Ho-
unsou, Garrett Hedlund, Joss Stone, Rachel
Weisz, John Malkovich.
Ein umtalaðasta mynd ársins og sú sem er
beðið með hvað mestri eftirvæntingu er heims-
frumsýnd hér og víða annars staðar um þessa
helgi. Eragon er byggð á samnefndri met-
sölubók eftir Christopher James Paolini sem
var aðeins 15 ára þegar hann byrjaði á bókinni
sem er sú fyrsta í þrennu um unga hetju,
dreka, góð öfl og ill á miðöldum. Upphaflega
var bókin gefin út af foreldrum hans en sonur
Carls Hiassen las verkið og ævintýrið varð að
æði um öll lönd. Öldungurinn (Eldest), önnur
bókin í flokknum, er t.d. mest selda þýdda
skáldsagan á Íslandi í dag. Paolini sækir tals-
vert til Tolkiens en enn frekar Ann McCaffrey.
Fjölskylduvæn bíójól
Ef eitthvað setur mark sitt á framboðið í kvikmyndahúsunum í desembermánuði þá er það mikið magn kvikmynda sem fjöl-
skyldan getur notið í sameiningu. Sæbjörn Valdimarsson kynnti sér jólamyndir kvikmyndahúsanna í ár.
Reuters
Þrautseigir Jack Black og Kyle Glass ætla að stofna mestu rokkhljómsveit
sögunnar. Hér syngur Black á tónlistarverðlaunahátíð MTV.
Makalausar mörgæsir Keisaramörgæsir með fráa fætur hafa fyllt kvikmyndahús af fólki.
Spennumynd Þröstur Leó Gunnarsson í hlutverki sínu í íslensku myndinni Köld slóð.
Skolað niður Ógæfan hellist yfir þegar
Robba er sturtað niður í undirheimana.