Morgunblaðið - 08.02.2008, Blaðsíða 23

MORGUNBLAÐIÐ FÖSTUDAGUR 8. FEBRÚAR 2008 23
AUSTURLAND
Ólafsvík | Þótt kalt væri í veðri í Ólafsvík
á mánudag voru börnin í leikskólanum
Krílakoti í góðu skapi og skein af þeim
gleðin. Börnin ásamt starfsfólki höfðu
lagt í mikla vinnu til þess að fá grænfána
og nú var komið að stóru stundinni, að fá
viðurkenninguna afhenta.
Þórunn Sigþórsdóttir, umhverf-
isfulltrúi fyrir staðardagskrá og Green
Globe á Snæfellsnesi, og Rósa Erlends-
dóttir, deildarstjóri Lýsuhólsskóla, af-
hentu leikskólanum grænfánann og Krist-
inn Jónasson bæjarstjóri dró hann að húni
við mikinn fögnuð barnanna. Að því loknu
sungu börnin tvö lög fyrir gesti.
Þórunn sagði að þetta væri 45. græn-
fáninn sem afhentur væri á Íslandi, og
væri leikskólinn í Krílakoti sjötti skólinn á
Snæfellsnesi sem fengi viðurkenninguna.
Morgunblaðið/Alfons
Krílakot fær
grænfána
Eftir Guðrúnu Völu Elísdóttur
Borgarnes | Þær létu gamlan
draum rætast vinkonurnar Sigrún
Eygló Sigurðardóttir og Inger
Helgadóttir og settu á fót verslun
fyrir stórar konur í Borgarnesi.
Verslunin fékk heitið „Yfir 46“.
Verslunin var opnuð 15. nóv-
ember á síðasta ári og hefur að
þeirra sögn gengið vonum framar.
Hvorug þeirra er þó byrjandi í
rekstri því árið 1999 keyptu þær
efnalaugina Múlakot ásamt vin-
konu sinni, Sesselju Bjarnadóttur.
Síðan breyttust aðstæður þannig
að Sigrún keypti þær út og rak
efnalaugina ein. Þegar hún fékk
stærra húsnæði undir starfsemina
við Borgarbraut 55 kviknaði þessi
hugmynd.
„Já, við vorum búnar að vera að
hugsa um þetta síðan 2002 til þess
að nýta húsnæðið, en síðan ákvað
ég að leigja hluta af því út,“ segir
Sigrún. Þar var um tíma rekin
prentþjónusta og síðar hár-
greiðslustofa. „Þegar Sigrún sagði
mér í haust að nú væri eigandi
hárgreiðslustofunnar búinn að
segja upp húsnæðinu og nú skyld-
um við láta til skarar skríða varð
ég hálfóróleg en hún gaf sig ekk-
ert með þetta,“ segir Inger. „Við
höfðum auðvitað talað um að vera
með verslun með stór föt fyrir
konur, því hver er sjálfum sér
næstur. Og við fórum að spek-
úlera í því hvaðan við vildum flytja
inn föt og ætluðum fyrst að flytja
inn ákveðið merki frá Þýskalandi.
En til þess að ná samningum við
þá þurftum við að uppfylla ákveð-
in skilyrði og eitt af því var að
verslunin væri í bæ sem hefði
70.000 íbúa og við treystum okkur
ekki til að fjölga Borgnesingum
um 68.000.“
Tískan á undan okkur
Þannig vildi það til að þær fóru
að skoða merki frá Frakklandi og
Ungverjalandi, en þær voru svo
heppnar að hafa Ungverja í vinnu
sem gátu aðstoðað þær við að leita
að fyrirtækjum, finna hönnuði og
merki. „Við höfum getað farið út
með okkar hugmyndir og látið
sauma fatnað eins og okkur líkar,
en allt kemur þetta til af því að við
eigum vinkonu sem á hús í Ung-
verjalandi og þangað höfum við
farið oft og mörgum sinnum.“
Þær segjast báðar mjög ánægð-
ar með viðskiptin. „Bæði hönnun
og vinnubrögð eru til mikillar fyr-
irmyndar, og það sem kom okkur
mikið á óvart var að tískan þar er
yfirleitt einum til tveimur árum á
undan okkur.“ Þær segja þetta
hafa komið á óvart því margir
telja fyrrum austantjaldslöndin
frekar „skódaleg“ og vanmeti
vörur frá þessum löndum. „Við
seljum líka pólskar húðvörur sem
heita Lirene en þetta eru hágæða-
vörur á afar góðu verði.“
Fatnaðurinn í versluninni sam-
anstendur af yfirhöfnum, kjólum,
buxum, peysum, bolum og slám,
auk þess sem þar fást slæður og
ýmsir fylgihlutir. „Og nú erum við
að fara að taka inn franska nærfa-
talínu fyrir flottar konur og alveg
upp í stærð 60, en það er franskur
hönnuður sem við fundum sem
hefur verið að hanna föt fyrir stór-
ar og flottar konur í 15 ár og þessi
nærfatalína er að byrja í fram-
leiðslu.“
Þær Sigrún og Inger segja eft-
irspurn eftir fatnaði fyrir stórar
konur talsverða. „Við sendum
vörur víða um land, en reyndar
finnst okkur borgfirskar konur
minni en við héldum og þess
vegna erum við með vörur frá
stærð 40, þó að úrvalið sé meira í
stóru stærðunum og búðin heiti
„Yfir 46“,“ segir Sigrún og hlær.
