Morgunblaðið - 08.02.2008, Blaðsíða 47

MORGUNBLAÐIÐ FÖSTUDAGUR 8. FEBRÚAR 2008 47
árnað heilla
ritstjorn@mbl.is
Félagsstarf
Aflagrandi 40 | Vinnustofa opin kl.
9-16.30, jóga kl. 9, boccia kl. 10, út-
skurður og myndlist kl. 13, Grandabíó-
bíóferð kl. 16, Brúðguminn, ný íslensk
kvikmynd, skráning fyrir 6. febrúar.
Árskógar 4 | Baðþjónusta kl. 8.15-16,
opin smíðastofa kl. 9-16.30, hátíð-
arbingó kl. 13,30, góðir vinningar í
boði.
Bólstaðarhlíð 43 | Hárgreiðsla, böð-
un, almenn handavinna, morgunkaffi/
dagblöð, fótaaðgerð, hádegisverður,
kertaskreyting, kaffi.
Dalbraut 18-20 | Vinnustofa í hand-
mennt opin kl. 9-16 m/ leiðb. annan
hvern föstudag kl. 13-16.
Félag eldri borgara í Kópavogi | Fé-
lagsfundur í Félagsheimilinu Gjá-
bakka 9. febrúar kl. 14. Á dagskrá eru
húsnæðismál aldraðra í Kópavogi,
framsöguerindi halda Aðalsteinn Sig-
fússon félagsmálastjóri og Jóhann
Árnason, framkvæmdastjóri Sunnu-
hlíðar. Harmonikuleikur og kaffiveit-
ingar.
Félag eldri borgara, Reykjavík | Bók-
menntaklúbbur kl. 13, umsjón Sig-
urjón Björnsson. Félagsfundur í
Stangarhyl 4 á morgun, laugardag,
kl. 14. Kynntar verða tillögur um
breytingar á lögum Félags eldri borg-
ara í Reykjavík.
Félagsheimilið Gjábakki | Málm- og
silfursmíði og bossía kl. 9.30, jóga hjá
Birgi kl. 10.50, hádegisverður, heitt á
könnunni til kl. 16 og félagsvist kl.
20.30.
Félagsheimilið Gullsmára 13 | Vefn-
aður, jóga, ganga, leikfimi kl. 9, há-
degisverður, gleðigjafarnir syngja kl.
14.
Félagsstarf eldri borgara, Garðabæ |
Vatnsleikfimi kl. 12, félagsvist í Jóns-
húsi kl. 13, ullarþæfingarklúbbur kl.
13, leikhúsmiðar á leikritið Ivanov í
Þjóðleikhúsinu 20. feb. nk. seldir í
Jónshúsi – ekki er hægt að greiða
með korti.
Félagsstarf Gerðubergs | Vinnustof-
ur opnar kl. 9-16.30, prjónakaffi/
bragakaffi kl. 10, frá hádegi spilasalur
opinn, Gerðubergskórinn á Sóltúni kl.
14, fræðslu- og skemmtidagskrá í
Breiðholtsskóla, m.a. fyrirlestur Ja-
nusar Guðlaugssonar kl. 15.30, „Við
eldumst öll, hugum að heilsunni“,
kórsöngur o.m.fl. Veitingar í boði.
Furugerði 1, félagsstarf | Furugerði 1,
félagsstarf. Í dag kl. 9 aðstoð við böð-
un, kl. 14, framhaldssagan. Kl. 15
kaffiveitingar.
Hraunbær 105 | Kaffi, spjall, blöðin
kl. 9, opin handavinnustofa kl. 9-12,
baðþjónusta kl. 9-14, hádegismatur
kl. 12, bingó kl. 14, bókabíllinn kl.
14.45 og kaffi kl. 15.
Hraunsel | Morgunrabb kl. 9, leikfimi
kl. 11.30, bridge kl. 13, boccia kl. 13.30.
