Morgunblaðið - 08.02.2008, Blaðsíða 14

14 FÖSTUDAGUR 8. FEBRÚAR 2008 MORGUNBLAÐIÐ
ALÞINGI
„ÞAÐ er brjáluð sala núna á
fuglafóðri, við erum að senda það
út frá okkur í brettavís,“ segir
Jósep Grímsson, sölustjóri hjá
Kötlu hf.
Hann telur að sala fuglafóðurs
að undanförnu sé um fimmfalt
meiri en á sama tíma í fyrra.
Starfsmenn Kötlu hafa haft nóg að
gera við að pakka fóðrinu og
koma því í búðirnar.
Af þessu að dæma hugsa lands-
menn til smáfuglanna í vetr-
arhörkunum og er það vel. Mikið
hefur snjóað undanfarna daga og
því brýnt að fólk hugsi vel um
þessa smæstu vini sína.
Jósep segir að nú sé notað kurl-
að heilt hveiti, beint af akrinum í
fuglafóðrið. Það þyki heppilegra í
smáfuglana en kurlaður maís sem
var notaður á árum áður.
Morgunblaðið/Frikki
Fóður Starfsmenn Kötlu leggja nótt við dag við að framleiða fóður fyrir
fuglana. Ekki veitir af í snjóþyngslunum, sem verið hafa undanfarið.
Fuglafóðrið hefur rokið út
í vetrarhörkunum undanfarið
STEYPUBÍLL sem hafnaði úti í sjó
við Grundartanga í gær var dreginn
á þurrt land um klukkan þrjú eftir
hádegið í gær. Starfsmenn BM-
Vallár fluttu tækjabúnað að Grund-
artanga til að vinna verkið, að sögn
Gylfa Þórs Helgasonar, verkstæð-
isformanns hjá fyrirtækinu í Reykja-
vík.
Vegna mikillar þyngdar steypu-
bílsins, sem var fullhlaðinn af steypu
þegar slysið varð, dugði ekkert reipi
til. Notuðu þeir bæði beltagröfu og
hjólaskóflu til að draga hann upp og
festu rammgerðar keðjur á milli.
Ólíkt því sem haft var eftir lögreglu
í gær er ekki ljóst hvort bremsu-
búnaður bílsins gaf sig, en losa
þurfti bremsurnar upp í dag.
Slæmt veður seinkaði björg-
uninni
Háfjara var um eittleytið í gær,
sem hefði verið kjörinn tími til að-
gerða. Björgunarstörf töfðust hins
vegar vegna slæms veðurs og þæf-
ings á vegum. Þó hafði ekki flætt
óþægilega mikið að bílnum og gekk
verkið fljótt fyrir sig.
Bíllinn var fluttur á vélaflutn-
ingavagni á Akranes. Að sögn Gylfa
er ekki ljóst hvort bíllinn er ónýtur
en gert er ráð fyrir að ekki borgi sig
að gera við hann.
Ljósmynd/Hörður Björgvinsson
Steypubíllinn
dreginn á land
EINS og undanfarin ár stóðu Mæðrastyrksnefnd Reykjavíkur, Reykjavík-
urdeild Rauða kross Íslands og Hjálparstarf kirkjunnar fyrir jólaúthlutun
fyrir síðustu jól. Úthlutunin var í Sætúni 8 í húsnæði sem Kaupþing banki
lét í té endurgjaldslaust. Hún gekk mjög vel og margir sjálfboðaliðar lögðu
hönd á plóginn til að allt gengi sem best fyrir sig. Mörg fyrirtæki studdu
úthlutunina með vörum og gjafakortum.
Miðað við árið 2006 varð nokkur fækkun á umsóknum. Fyrir síðustu jól
voru afgreiddar 1.505 umsóknir en voru 1.647 árið áður, þetta er um 8,5 %
fækkun. Umsóknir bárust frá öllu landinu eða 58 sveitarfélögum og af
1.505 umsóknum voru 23% utan höfuðborgarsvæðisins, eða 349 fjöl-
skyldur. Öryrkjar voru fjölmennir eins og undanfarin ár en auk þess voru
einstæðar mæður og barnmargar fjölskyldur meðal umsækjenda. Gera má
ráð fyrir að um 5000 manns hafi notið góðs af, enda um helmingur með
maka og eða börn á framfæri, segir í fréttatilkynningu.
Um 100 sjálfboðaliðar unnu alls í 800 klukkustundir. Samtökin þakka öll-
um þeim sem studdu jólaúthlutunina að þessu sinni.