„En við höfum fengið jákvæðar og
góðar viðtökur og með það erum
við ánægðar.“ Inger bætir því við
að þær séu á góðum stað mið-
svæðis í bænum og tilvalið fyrir
ferðafólk að líta inn. „Við erum
með opið alla virka daga og á
laugardögum, en við tökum líka á
móti einstaklingum eða hópum ut-
an afgreiðslutíma ef óskað er.“
„Hver er sjálfum sér næstur“
Morgunblaðið/Guðrún Vala
Stofnuðu verslun
með yfirstærðir
fyrir konur
Bjartsýni Inger Helgadóttir sem hér sést með ömmustelpunni Birgittu Agnesi og Sigrún Eygló Sigurð-
ardóttir ákváðu að opna verslun í Borgarnesi með föt fyrir stórar konur og eru ánægðar með byrjunina.
LANDIÐ
Vopnafjörður | Menningarráð Aust-
urlands hefur úthlutað styrkjum til
85 menningarverkefna á Austur-
landi, samtals að upphæð 31,8 millj-
ónir króna. Hæstu styrkir námu 1,1
milljón króna en þeir lægstu 100
þúsund krónum. Alls bárust menn-
ingarráðinu 120 styrkumsóknir að
þessu sinni.
Ráðherrar menntamála og iðn-
aðar endurnýjuðu samstarfssamn-
ing ríkis og sveitarfélaga á Austur-
landi um menningarmál hinn 9.
janúar sl. og gildir hann til ársloka
2010. Þetta er í 8. sinn sem úthlutað
er styrkjum skv. samstarfssamningi
ríkis og sveitarfélaga á Austurlandi
en fyrsta úthlutun fór fram 2002. Af
umsóknum og úthlutunum í ár má
ráða að menningarstarfið á Austur-
landi er blómlegt og víða að finna
kraftmikla nýsköpun, hvort heldur
er á sviði lista eða menningar-
tengdrar ferðaþjónustu.
Úthlutunin fór fram við hátíðlega
athöfn í Miklagarði á Vopnafirði að
viðstöddu fjölmenni og ávarp flutti
meðal annarra Ólöf Ýrr Atladóttir,
nýskipaður ferðamálastjóri.
Þrír aðilar hlutu hæsta styrk, 1,1
milljón. Veitt var til fimm verkefna á
Vopnafirði undir samheitinu Menn-
ing um landið. Innifelur það mynd-
listarsýninguna Smaladrengurinn
frá Möðrudal, Skáldakvöld á Vopna-
firði, leikgerð af Vopnfirðingasögu,
opnun á bræðrasetri Jóns Múla og
Jónasar Árnasona og dans- og leik-
smiðju fyrir börn. Frú Norma, at-
vinnuleikhús, fékk einnig 1,1 milljón
fyrir uppfærslu Soffíu músar og
námskeiðahald. Þá fékk kirkju- og
menningarmiðstöðin Eskifirði sömu
upphæð í fimm verkefni; listsýningu
Baltasars Sampers, aðventu-
tónleika, síðasta lag fyrir svæð-
isútvarp, gospelnámskeið og Systk-
inin Steinway og Stradivarius.
Morgunblaðið/Jón Sigurðarson
Fagnað Ólöf Ýrr Atladóttir ferðamálastjóri afhendir Sigríði Dóru Sverr-
isdóttur menningarfulltrúa Vopnfirðinga styrk til menningarverkefna.
32 milljónir í aust-
firska menningu
VERKEFNIÐ Hagvöxtur á heima-
slóð er sniðið að þörfum fyrirtækja og
hagsmunaðila í ferðaþjónustu og
markmiðið að efla faglega hæfni í
stefnumótun, vöruþróun og markaðs-
setningu með sérstakri áherslu á
samstarf innan og milli svæða.