Hvassaleiti 56-58 | Opin vinnustofa
kl. 9-12, postulínsmálning, jóga kl. 9-
11, Björg F. Böðun fyrir hádegi. Hádeg-
isverður kl. 11.30. Hársnyrting.
Langahlíð 3, félagsmiðstöð | Morg-
unkaffi-blaðaklúbbur kl. 10, leikfimi kl.
11, opið hús, spilað kl. 13. Kaffiveit-
ingar.
Norðurbrún 1 | Smíðastofa og handa-
vinnustofa eru opnar kl. 9-16, mynd-
list kl. 9-12, leikfimi kl. 13, hárgreiðslu-
stofa 588-1288. Fótaaðgerðarstofa
568-3838.
Vesturgata 7 | Hárgreiðsla og fóta-
aðgerðir, handavinna, spænska –
byrjendur, hádegisverður, sungið v/
flygilinn, kaffiveitingar og dansað í
aðalsal.
Vitatorg, félagsmiðstöð | Smiðja,
leirmótun kl. 9, morgunstund, leik-
fimi, bingó kl. 13.30 í félagsmiðstöð-
inni óháð aldri og búsetu. Uppl. í síma
411 9450.
Kirkjustarf
Aðventkirkjan á Suðurnesjum | Á
morgun, 9. febrúar kl. 11, bjóðum við
þig velkominn í safnaðarheimili okkar
að Blikabraut 2 í Rnb. Formaður að-
ventista á Íslandi, séra Eric Guð-
mundsson, mun koma í heimsókn og
stýra biblíurannsókn og vera með
hugleiðingu. Súpa og brauð eftir
samkomuna.
Aðventkirkjan í Árnesi | Á morgun
kl. 10 bjóðum við þig velkominn til að
rannsaka með okkur Biblíuna, barna-
dagskrá, guðsþjónusta hefst kl. 11.
Jón Hjörleifur Stefánsson verður
með hugvekju.
Aðventkirkjan í Reykjavík | Á morg-
un bjóðum við þér að koma og rann-
saka með okkur Biblíuna kl. 11, barna-
og unglingadagskrá, umræðuhópur á
ensku. Guðsþjónustan hefst kl. 12,
ræðumaður er Birgir Óskarsson jarð-
fræðingur.
Aðventkirkjan í Vestmannaeyjum |
Við fáum góða gesti frá Hlíðardals-
skóla í Ölfusi í heimsókn á laugardag-
inn. Þau munu sjá um biblíurannsókn-
ina kl. 10.30 og guðsþjónustuna kl.
11.30.
Aðventsöfnuðurinn í Hafnarfirði | Á
morgun verðum við með samkomu í
safnaðarheimili okkar í Hólshrauni 3,
kl. 11. Séra Björgvin Snorrason verður
með biblíurannsókn og ræðuna,
barna- og unglingadagskrá, enskur
umræðuhópur, súpa og brauð að
samkomunni lokinni.
Breiðholtskirkja | Foreldramorgunn
kl. 10-12. Mömmur, pabbar, afar, ömm-
ur og dagmæður sérstaklega velkom-
in.
Hallgrímskirkja | Starf fyrir eldri
borgara kl. 11-14. Leikfimi, súpa, kaffi
og spjall.
Hjálpræðisherinn á Akureyri | Laug-
ardagskvöldið kl. 20 verður sam-
koma á Hjálpræðishernum á Ak-
ureyri. Yfirmenn Hjálpræðishersins á
Íslandi, Noregi og í Færeyjum, Gudrun
og Carl Lydholm, tala.
Selfosskirkja | Þriðjudaga til föstu-
daga eru morgunbænir í Selfoss-
kirkju kl. 10, kaffisopi á eftir. Sr. Gunn-
ar Björnsson.
60ára afmæli. Sextugurer í dag 8. febrúar, Ár-
sæll Baldvinsson Krummahól-
um 8, Reykjavík.
dagbók
Í dag er föstudagur 8. febrúar, 39. dagur ársins 2008
Orð dagsins: Þú hefur breytt eftir mér í kenningu, hegðun, ásetningi, trú, langlyndi, kærleika, þolgæði. (Tím. 3, 10.)
