Morgunblaðið - 08.02.2008, Blaðsíða 6

6 FÖSTUDAGUR 8. FEBRÚAR 2008 MORGUNBLAÐIÐ
FRÉTTIR
Eftir Sunnu Ósk Logadóttur
sunna@mbl.is
ÞAÐ er vetur og
fékkst það ræki-
lega staðfest í
gær er ófært var
víða um land
vegna mikilla
snjóa. Síðdegis
bætti í vind og á
skall mikill skaf-
renningur svo
varla sást út úr
augum. Vegum
var lokað, snjóflóð féllu og flug lá
niðri fram eftir degi. Hálka, élja-
gangur og snjókoma varð til þess
að víða var alls ekkert ferðaveður,
m.a. á Vestfjörðum, en þrjú snjóflóð
féllu í Súðavíkurhlíð í gærmorgun.
Jóhanna Ólöf Rúnarsdóttir, sem
búsett er í Súðavík, slapp ómeidd
er hún keyrði utan í fyrsta snjóflóð-
ið um kl. 10.30 í gærmorgun. Hún
var á leið í skólann á Ísafirði er hún
sá í gegnum hríðina að snjóflóð
hafði fallið á veginn. „Ég sá snjó-
flóðið svo seint að ég náði ekki að
stoppa bílinn nógu snemma og rann
inn í það,“ segir Jóhanna. Hún seg-
ist ekki hafa óttast að annað flóð
félli, enda langt síðan færðin var
svona slæm. „Ég var bara ofboðs-
lega róleg, hafði ekki miklar
áhyggjur. Hringdi á hjálp við að
losa bílinn. Fannst þetta ekki alvar-
legra en það.“
Innan skamms kom sjúkrabíll á
staðinn og fékk Jóhanna far með
honum inn á Ísafjörð. „Ég gerði
mér ekki grein fyrir að það væri
svona mikið að koma niður,“ segir
hún en tvö önnur snjóflóð féllu á
veginn skömmu síðar. „Það er eins
með mig og marga aðra, ég mun
bara halda áfram að fara í mína
vinnu. Þetta stoppar mig ekkert af.
Hins vegar myndi þetta kannski
horfa öðruvísi við ef flóðið hefði lent
á bílnum, þá hefði þetta haft meiri
áhrif á mig.“ Hún segist hins vegar
ætla að kanna færð betur í framtíð-
inni áður en hún ekur Súðavík-
urhlíðina. „Ég hefði samt ekkert á
móti því að það kæmu þarna göng,“
segir Jóhanna. „Það er þessi vegur
sem stoppar af allar eðlilegar sam-
göngur. Það hlýtur að verða næsta
forgangsmál að gera jarðgöng
þarna á milli.“
Færð var slæm jafnt innanbæjar
sem utan í gær. Fram eftir degi
voru margir þjóðvegir lokaðir og
lenti fólk m.a. í vandræðum á
Hellisheiði og í Þrengslum. Þurfti
fólk að bíða fast í bílum sínum,
sumt í marga klukkutíma, þar til
björgunarsveitarmenn komu því til
aðstoðar. Þó nokkuð margir öku-
menn ákváðu að hundsa lokun
Vegagerðarinnar á Hellisheiði, sem
tilkynnt var á ljósaskiltum við heið-
ina snemma í gærmorgun, og sátu
síðan pikkfastir í Kömbunum þar til
aðstoð barst. Þá sátu á annað
hundrað bílar fastir á Reykjanesi
en ökumenn nutu aðstoðar björg-
unarsveitarmanna við að komast
leiðar sinnar.
Björgunarsveitir á Suðurlandi
tóku daginn snemma og voru
komnar á Hellisheiðina og í
Þrengslin á áttunda tímanum í
gærmorgun. Höfðu sveitirnar yfir
tólf sérútbúnum jeppum að ráða og
á þriðja tug björgunarsveitar-
manna. Byrjað var á því að ferja
fólk ofan af heiðinni en síðdegis tók
við að losa fasta bíla til að hægt
væri að ryðja heiðina. Losa þurfti
fleiri tugi bíla úr snjósköflum. Hef-
ur hann áhyggjur af ákveðnu at-
hæfi þegar færðin er slæm líkt og í
gær. „Það sem er verst er að þó að
það hafi staðið „lokað“ á upplýs-
ingaskiltum Vegagerðarinnar
snemma virti fólk það ekki.“ Segir
hann slíka hegðun reglu frekar en
undantekningu.
