Sjómannablaðið Víkingur - 01.12.1946, Qupperneq 75

útbúnaði, sem fenginn er frá Lidköping. Má
gera ráð fyrir að Svíar taki þessa umbót upp
og noti hana á næstunni við smíðar eigin báta.
Smíðar fiskibáta úr tré standa á gömlum
merg í Danmörku. Þar munu vera um 110 skipa-
smíðastöðvar, sem smíða tréskip og báta. Skipa-
smiðir hafa öflugan félagsskap og stéttin er
hið bezta mennt.
Ein stærsta tréskipasmíðastöð Danmerkur er
,.Fredrikssunds Skibsværft", sem smíðað hefur
mesta tréskip Norðurlanda hin síðari árin.Þaðer
farþega- og vöruflutningaskip, sem danska ríkið
lét gera til að halda unni siglingum til Græn-
lands. Skip þetta er 550 smálestir að stærð.
Sézt það í smíðum á 13. mynd.
Stærsti bátaslippur á Norðurlöndum er í Es-
bjerg. Þaðan er 14. mynd. f slipp þessum er
hægt á 8 klst. vinnudegi að hleypa 6 bátum af
stokkunum og draga aðra 6 á land upp. Slippur-
inn hefur ágætt rúm fyrir 14 báta, sem hægt
er að set.ia upp og niður án þess að rask verði
eða þrengsli skapist. Svo góð er aðstaðan, að hin
fyrrnefndu afköst nást með vinnu slippstjóra og
fimm starfsmanna.
Dani skortir m.iög gott efni í báta, bæði eik
og valda furu. Nýlega hafa þeir samið um að
smíða 100 fiskibáta fyrir Sovétríkin gegn því að
þau leggi til viðinn í þá báta alla og 50 að auki.
★
Norðmenn hafa misst 91 fiskibát af stríðs-
völdum á heimaslóðum. Allmargir þeirra báta,
sem Þjóðverjar tóku til sinna nota hafa ekki
fundizt aftur, og nokkrir hinna endurheimtu
eru ósjófærir með öllu. Innrásardagana og tíma-
bilið þar á eftir fóru 300 fiskibátar úr landi,
flestir til Englands. 287 komu fram og voru
gerðir út á stríðsárunum. 87 þeirra hafa farizt
eða týnt tölunni með öðrum hætti.
Nokkuð hefur verið smíðað af fiskibátum í
Noregi á stríðsárunum. Þó þarf flotinn mjög
mikillar endurnýjunar við. Norðmenn hafa líka
stórar áætlanir um framtíðina. Er ætlunin sú
að smíða 400—500 fiskibáta árlega fyrst um
sinn, svo framarlega sem unt reynist að útvega
allt það efni, sem til slíkra smíða þarf.
Norðmenn hafa ýmsa vel hæfa skipaverk-
fræðinga, sem teikna báta þeirra. Glöggt dæmi
um nútíma fiskibát norskan má sjá á 15. mynd.
Báturinn, sem þar er sýndur, er 70 feta langur
og um 65 smál. brúttó. Norskir bátar hafa flest-
ir beinna stefni en hinir sænsku. Ennfremur er
stýrishús norsku bátanna allmiklu stærra.
Norsku bátarnir hafa ekki önnur segl en lítinn
mesan.
Norðmenn nota aðallega dieselvélar í hina
nýju báta sína. Þeir hafa á stríðsárunum full-
komnað mjög spil sín og „vinsur“, svo að til
stórbóta horfir.
Myndir 16 og 17 eru af 50 smálesta bát
norskum, einkar snotrum og mjúkum í línum
öllum. Bátur þessi er með aðeins 80 ha. diesel-
vél, en gengur þó furðu mikið, 91/2 sjómílu tóm-
ur, en 8V2 sjóm. með fullfermi. Er það frábær-
lega góður gangur, miðað við stærð báts og
vélar.
Það, sem einkennir hina nýju fiskibáta Norð-
manna, séu þeir bornir saman við sænska báta,
er stærð lestarinnar. 50 smálesta bátur norskur,
eins og sá, sem sýndur er á 17. mvnd, hefur 8
metra langa lest, en nýir fiskibátar sænskir,
V í K I N G U R
363