Skotíþróttafélag Hafnarfjarðarhefur starfað frá árinu 1965og sérhæfir sig í iðkunólimpískrar haglabyssuskot-
fimi.
Ferdinand Hansen, formaður fé-
lagsins, segir frá starfinu: „Félagið
opnaði árið 1999 fyrsta flokks að-
stöðu til skeet-skotfimi á Iðavöllum í
Kapelluhrauni, og þar er einnig hægt
að stunda nordisk-trap-skotfimi. Æf-
inga- og keppnistímabil félagsins
hefst í apríl og stendur til loka ágúst,
og höfum við haldið eitt alþjóðlegt
mót á hverju ári,“ segir Ferdinand
en virkir félagsmenn í Skotíþrótta-
félaginu eru rúmlega hundrað.
Ferdinand segir mikla grósku í
skeet-skotfimi um allt land, en íþrótt-
in er með elstu ólympísku keppn-
isgreinunum: „Íþróttin er í senn að-
gengileg og flókin, skotið er á
leirdúfur af átta mismunandi pöllum,
og í tveimur ólíkum stöðum á hverj-
um palli. Það er skemmtileg áskorun
að hæfa leirdúfuna, og auðvelt að
ánetjast sportinu,“ segir hann. „Marg-
ir félagsmenn eru skotveiðimenn sem
koma til okkar til að æfa sig fyrir
veiðar, en uppgötva fljótt hversu
skemmtileg skeet-skotfimi getur verið
og byrja að æfa íþróttina.“
Námskeið hefjast í vor
Lágmarksaldur til að iðka skotfimi
á Íslandi er 15 ár, og heldur SÍH
byrjendanámskeið í haglabyssuskot-
fimi á hverju vori. Þar eru kennd
grunnatriði í skotfimi og öðlast þátt-
takendur grunnþekkingu á byssum
og skotfærum, samfara því að læra
örugga meðferð skotvopna. „Um er
að ræða íþrótt sem hentar jafnt körl-
um og konum, ungum og öldnum, og
er gaman að geta þess að töluverð
gróska er í skotfimi kvenna,“ segir
Ferdinand. „Þeir sem hafa áhuga á
að stunda skotfimi hjá félaginu geta
haft samband í gegnum heimasíðuna
okkar, þar sem einnig er fáanlegt
eyðublað til skráningar í félagið.“
Finna má nánari upplýsingar um
Skotíþróttafélag Hafnarfjarðar á
slóðinni www.sih.is. Þar er meðal
annars að finna myndir úr starfi fé-
lagsins og jafnframt eru birtar á
vefnum tilkynningar um viðburði á
vegum félagsins.
Tómstundir | Skotíþróttafélag Hafnarfjarðar heldur námskeið og æfingar
Gróska í skotfimi
 Ferdinand Han-
sen fæddist í Hafn-
arfirði 1955. Hann
lauk námi í húsa-
smíði frá Iðnskól-
anum í Hafn-
arfirði, hlaut
meistararéttindi
og útskrifaðist sem
framleiðslutæknir
í Danmörku. Ferdinand hefur sinnt
ýmsum störfum við trésmíði og fram-
leiðslu, en hann hefur verið ráðgjafi
hjá Samtökum Iðnaðarins frá 1999.
Hann hefur verið meðlimur í Skot-
íþróttafélagi Hafnarfjarðar frá 1975.
Eiginkona Ferdinands er Jóhanna
Tryggvadóttir ritari og eiga þau þrjú
börn.
Tónlist
Langholtskirkja | Brúðkaup Fíg-
arós eftir Wolfgang Amadeus
Mozart, 11. og 13. febrúar kl. 20.
