Morgunblaðið - 08.02.2008, Blaðsíða 50

Í troðfullum tónleika-
sal í Guadalajara
lá við að gestir héngju
fram af svölunum ... 51
»
reykjavíkreykjavík
Eftir Ingveldi Geirsdóttur
ingveldur@mbl.is
UM tilgangsleysi allra hluta nefnist
einkasýning Hildigunnar Birg-
isdóttur sem verður opnuð í Ný-
listasafninu í dag. Þar sýnir Hildi-
gunnur með safneign Nýlistasafnins
sem verður þrítugt í ár.
„Verkin eru postulínsskúlptúrar
og grafík af pínulitlum plasthlutum,
hálfgerðum munaðarleysingjum
sem hafa misst tilgang sinn hvort
sem hann hefur verið stór eða smár.
Þetta eru nánast orðnir abstrakt
hlutir því flestir skilja ekki notagildi
þeirra en kannast kannski við þá.
Einn hlutur er t.d. tappi af röri sem
táknar eitthvað í augum pípulagn-
ingamanns en hver gestur mun lík-
lega aðeins þekkja tvo hluti í rým-
inu,“ segir Hildigunnur.
„Ég geri portrett af hlutunum og
valdi bæði miðlana postulín og graf-
ík því það eru hálfgerðir handverks-
miðlar sem hafa orðið svolítið út-
undan í samtíma myndlist. Ég
skerma verkin af innan safnsins;
sýningin er sett upp í básum, verkin
hengd upp í básana eða eiga hvert
sinn stöpul, á gamaldags hátt.“
Plastruslahaugur í hafi
Spurð hvort hún sé eitthvað að
skjóta á neysluhyggju nútímans með
þessari sýningu neitar Hildigunnur
því ekki. „Ég er bæði að fjalla um
neyslusamfélagið með því að leggja
þessa hluti fram og að velta fyrir
mér listheiminum og verðgildi hlut-
anna. Ég er líka búin að velta mikið
fyrir mér þessu plasthafi sem fannst
nýlega í Kyrrahafinu, stærsta rusla-
haug mannkyns sem er aðallega
samansettur úr plastrusli.“
Hildigunnur segir að þessi sýning
sé frekar ólík sínum fyrri verkum.
„Þar sem sýningin er í aðskildu rými
innan safnsins lít ég svolítið á hana
sem eitt verk, sem nokkurskonar
innsetningu og það er það form sem
ég hef mest unnið með, innsetningar
og myndbandsverk. Það er líka svo-
lítið nýtt fyrir mér að vera með hluti
sem eru söluvænir, þetta er kannski
meiri sölusýning en gengur og gerist
hjá nútíma myndlistarmönnum.“
Plasthlutir í postulíni
Árvakur/Golli
Munaðarleysingjar Hlutir sem misst hafa tilgang sinn og orðið hálfpart-
inn abstrakt fá framhaldslíf hjá Hildigunni Birgisdóttur.
Hildigunnur Birgisdóttir sýnir í Nýlistasafninu
 Kvikmynd
Ólafs de Fleurs,
The Amazing
Truth About
Queen Raquela,
tekur þátt í kvik-
myndahluta South
By Southwest (SXSW) tónlistar-
hátíðarinnar í Austin í Texas. Þetta
kemur fram á vefsíðu Lands og
sona, málgagns íslensku sjónvarps-
og kvikmyndaakademíunnar. Há-
tíðin, sem fer fram 9.-17. mars hef-
ur sótt í sig veðrið á síðustu árum
og þykir líkleg til að veita Sund-
ance-keppninni sem nú er nýlokið
verðuga keppni. Þar hefur mörgum
þótt sá listræni metnaður sem áður
einkenndi hátíðina hafa fallið í
skugga markaðshyggjunnar á und-
anförnum árum. SXSW er meðal
annars nefnt sem nokkurskonar út-
ungarstöð „mumblecore“ bylgj-
unnar svokölluðu í Bandaríkjunum.
Þess má svo geta í lokin að
Reykjavík!, FM Belfast og Steed
Lord koma fram á SXSW í ár.
Queen Raquela á
SXSW hátíðinni
 Orðið á götunni segir að raun-
veruleg ástæða þess að hljómsveitin
Jakobínarína lagði upp laupana á
dögunum sé að útgáfurisinn EMI
hafi sagt upp samningi sínum við
hana. Í byrjun maí í fyrra skrifaði
bandið undir útgáfusamning við
Regal/Parlophone, sem er í eigu
EMI, um útgáfu á fyrstu breiðskífu
sveitarinnar The First Crusade sem
kom út í haust. Samið var til nokk-
urra ára og um nokkrar plötur og
átti að gefa næstu plötur út undir
merkjum EMI. Það þótti virkilega
flott hjá hinum ungu meðlimum
Jakobínurínu að vera gripnir svo
snemma á ferlinum af EMI og því
skiljanlegt að drengirnir hafi ekki
verið sáttir við uppsögnina.