15 fyrirtæki á Austurlandi hafa nú
lokið þátttöku. Meðal þeirra er Gisti-
húsið Egilsstöðum, en eigendur þess
eru Gunnlaugur Jónasson og Hulda
Daníelsdóttir. „Þetta var athyglis-
vert,“ segir Gunnlaugur. „Þarna voru
hinir ýmsu fyrirlestrar varðandi
markaðssetningu, klasasamstarf,
samvinnu og verkefnagerð. Stóra at-
riðið í verkefninu var að búa til teng-
ingar milli ferðaþjónustuaðilanna á
Austurlandi, þrátt fyrir að menn hafi
líka verið að læra hver fyrir sig. Þetta
á vísast eftir að bera ávöxt. Hér eru
allir að berjast í því sama og samvinna
hlýtur að vera af því góða.“ Gunnlaug-
ur segir ýmsar hugmyndir í pípunum
varðandi samstarf í ferðaþjónustunni
á Austurlandi, sem og varðandi frek-
ari samvinnu við Markaðsstofu Aust-
urlands. Gistihúsið Egilsstöðum hef-
ur verið rekið í núverandi mynd í tíu
ár, en verið gistihús nær óslitið frá
árinu 1903.
Hagvaxtarverkefnið hefur verið á
Vesturlandi, Suðurlandi, Norðurlandi
og Vestfjörðum. Verkefnið fer næst
fram á Suðurnesjum
Þátttökufyrirtæki á Austurlandi
voru Aldamótabærinn Seyðisfjörður,
Austfjarðaleið, Birds.is, Ferðaskrif-
stofa Austurlands, Ferðaþjónustan
Mjóeyri, Fjalladýrð, Fjarðaferðir,
Gistiheimilið Grái hundurinn ehf.,
Gistihúsið Egilsstöðum, Hótel Aldan,
Hótel Framtíð, Hótel Hérað, Klaust-
urkaffi, Tanni ehf. ferðaþjónusta og
Skálanes.Útflutningsráð hefur þróað
HH verkefnið í samvinnu við Samtök
ferðaþjónustunnar, Impru nýsköpun-
armiðstöð, Ferðamálasetur Íslands
og Byggðastofnun en að auki styður
Landsbankinn við verkefnið.
Hagvöxtur efld-
ur á heimaslóð
Ljósmynd/HH
Vaxtarverkefni Þátttakendur ásamt Ingu Hlín Pálsdóttur verkefnisstjóra.
15 ferðaþjónustu-
fyrirtæki á Austur-
landi í verknámi
Neskaupstaður | Þrír sækja um
stöðu skólameistara við Verk-
menntaskóla Austurlands. Helga
Steinsson, núverandi skólameistari,
lætur af störfum í lok mánaðarins.
Umækjendur eru Jóhannes
Ágústsson, Marinó Stefánsson og
Olga Lísa Garðarsdóttir. Öll eru
þau framhaldsskólakennarar.
Umsóknarfrestur rann út í byrj-
un febrúar. Miðað er við að
menntamálaráðherra skipi í stöð-
una til fimm ára frá 1. mars n.k., að
fenginni tillögu hlutaðeigandi
skólanefndar.
Helga Steinsson hefur gegnt
stöðunni undangengin tólf ár en
flytur sig nú um set og verður
verkefnastjóri hjá Fjölmenning-
arsetri.
Verkmenntaskóli Austurlands
var stofnaður árið 1986 og er eini
skólinn á Austurlandi sem býður
upp á verklegt nám.
Þrír sækja um
skólameistara
Egilsstaðir | Barkinn, söngkeppni
Menntaskólans á Egilsstöðum, fer
fram í kvöld í fjölnotahúsinu í Fella-
bæ og hefst dagskráin kl. 18:30, en
húsið verður opnað klukkustund
fyrr.
Egill Gunnarsson, formaður
nemendafélags ME, segir Barkann
nú veglegri en nokkru sinni fyrr og
hefur þó oft verið vel í lagt á und-
angengnum árum.
Kynnir keppninnar verður
Björgvin Franz Gíslason og for-
maður dómnefndar Páll Óskar
Hjálmtýsson. Keppendur eru sex-
tán að þessu sinni. Björgvin Franz
verður með skemmtiatriði í hléi og
sigurvegari Barkans frá í fyrra tek-
ur lagið.
Barkinn sung-
inn í kvöld