Laugardalshöll | Sgt.Pepper’s
Lonely Hearts Club Band Ein
merkasta hljómplata allra tíma
flutt í heild sinni á glæsilegum
sinfóníutónleikum í Laugardals-
höll, laugardaginn 22. mars. Fram
koma fremstu söngvarar landsins
og rokksveit Jóns Ólafssonar
ásamt 40 hljóðfæraleikurum úr
Sinfóníuhljómsveit Íslands. Miða-
sala hefst 12. febrúar á midi.is.
Norræna húsið | Sigurður Hall-
dórsson, selló, Daníel Þor-
steinsson, píanó, og sérstakur
gestur: Marta Hrafnsdóttir, halda
tónleika á Myrkum músíkdögum
kl. 12.15, í Norræna húsinu.
Myndlist
Anima gallerí | Elín Anna Þór-
isdóttir opnar sýningu í nýju hús-
næði Anima gallerís að Freyju-
götu 27 í dag kl 17. Elín
útskrifaðist með BA-gráðu frá-
Listaháskóla Íslands árið 2004.
Þetta er fjórða einkasýning henn-
ar en hún hefur einnig tekið þátt í
fjölda samsýninga, bæði hér
heima og erlendis. Efnistök Elínar
hafa verið í mörgum miðlum þar
sem oft má sjá afrakstur gjörn-
inga eða hlutverkaleiks sem oftar
en ekki er spunnið á staðnum.
Sýningin stendur til 23. febrúar í
Anima galleríi, Freyjugötu 27 (við
Njarðargötu). Opið fim. fös. og
lau. kl. 13 - 17. www.animagalleri.is
Norræna húsið | Ólátagarðurinn,
vettvangur óheflaðrar sköpunar,
verður opnaður almenningi öðru
sinni á komandi Vetrarhátíð, 7.-9.
febrúar, í Norræna húsinu; sam-
sýning 7 listamanna sem allir
hafa grunn í graffití og hafa iðkað
það listform í nokkur ár.
Leiklist
Halaleikhópurinn | 9. febrúar nk.
mun Halaleikhópurinn frumsýna
Gaukshreiðrið eftir Dale Was-
serman. Leikstjóri er Guðjón Sig-
valdason. Sýnt verður í Halanum,
Hátúni 12 (Sjálfsbjargarhúsinu).
Nánari upplýsingar og áframhald-
andi sýningarplan má finna á
http://www.halaleikhopurinn.is/.
Mikið var um dýrðir á afmælishátíð hindúagúrúsins Bawa
Lal Dyal Ji Maharaj sem fram fór í gær í borginni Amritsar
á Norður-Indlandi í gær.
Gestir voru skrautbúnir samkvæmt gömlum hefðum í
skrúðgöngu til heiðurs meistaranum. Andlitsmálningin er
ekki ósvipuð þeirri sem mátti sjá á íslenskum börnum síð-
astliðinn miðvikudag.
Afmælisgleði á Indlandi
FRÉTTIR
KÍNVERSK áramót verða haldin í Gallery Kína, Ármúla 42, 108
Reykjavík, helgina 9. og 10. febrúar, en nú er hafið ár rottunnar í
Kína.
Laugardaginn 9. febrúar verður opið hús kl. 10-17. Kynnt verður
kínverk menning og saga, list og hefðbundnar kínverskar lækn-
ingar þar sem kínverskir læknar verða til staðar frá Heilsudrek-
anum, Skeifunni 3j.
Einnig verður hægt að sækja ráðgjöf varðandi ferðir til Kína
hvort það er á eigin vegum eða viðskiptaerindum.
Sunnudaginn 10. febrúar kl. 13-17 verður aðaláhersla lögð á kín-
verskt tungumál og hvernig hægt er að fá kennslu í málinu. Einnig
verður boðið upp á einkaviðtöl, þar sem fólk getur spurt um allt
varðandi Kína og menningu þess.
Kynning verður á kínverskri leikfimi, heilsutei og Feng Shui.
