Sjómannablaðið Víkingur - 01.12.1946, Side 70

JDLRUS OLAFSSOIM
Góðar bœkur
Það er ekki ofsögum sagt, að bókaútgáfa á Islandi
er óvenju mikil miðað við fólksfjölda. Ég held að rétt
sé farið með, að yfir tvö hundruð bækur, þýddar og
frumsamdar, hafi verið gefnar út árið 1945. Að sjálf-
sögðu eru bækur þessar upp og ofan gott andlegt fóður.
Sumar eru ágætar, margar góðar og fjöldi innihalds-
lausar. Ef bóka- og blaðaútgáfa á Islandi er mæli-
kvarði á manndóm og menningu landsmanna, þá gæti
manni dottið í hug að íslenzka þjóðin stæði hlutfalls-
lega framarlega á móts við aðrar þjóðir.
Hvað sem um þessi mál er sagt, þá dylzt það ekki að
einstaklingarnir eru frjálsir gerða sinna og mega hugsa
og starfa eftir því sem andinn eða andleysið blæs þeim
í brjóst. Það er víst, að þetta frjálsræði er mjög mikils
virði til þroskunnar á skapgerðinni, og ef til vill eitt
af frumskilyrðunum til andlegs þroska. Islendingar
eru gæfumenn á þessu sviði miðað við sumar aðrar
þjóðir, sem ekki eru frjálsar gerða sinna og vélrænir
valdhafar fyrirskipa fólkinu það sem þeir vilja að það
hugsi, starfi og lesi.
Það er eftirtektarvert í þessu bókaflóði hvað litið
er gefið út af trúmálabókum, þar sem þjóðin er eða
hefur verið talin trúhneigð. Orsökin er ef til vill sú,
að þjóðin er almennt dul og ekki fyrir það að láta
uppskátt um tilfinningar sinar í þeim málum, og því
hafi bókaútgefendur ekki talið sér mikla sölumöguleika
með útgáfu slíkra bóka. Mér finnst samt að nokkrar
athyglisverðar bækur hafi verið gefnar út á síðustu
tímum. Þær teljast ef til vill ekki til trúmálabóka, en
eru það samt að miklu leyti, því þær greina frá ákveðn-
um sannindum Biblíunnar og vísindalegum rannsókn-
um á pýramídanum mikla í Egyptalandi. Bækur A.
Rutherfords „Pýramídinn rnikli" kom út árið 1940,
„Boðskapur pýramídans mikla“ kom út árið 1945 og
„Hin mikla arfleifð íslands" kom út árið 1939. Þessar
þrjár bækur eru að mínum dómi mjög merkilegar.
Einnig hafa verið gefnar út aðrar þrjár athyglisverðar
bækur um svipað efni eftir Jónas Guðmundsson eftir-
litsmann sveitarstjórnarmálefna. Bækur hans heita
„Spádómai-nir um ísland", „Saga og dulspeki" og
„Vörðubrot“, og nú á þessu ári hefur hann byrjað út-
gáfu á tímariti sem hann nefnir „Dagrenning". Jónas
Guðmundsson er víðsýnn og frjálslyndur gáfumaður
sem mikils má af vænta um þessi mál í framtíðinni.
Bækur þessar greina frá vísindalegum rannsóknum á
pýramídanum mikla og þýðingu á spádómum Biblíunn-
ar og að táknmál pýramídans er samhljóða spádómun-
um. Þannig, að sami andinn hafi verið að verki við
byggingu pýramídans og innblástur spámanna, eða, að
guð hafi stjórnað hvoru tveggja. Tvær af bókunum eru
sérstaklega um ísland, og eru þær í meira lagi athyglis-
verðar, hvaða hlutverk íslandi er ætlað í nýsköpun yfir-
standandi tíma og framtíðarinnar.
Ég ætla ekki að skrifa neinn ritdóm um þessar bækur,
til þess er ég ekki fær. Sökum þess að mér þykir boð-
skapurinn sem þær flytja svo merkilegur fyrir alla
menn, sem á annað borð vilja nokkuð hugsa, þá datt
mér í hug að vekja athygli á þeim. Ég minnist þess
varla að hafa séð þeirra nokkurs staðar getið nema í
auglýsingaformi. Þó getur það verið að ritdómur hafi
verið skrifaður um þær, því það fara svo mörg blöð
framhjá sjómanninum. En hvað sem þessu líður, þá
er góð vísa aldrei of oft kveðin.
Pýramídinn mikli (Steinbiblían mikla) er mesta
furðuverk heimsins. Rutherford segir að pýramídinn
hafi verið reistur rúmlega 1000 árum áður en Mose
ritaði fyrstu bók Biblíunnar og 2600 árum áður en
Kristur lifði hér á jörðinni, er hann því rúmlega 4500
ára gamall. Ennfremur segir hann um pýramídann:
„Rannsóknir þessara fáu síðustu áratuga hafa leitt þá
staðreynd í ljós, að það er eigi aðeins svo, að pýramídinn
opinberi dásemdir stærðfræði og vísinda, heldur lýtur
margt þar að hárnákvæmri fræðslu um stjörnu þá er
vér byggjum, svo sem nákvæma stærð jarðarinnar,
rétta lögun hennar, þyngd hennar, skipting vatns og
þurlendis á yfirborði hennar, fjarlægð sólarinnar,
lengd ársins svo nákvæma að eigi munar mínútu, halla
jarðaröxulsins og umferðartíma hans. Allt þetta er
opinberað með mælingafræði á hrein-vísindalegan hátt.
Það verður að athugast, að mikið af þekkingu þeirri,
sem þannig er fólgin, hlaut að vera ókunn á þeim eld-
fornu tímum er pýramídinn var reistur, og mönnum
var áreiðanlega ófært að komast eftir henni fyr en nú
á síðustu dögum, eftir að fundin höfðu verið upp ný-
tízku áhöld og tæki. Þetta bendir til að pýramídinn
mikli sé opinberun náttúrufræðilegra vísinda, frá æðri
máttarvöldum". — „Þareð vísindi og trú eru tvær
hliðar hins mikla eilífa sannleika, þá er eigi að furða
þótt það komi í ljós að pýramídinn mikli opinberi
einnig sannleika trúarinnar og hin guðlegu áform um
manninn á jörðinni gegnum aldaraðirnar, náttúrleg og
andleg, birt á vísindalegum grundvelli. En áður en vér
rannsökum trúarleg og spádómsleg atriði í opinberun
pýramídans er vel við eigandi að víkja að spurningum
þeim, sem kristnir menn myndu bera fram á þessum
tímamótum. Kristinn maður myndi að sjálfsögðu spyrja:
„Er ekki gengið í berhögg við kenningar ritningarinn-
ar með því að leita þannig á öðrum stöðum, eins og í
pýramídanum, að auknum guðlegum opinbenmum, þeg-
ar Biblían sjálf segir oss að ritningarnar einar séu
fullnægjandi, til þess að guðsmaðurinn megi verða al-
ger og til alls hæfur?“ Þessari spumingu svörum vér
þannig: Við rannsókn pýramídans sniðgöngum vér ekki
ritningamar eða förum gagnstætt leiðsögn þeirra, því
að í Biblíunni er grein, sem hingað til hefir ekki verið
veitt athygli; en hún segir að pýramídinn mikli sé
35B
V í K I N G U R