Færri þurftu aðstoð fyrir jólin
VEGNA umfjöllunar um útför
Róbert James Fischers vill stuðn-
ingsmannahópur hans vekja at-
hygli á því að í samfélagi okkar
hafi lengi gilt sú óskráða siða-
regla að sýna eins mikla nær-
gætni og hægt er í umfjöllun um
látna einstaklinga og aðstand-
endur þeirra.
Mikilvægt sé að hafa í huga að
hinn látni vildi halda einkalífi
sínu utan opinberrar umræðu og
forðast sviðsljósið. „Þrátt fyrir
frækin afreksverk var hann sam-
borgari okkar og á sem slíkur –
þó genginn sé – að njóta sömu
friðhelgi og við ætlum okkur
sjálfum og okkar nánustu. Minn-
ingu hins látna ber að sýna þá
virðingu sem hefð er fyrir í okk-
ar samfélagi.“
Fischer fái frið
ÁSTA Valdimarsdóttir, forstjóri
Einkaleyfastofunnar, var á seinasta
fundi framkvæmdaráðs Evrópsku
einkaleyfastofunnar í desember s.l.
kosinn í fimm manna stjórn þess og
einnig kosin í stjórn Evrópsku
Einkaleyfa-akademíunnar. Ísland
gerðist aðili að Evrópska einka-
leyfasamningnum í nóvember 2004
og hefur Ásta verið fulltrúi Íslands
í framkvæmdaráðinu frá þeim
tíma.
Kosin í stjórn
LAUGARDAGINN 9. febrúar ætla
félagarnir í Ungblind að standa fyr-
ir blindu kaffihúsi í kjallara Hins
Húsins Pósthússtræti 6. Kaffihúsið
verður opið frá kl. 14 til 17. Allir
eru velkomnir.
Blinda kaffihúsið gefur þeim sjá-
andi kleift að upplifa hvernig það
sé að drekka og borða blindandi,
segir í frétt frá Ungblind.
Blint kaffihús
STUTT
Eftir Höllu Gunnarsdóttur
halla@mbl.is
STJÓRNVÖLD reka sveltistefnu
gagnvart spítölum sem síðan er not-
uð sem réttlæting til að þröngva
þeim út í einkarekstur, sagði Ög-
mundur Jónasson, þingmaður
vinstri grænna, í utandagskrárum-
ræðum á Alþingi í gær og gerði starf
læknaritara að sérstöku umtalsefni.
Læknaritarar fjölmenntu á þing-
palla, og komust færri að en vildu, en
það hefur verið í umræðunni að
bjóða tímabundið út hluta af þeim
verkefnum sem þeir hafa sinnt.
Ögmundur sagði því hafa verið
haldið fram að þetta væri til þess að
draga úr launakostnaði en spurði
hvers vegna ráðist væri á læknarit-
ara. „Læknaritarar eru með innan
við 200 þúsund krónur í grunnlaun á
mánuði. Hvað skyldu lækningafor-
stjórarnir vera með sjálfir? Á aðra
milljón á mánuði?“ spurði Ögmund-
ur og var ósáttur við að talað væri
um störf læknaritara eins og vélritun
sem hægt væri að sinna hvar sem
væri.
Ögmundur hafði jafnframt
áhyggjur af persónuverndarsjónar-
miðum þegar til stæði að senda við-
kvæmar upplýsingar til fyrirtækja
úti í bæ. Sagðist hann vita til þess að
háttsettir aðilar á Landspítalanum
hefðu afhent símanúmer og vakta-
og launaskrár starfandi læknaritara
til einkafyrirtækja sem ásælast
verkefni tengd ritun sjúkraskráa.
Afvegaleiðir umræðuna
Guðlaugur Þór Þórðarson heil-
brigðisráðherra taldi Ögmund vísvit-
andi reyna að afvegaleiða umræðuna
og sagði hann iðulega fara með rangt
mál, t.d. varðandi að skorið hefði ver-
ið niður í fjárframlögum til heilbrigð-
ismála. Það væri rangt.
Guðlaugur sagði stjórnvöld vilja
skapa svigrúm fyrir fjölbreyttara
rekstrarform í heilbrigðisþjónustu.
„Ég vil ítreka þennan grundvallar-
mun á einkavæðingu og einka-
rekstri. Einkarekstur hefur ekki
áhrif á aðgengi eða jöfnuð notenda,“
sagði Guðlaugur og áréttaði að þjón-
ustan væri þá enn greidd af ríkis-
valdinu.
Guðlaugur sagði stjórnendur LSH
hafa tekið þá ákvörðun að bjóða út
verkefni sem læknaritarar hafa sinnt
og lagði áherslu á að fjöldi verkefna í
heilbrigðiskerfinu væri unninn af
einkaaðilum. Innsláttur upplýsinga í
sjúkraskrár væri nákvæmnisvinna
sem krefðist einbeitingar og það félli
illa að starfsumhverfi sjúkrahússins.