„Það er okkar stóra vandamál í
dag að fólk virðir ekki lokanir.“
Ekki dugi einu sinni að leggja
björgunarsveitarbílum þvert yfir
vegi, bílstjórar troði sér bara
framhjá. „Fólk virðist halda að það
sé bara vitleysa í okkur að það sé
ófært, en kemst svo yfirleitt að
raun um annað.“
Á Holtavörðuheiði lenti sements-
flutningabíll útaf kl. 19:30 en ekki
urðu slys á fólki. Þá ók vörubíll aft-
an á jeppa og urðu minniháttar
meiðsl. Þá var Grindavíkurafleggj-
ara lokað í gærkvöldi og Þrengslum
sömuleiðis.
Hundruð bíla sátu föst
 Ófært víða um land og tugir björgunarsveitarmanna að störfum  Þrjú snjóflóð
féllu en kona sem ók utan í eitt þeirra slapp ómeidd  Spáð vonskuveðri í dag
Árvakur/RAX
Ófærð Ökumenn á stórum sem litlum bílum lentu í vandræðum í ófærðinni í gær. Vegum var lokað víða og snjóþyngsli í úthverfum voru töluverð.
Jóhanna
Rúnarsdóttir
FRÉTTASKÝRING
Eftir Egil Ólafsson
egol@mbl.is
SAMKVÆMT upplýsingum frá fjár-
málaráðuneytinu er meginskýringin
á því að áætlað söluverð eigna á
Keflavíkurflugvelli verður lægra en
upphaflega var áætlað sú að ákveðið
hefur verið að ríkið beri allan kostnað
af breytingum á raflögnum í húseign-
unum, en sá kostnaður er áætlaður
a.m.k. tveir milljarðar. Ráðuneytið
reiknar með að það fái 12,8 milljarða
fyrir eignirnar en formaður stjórnar
Þróunarfélagsins segist reikna með
að sala skili ríkinu 8-9 milljörðum.
Fjármálaráðuneytið hefur upplýst
fjárlaganefnd Alþingis um að óveru-
legur hluti söluverðsins hafi skilað sér
á síðasta ári, en í fjárlögum ársins
2007 var reiknað um 4,7 milljörðum.
Ástæðan fyrir þessu er fyrst og
fremst sú að meiri tíma hefur tekið að
skrá eignirnar en reiknað var með.
Eignirnar þarf að skrá í Landsskrá
fasteigna, gefa þarf út lóðablöð og
veðbókarvottorð. Þessari vinnu er
fyrst að ljúka núna. Þar að auki var
hluti eignanna í umsjón Nato og Þró-
unarfélagið, sem sér um eignasöluna,
fékk þær ekki afhentar fyrr en í þess-
um mánuði. Þetta þýðir að nær öll sal-
an á eignunum verður skráð á þetta
fjárlagaár.
Þórhallur Arason, skrifstofustjóri í
fjármálaráðuneytinu, segir að upp-
haflega hafi verið gert ráð fyrir að
breytingar á raflögnum í húsunum
yrðu í umsjón Þróunarfélagsins og
það bæri kostnað af þessum breyt-
ingum. Nú hafi hins vegar verið
ákveðið að seljandinn, þ.e. ríkið, sjái
um þennan þátt málsins. Kostnaður-
inn við þessar breytingar sé áætlaður
um 2 milljarðar króna og hann drag-
ist frá kaupverðinu. Það mun því
verða 13,7 milljarðar en ekki 15,7
milljarðar. Til viðbótar lækkar sölu-
verðið um 900 milljónir. Skýringin á
þessu er, að sögn Þórhalls, að fer-
metrafjöldi þeirra húseigna sem Há-
skólavellir keyptu var ekki nákvæm-
lega þekktur. Þegar búið var að skrá
eignirnar kom í ljós að fermetrarnir
voru færri en áætlað hafði verið.
Rafmagnið lendir á ríkinu
Magnús Gunnarsson, stjórnarfor-
maður Þróunarfélagsins Keflavíkur-
flugvallar, segist reikna með að nettó-
söluhagnaður ríkisins af sölu eigna á
varnarsvæðinu verði 8-9 milljarðar.
Hann segist ekki átta sig á þeirri tölu
sem fjármálaráðuneytið nefndi í bréfi
til fjárlaganefndar Alþingis en þar er
talað um að salan muni skila 12,8
milljörðum.