Báða dagana verða vörur boðnar á hátíðarverði, segir m.a. í
fréttatilkynningu.
Rottan heilsar
með nýju ári
ÍSLANDSMÓTIÐ í 5 & 5 dönsum,
með frjálsri aðferð, fer fram nk.
laugardag og sunnudag í Laugar-
dalshöll. Keppnin hefst á laugard. kl.
13.00 og stendur til kl. 21.00 og á
sunnudeginum á milli 11.00 og 15.00.
Það er mótanefnd Dansíþrótta-
sambands Íslands (DSÍ) sem skipu-
leggur keppnina og er áætlaður
fjöldi þátttakenda á þriðja hundrað-
ið. Dómarar eru fimm og koma allir
víðsvegar að úr Evrópu. Að sögn for-
manns DSÍ, Bjargar Jakobsdóttur,
er þetta einn af hápunktum dansver-
tíðarinnar á hverju ári og spennandi
að sjá hvernig keppendur koma und-
irbúnir undir þessa sterku keppni.
Íslandsmót
í dansi
í Höllinni
Fáðu
sms-fréttir
í símann
þinn af
mbl.is
NÝSKÖPUNARVERÐLAUN
forseta Íslands verða afhent
að Bessastöðum síðar í þess-
um mánuði. Verðlaunin eru
veitt árlega þeim námsmönn-
um sem hafa unnið framúr-
skarandi starf við úrlausn
verkefnis sem styrkt var af
Nýsköpunarsjóði námsmanna.
Markmið sjóðsins er að
stuðla að nýsköpun, jafnt fyrir
atvinnulíf sem á fræðasviði.
Alls bárust sjóðnum 252 um-
sóknir um styrki fyrir sumarið
2007. 106 verkefni hlutu styrk
og voru þau unnin af 120 stúd-
entum. Sjóðurinn er fjár-
magnaður með framlögum frá
ríki, Reykjavíkurborg og
Framleiðnisjóði landbúnaðar-
ins auk þess sem önnur sveit-
arfélög hafa tekið þátt í fjár-
mögnuninni.
Rannsóknamiðstöð Íslands
gefur verðlaunin í ár.
Eftirfarandi verkefni eru
tilnefnd í ár:
Gráa gullið: Nemandi Sig-
urlaug R. Sævarsdóttir.
Markmið verkefnisins er að
setja fram drög að heildstæðri
stefnumótun í málefnum eldri
starfsmanna hjá Reykjavíkur-
borg með tillögum um raun-
hæfar aðgerðir.
Pattern Finder – Greining-
arforrit til munsturgreiningar.
Nemandi Gunnsteinn Hall.
Pattern Finder er forrit til at-
burða- og mynstursgreininga,
ætlað til að greina hegðunar-
mynstur dýra.
ICCE – Icelandic Carbon
Credit Exchange. Nemandi
Bergþóra Arnarsdóttir. Við-
skiptahugmyndin og nýsköp-
unarverkefnið ICCE fól í sér
að undirbúa stofnun íslenskrar
viðskiptastofu með losunar-
heimildir gróðurhúsaloftteg-
unda og rannsaka ítarlega
grundvöll og forsendur slíkrar
stofu.
Rafskautanet fyrir fingur-
endurhæfi. Nemandi Arna
Óskarsdóttir. Í verkefninu
voru hannaðar og búnar til
frumgerðir af neti í formi
hanska fyrir hendur á þverlöm-
uðum einstaklingi (einstakling-
ur lamaður fyrir neðan háls) til
að auka hreyfigetu í fingrum
með raförvun.
Víxlflæði súrefnis milli æða í
sjónhimnu manna. Nemandi
Egill Axfjörð Friðgeirsson.
Verkefnið miðaði að því að
skoða svokallað víxlflæði í
sjónhimnu en það er þegar súr-
efni flæðir beint milli slag- og
bláæða án viðkomu í háræða-
netinu.
Fimm verkefni
tilnefnd til
verðlauna