Tryggja þyrfti að óskráð mál söfn-
uðust ekki upp eins og nú gerðist
enda væri öryggi sjúklinga í húfi.
Svelti eða framþróun?
Ögmundur Jónasson segir háttsetta menn á LSH hafa veitt
einkafyrirtækjum upplýsingar um læknaritara
Árvakur/Ómar
Gegn einkaframtaki Guðlaugur Þór sakaði Ögmund Jónasson um að reyna vísvitandi að afvegaleiða umræðuna
um einkarekstur og vinstri græn voru jafnframt sögð hafa fordóma gagnvart einkarekstri.
Snigill á háhraða
Veður og færð höfðu áhrif um allt
land í gær og Al-
þingi var þar eng-
in undantekning.
Valgerður Sverr-
isdóttir, Fram-
sókn, átti að vera
málshefjandi í ut-
andagskrár-
umræðu um há-
hraðatengingu
og starfsemi Fjar-
skiptasjóðs en
komst ekki til vinnu vegna ófærðar.
Flokksbróðir hennar, Höskuldur Þór
Þórhallsson, hljóp í skarðið og ítrek-
aði mikilvægi nettenginga fyrir alla
landsmenn.
Kristján L. Möller samgöngu-
ráðherra sagði háhraðatengingar
fara í útboð í febrúar og að um 1.500
býli biðu tenginga. Ekki voru þó allir á
eitt sáttir þegar Kristján sagði málið
vera á háhraða og Siv Friðleifsdóttir,
Framsókn, vildi heldur tala um hraða
snigilsins í því samhengi.
Ekki of flókið
Guðjón A. Kristjánsson, Frjáls-
lyndum, mælti í gær fyrir frumvarpi
sem felur í sér að ferðakostnaður
fólks til og frá vinnu verði frádrátt-
arbær frá skatti sé hann umfram
180.000 kr. á ári. Árni M. Mathie-
sen fjármálráðherra sagði að skoða
mætti einhvers konar frádrátt frá
skatti vegna kostnaðar við að afla
sér tekna en að fleiri kostnaðarliðir
gætu komið til. Skattkerfið mætti
ekki vera of flókið.
ÞETTA HELST…
Guðjón A.
Kristjánsson.
EINAR K. Guðfinnsson sjávarút-
vegsráðherra ætlar að senda sænsk-
um stjórnvöldum bréf til að vekja at-
hygli á því sem hann kallar óhróður
samtakanna World Wide Fund for
Nature, en þau hafa sagt þorsk vera í
útrýmingarhættu. Þetta kom fram í
svari Einars við fyrirspurn Gunnars
Svavarssonar, þingmanns Samfylk-
ingar, á Alþingi í gær en Einar sagði
jafnframt að það væri vaxandi þáttur
í starfsemi ráðuneytisins að sinna
svona málum.
Gunnar vakti athygli á skaðsemi
þess fyrir markaðssetningu á ís-
lenskum fiski að því væri haldið að
neytendum að þeir ættu ekki að
kaupa þorsk þar sem hann væri í út-
rýmingarhættu. „Undir þetta hefur
verið tekið á beinan og óbeinan
hátt,“ sagði Gunnar og lagði áherslu
á markvissa vinnu við að styrkja þá
ímynd sem íslenskur fiskur hefur
haft og skilgreina Íslandsmiðin
þannig að síður væri hætta á að fiski-
stofnar landsins yrðu settir undir
sama hatt og fiskstofnar sem eru í
verulegri hættu.
Íslenskur þorskur ekki
í útrýmingarhættu
ÞAÐ ER ekki góður bragur á því að Alþingi sé með sér-
stakt reykherbergi, sagði Guðlaugur Þór Þórðarson
heilbrigðisráðherra á Alþingi í gær og lagði til að þingið
losaði sig við herbergið.
Árni Þór Sigurðsson, þingmaður vinstri grænna, ósk-
aði svara ráðherra við því hvort nokkuð yrði hvikað frá
markmiðum tóbaksvarnarlaga en talsverð umræða hef-
ur spunnist um reykingabann á skemmtistöðum.
Guðlaugur sagði að vitanlega yrði staðinn vörður um
markmið tóbaksvarnarlaga enda hefði náðst árangur í
forvarnastarfi gegn reykingum. Þingmenn mættu þó byrja heima hjá sér.
„Ég hef fengið afskaplega margar athugasemdir og fyrirspurnir frá fólki
sem á mjög erfitt með að skilja það að við gefum þessa línu út í þjóðfélagið
en séum síðan með þetta svokallaða reykherbergi á vinnustað okkar,“
sagði Guðlaugur.
Heilbrigðisráðherra
vill reykherbergið burt