Sagt upp hjá EMI?
Eftir Arnar Eggert Thoroddsen
arnart@mbl.is
ÞEGAR hvert stórbandið á fætur
öðru í íslensku þungarokkssenunni
er fallið í valinn (I Adapt, Changer)
er hljómsveitinni Celestine í lófa lag-
ið að taka upp kyndilinn. Hljóm-
sveitin rekur uppruna sinn til Kópa-
vogs og Breiðholts, sem eru miklar
mekkur utangarðstónlistar, og hef-
ur verið starfrækt í tæp tvö ár. Ce-
lestine spilar níðþungt síðþung-
arokk í anda Isis, þar sem
gríðaröflugir mínimalískir kaflar
eru brotnir upp með tilrauna-
kenndum „atmosferískum“ inn-
slögum. Söngurinn er nístandi, svo
tilfinningaþrunginn er hann, og tón-
listin ryðst áfram líkt og hlustandinn
standi berskjaldaður frammi fyrir
beljandi Dettifossi. Efnilegasta
þungarokkssveit landsins? Ekki
spurning.
Sveitin hefur spilað reglubundið á
tónleikum undanfarið en nú er nýút-
komin fyrsta plata hennar, At the
Borders of Arcadia. Um er að ræða
sex laga grip sem hefur verið býsna
lengi í farvatninu að sögn Axels Lúð-
víkssonar söngvara. Aðrir í bandinu
eru þeir Ómar (gítar), Jobbi (gítar),
Grétar (bassi) og Ólafur Arnalds
(trymbill). Tónleikarnir á morgun
verða lokatónleikar hans með band-
inu, en Ólafur er störfum hlaðinn
vegna sólóferils síns.
Áhugi að utan
„Ég og Jobbi vorum nýhættir í
hljómsveitum og langaði til að gera
eitthvað „alvöru“,“ rifjar Axel upp.
„Ég hringdi í hann og spurði hvort
hann væri ekki til og það stóð ekki á
honum. Fyrst ætluðum við bara að
vera þrír, þ.e. trommuleikari, hann á
gítar og svo myndi ég spila á bassa
og syngja. En svo hlóð þetta utan á
sig mjög snögglega og fullorðnaðist
mjög hratt.“
Celestine eyddi fyrsta hálfa árinu
í að pússa sig til og laginu „Les Aut-
res“ var fljótlega póstað á rokk.is,
þar sem það hangir enn. Plötuvinna
hófst svo fljótlega og tók Ólafur
plötuna upp í skúrnum hjá sér í Mos-
fellsbæ með fagtólum (pro-tools).
„Platan var klár í nóvember,“ seg-
ir Axel. „Óli hefur verið að fikta við
hana og náði að knýja út ótrúlegan
hljóm. Við erum afskaplega sáttir
við þetta og stoltir.“
Celestine-liðar gefa plötuna sjálfir
út hér á landi en hún kemur út í
Bandaríkjunum í vor. Enn er óvíst
með útgáfu í Evrópu. Þá stendur og
til að gefa út deiliplötu í sjötommu-
formi með þýsku sveitinni Actress.
Framlag Celestine er klárt en eitt-
hvað stendur á þeim þýsku.
„Erlendar hljómsveitir og útgáfur
hafa verið að setja sig í samband við
okkur og sýnt okkur áhuga. Árið lít-
ur vel út, við förum og spilum í Dan-
mörku og Þýskalandi í sumar og
fleiri hlutir eru á borðinu sem á eftir
að vinna úr. Svo erum við bara að
fara að leggja í næstu plötu.“
Pottþétt
Celestine hefur þurft að þola mót-
læti af ýmsu tagi undanfarna mán-
uði, þar sem mest hefur munað um
tafir og maus við að koma plötunni
út.
„Við höfum alltaf verið pottþéttir
á því að þetta myndi hafast á end-
anum. Margir hefðu efalaust lagt ár-
ar í bát. Við erum bara svo ánægðir
með þessa plötu, og hún hefur haldið
í okkur lífinu. Platan hefur gert okk-
ur að þessu bandi sem við erum.“
Lögðu aldrei árar í bát
Hljómsveitin Celestine heldur útgáfutónleika í Hellinum, TÞM, í kvöld
Árvakur/Golli
Skuggalegir Celestine er ein þyngsta dauðarokksveit sem fram hefur komið á Íslandi í langan tíma.
www.myspace.com/celest-
inemusic
Tónleikarnir fara fram í Hellinum,
Tónlistarþróunarmiðstöðinni,
Hólmaslóð 2, í kvöld, föstudags-
kvöld. Hús opnað 19.30 og miða-
verð er 500 krónur. Muck Og Dor-
mah hita upp. At the Borders of
Arcadia verður til sölu á staðnum.