Magnús segist reikna með að það
fáist samtals 18-20 milljarðar fyrir
eignirnar. Frá þeirri upphæð dragist
kostnaður vegna mengunar á svæð-
inu, lagfæringar á rafmagni og fleira.
Þessi kostnaður sé áætlaður um 11
milljarðar; 3 milljarðar vegna breyt-
ingar á rafmagni og 4-5 vegna um-
hverfismála. Nettóhagnaður af sölu
eignanna verði því 8-9 milljarðar.
Magnús tók fram að hann vonaðist
eftir að kostnaður yrði minni en það
ætti eftir að koma í ljós.
Aðspurður sagði Magnús að það
hefði alla tíð legið fyrir að bæði kostn-
aður vegna mengunar og kostnaður
við endurbætur á rafmagni myndi
falla á ríkissjóð.
Ríkisendurskoðun hefur frá því í
haust verið að vinna skýrslu um söl-
una og er reiknað með að hún verði
tilbúin síðar í þessum mánuði.
Reiknar með að eignasalan skili
ríkinu 8-9 milljörðum en ekki 12,8
Í HNOTSKURN
»Þróunarfélagið hélt blaða-mannafund 10. desember sl.
þar sem fram kom að búið væri
að selja eignir fyrir 15.765 millj-
ónir.
»Á fundinum var dreift blaðiþar sem segir að tekjum
verði ráðstafað „m.a. í rekstur
svæðisins, hreinsun mengunar,
vinnu við þróun og skipulag og
breytingar í átt að evrópskum og
íslenskum stöðlum“.
 Í morgunsárið Mikill snjór féll
víða um landið í fyrrinótt og þeg-
ar fólk fór á stjá varð ljóst að
margir myndu mæta of seint í
vinnuna og skólann vegna ófærðar
innanbæjar sem utan. Síðdegis
skall á stormur með éljum og
höfðu snjóruðningstæki ekki und-
an.
 Bjargvættir Tugir björg-
unarsveitamanna um allt land
voru við störf í gær, margir frá
því snemma í gærmorgun. Þrátt
fyrir ófærð gekk allt slysalaust
fyrir sig í umferðinni.
 Samgöngur Allar samgöngur
fóru úr skorðum, innanlands- og
millilandaflug lá niðri fram eftir
degi. Þá sigldu hvorki Baldur né
Herjólfur.
 Vegir Víða á landi var heldur
ekkert ferðaveður og var þjóð-
vegum lokað, t.d. Hellisheiði,
Þrengslum, Mosfellsheiði, Holta-
vörðuheiði, Fróðárheiði, Stein-
grímsfjarðarheiði, Öxnadalsheiði
Möðrudalsöræfum, Vopnafjarð-
arheiði, Fjarðarheiði og Odds-
skarði. Tugir bíla sátu fastir í
snjónum og erfitt var að ryðja
leiðir af þeim sökum.
 Skólar Grunnskólanemar skil-
uðu sér flestir í skóla þrátt fyrir
erfiða færð og leiðindaveður. Þó
féll skólahald niður á Egilsstöðum.
 Náttúruhamfarir Þrjú snjóflóð
féllu í Súðavíkurhlíð fyrir hádegi í
gær. Einn bíll lenti utan í fyrsta
flóðinu en bílstjórinn, sem var
einn á ferð, slapp við meiðsli.
 Viðvörun Almannavarnadeild
ríkislögreglustjóra vekur athygli á
að Veðurstofa Íslands spáir
vonskuveðri á landinu í dag og á
laugardag. Húseigendum er bent
á að hreinsa vel frá niðurföllum og
huga að lausum munum. Þá verð-
ur stórstreymt og eigendur báta á
Suðvesturlandi eru beðnir að huga
að þeim. Þeir sem þurfa að vera á
ferðinni eru hvattir til að fylgjast
vel með þróun veðurs og færðar.
 Veðurspá Spáð er hægum vindi
frameftir degi í dag en gert er ráð
fyrir 4-9 stiga hita á landinu og
talsverðu vatnsveðri. Gengur í
suðaustanstorm eða rok síðdegis
og í kvöld, fyrst SV-lands. Úr-
komulítið norðaustantil, annars
slydda eða rigning og hlýnar í
veðri.
Leiðinda-
veðrið í
hnotskurn