Morgunblaðið - 08.02.2008, Blaðsíða 24

|föstudagur|8. 2. 2008| mbl.is
daglegtlíf
Vínheimurinn hefur logað í deilum und-
anfarin misseri um það hvert vínfram-
leiðsla stefni og skiptast menn í nokkr-
ar fylkingar. » 27
vín
Einbeitingin skein úr augum keppenda
sem tóku þátt í förðunarkeppni sem
haldin var í Kringlunni í fyrrakvöld á
vegum MAC. » 28
tíska
Háir hælar munu vera góðir fyrir kyn-
lífið á fleiri en eina vegu. Ekki aðeins
geta þeir örvað kynhvötina heldur eru
þeir góðir fyrir grindarbotninn líka. » 29
daglegt líf
Tveir girnilegir réttir matreiddir korteri
fyrir kvöldmat úr smiðju matreiðslu-
meistara Ítalíu og Pottsins og pönn-
unnar. Verði ykkur að góðu! » 26
matur
A
uðvitað er svolítið stress-
andi að keppa á svona
stóru móti, þarna verða
yfir sextíu keppendur
og sumir af bestu skaut-
urum heims þar á meðal. Krakkarnir
eru frá Finnlandi, Noregi, Svíþjóð og
Danmörku auk okkar íslensku
stelpnanna, en við erum fimm héðan
sem tökum þátt í mótinu. Við ætlum
bara að hafa gaman af þessu og það
er frábært að Norðurlandamótið
skuli núna vera á Íslandi. Gott að
vera á heimavelli,“ segja þær Dana
Rut Gunnarsdóttir, Helga Jóhanns-
dóttir og Íris Lóa Eskin sem keppa
fyrir Ísland í flokki 10-15 ára.
„Við verðum aldrei saman inni á
svellinu í keppninni, því þetta er ein-
staklingskeppni. Hver keppandi
keppir tvisvar, annars vegar í skyldu
og hins vegar í frjálsu prógrammi, og
sá sem er með bestu samtalseinkunn
vinnur í sínum flokki. Keppt er í
þremur flokkum eftir aldri og bæði í
karla- og kvennaflokki,“ segja þær
stöllur sem hlakka til að hitta alla
þessa krakka og vonast til að eignast
nýja skautavini frá útlöndum. Þær
standa saman í slagnum þó svo að
þær æfi ekki hjá sama félaginu.
Dana æfir hjá Skautafélagi Reykja-
víkur, Íris æfir hjá Birninum og
Helga kemur að norðan, hún æfir hjá
Skautafélagi Akureyrar.
Listhlaup á skautum er mjög ung
íþrótt á Íslandi en vinsældir hennar
fara þó ört vaxandi. Dana er búin að
æfa lengst af þeim stelpunum, enda
er hún elst. Þetta er áttunda árið
sem hún æfir listhlaup. Norð-
anstúlkan Helga er á sínu sjötta ári
og hún fór til Finnlands í fyrra og
tók þar þátt í Norðurlandamóti. Íris
er aftur á móti á sínu þriðja æf-
ingaári en gefur hinum tveimur ekk-
ert eftir. Hún segist hafa farið að æfa
listhlaup af því að vinkona hennar
bauð henni eitt sinn með á æfingu og
henni fannst gaman. Hinar tvær
segjast svo sem ekkert vita hvers
vegna þær kusu upphaflega að byrja
að æfa þessa fallegu íþrótt. „Mig
langaði bara allt í einu til að æfa á
skauta en ég var í fimleikum og lang-
aði til að breyta til,“ segir Dana og
hlær.
Detta oft á hverri æfingu
Það er heilmikil vinna að æfa list-
hlaup á skautum, eins og með flestar
íþróttir. Þær æfa fimm daga vik-
unnar, stundum tvisvar á dag og
stundum í einkatímum þar fyrir ut-
an. Þeim finnst það þó ekkert mál og
ætla að halda ótrauðar áfram. „Ann-
aðhvort er maður í þessu eða ekki en
íþróttinni fylgir skemmtilega mikil
harka og læti. Maður þarf að hafa
rosagott þol og við styrkjumst mikið.
Til dæmis dettum við mjög oft á
hverri æfingu – það er óhjá-
kvæmilegt, sérstaklega þegar við er-
um að æfa eitthvað nýtt. Ef maður
dettur aldrei tekst manni ekki að
bæta sig.“
Þær eru í skemmtilega ólíkum
búningum. Dana og Helga fengu
saumakonur til að sauma búningana
sína eftir þeirra hugmyndum en Íris
pantaði sinn rauða búning af netinu.
Það er svalt á svellinu þar sem
þær svífa um eins og ævintýraverur í
fallegum litum. Auk þeirra munu
tvær aðrar íslenskar stúlkur keppa í
flokknum fyrir 15-18 ára, þær Guð-
björg Guttormsdóttir og Íris Kara
Heiðarsdóttir, báðar frá Skauta-
félagi Reykjavíkur.
khk@mbl.is
Árvakur/Árni Sæberg
Svífandi Fulltrúar Íslands, þær Íris, Dana og Helga eru glæsilegar þar sem þær þeytast um á svellinu og fipast ekki hið minnsta þrátt fyrir að vera á fleygiferð.
Íslensku keppendurnir Þessar fimm keppa fyrir Íslands hönd á Norðurlandamótinu um helgina. F.v. Helga Jó-
hannsdóttir, Íris Lóa Eskin, Dana Rut Gunnarsdóttir, Guðbjörg Guttormsdóttir og Íris Kara Heiðarsdóttir.
Leika sér Það má líka alveg sprella stundum á ísa köldu svelli.
Drottningar
á skautasvelli
Þær ætla að keppa um helgina á Norðurlanda-
móti í listhlaupi á skautum og eru til í slaginn.
Kristín Heiða Kristinsdóttir spjallaði við þrjár
sterkar stelpur sem svifu um svellið eins og
álfadrottningar.
Norðurlandamót í listhlaupi á
skautum 2008 verður haldið 8.-
10. febrúar í Egilshöll í Reykjavík.
www.nordics.muna.is