Sjómannablaðið Víkingur - 01.09.1993, Qupperneq 38

VÍKINGUR
Sjávarútvegssýningin í Laugardal:
ÆTLA KALLARNIR
AÐ FARA Á SÝNINGUNAÍ
HVAÐ ERU ÞEIR AÐ FISKA
OG HVERNIG LIGGUR Á ÞEIM?
MAÐUR FORPOKAST
EKKIEINS MIKIÐ
segir Snorri Snorrason
á Baldri EA
Snorri Snorrason, skipstjóri og út-
gerðarmaður á Dalvík, var raunar í
landi þegar blaðið náði tali af hon-
um. Baldur EA var hins vegar úti á
sjó að eltast við rækju. „Ég held þeir
hafi haldið sig mest í Kantinum hér
fyrir norðan, en það er búið að vera
heldur rólegt að undanförnu eins
og oftast er á rækjunni um þetta
leyti.“
Snorri segist yfirleitt sækja sjávar-
útvegssýningar hér innanlands ef
hann hafi tíma til þess.„ Ég fór ekki
síðast og veit ekki hvort ég get farið
núna, en það hafa allir eitthvað út úr
því að skoða þessar sýningar. Þær
eru besta leiðin til að fylgjast með því
sem er að gerast og skoða tækninýj-
ungarnar. Maður forpokast ekki
eins mikið ef maður reynir að fylgj-
ast með. Mig hefur líka oft langað á
sýningar í útlöndum, en það er dýrt
og tímafrekt að sækja þær og við sem
stundum sjóinn ráðum lítið yfir tím-
anum okkar,“ sagði Snorri Snorra-
son.
KAUPIEKKIMIKIÐ
AF TÆKJUM NÚNA
segir Asgeir
Guðbjartsson á
Guðbjörgu ÍS
„Það er alltaf gaman að sjá þessar
sýningar,“ sagði Ásgeir Guðbjarts-
son, skipstjóri á Guðbjörgu ÍS,
þegar blaðið náði tali af honum þar
sem hann var á veiðum í Kolluáln-
um.
„Ég veit þó ekki hvort ég fer á
sýninguna að þessu sinni. Maður
kaupir ekki mikið af tækjum meðan
ástandið er eins og það er, má teljast
góður að eiga fyrir olíu og veiðar-
færum. Þetta er hrikalegt. Við vor-
um að koma hingað af Hampiðju-
torginu þar sem við vorum tvo sólar-
hringa að fylla einn gám. Maður
kaupir ekki mikið af tækjum á með-
an,“ segir Ásgeir Guðbjartsson og
enginn efast um að hann hefur oft
verið fljótari að fylla einn gám af
fiski.
SYNINGARNAR
KOMAAÐGAGNI
segir Guðmundur
Hermannsson á
Sæþóri EA
Guðmundur Hermannsson, skip-
stjóri á rækjubátnum Sæþóri EA frá
Árskógsströnd, var að skarka á Rifs-
banka norðaustur af Þistilfirði þegar
við náðum sambandi við hann í
farsímann.Hann sagðist hafa farið
tvívegis á sjávarútvegssýningar. „Þar
er margt að sjá og ekki allt jafn-
spennandi því auðvitað er reynt að
höfða tii sem flestra. En ég hef haft
gagn af þessum sýningum, það er
engin spurning. Það er svo ör þróun
í tækninýjungum fyrir skip að það er
nauðsynlegt fyrir sjómenn að fylgj-
ast vel með. Ég reyni að komast
núna ef ég get.“
Þeir á Sæþóri hafa verið á rækju í
sumar og lagt upp á Dalvík. „Þetta
hefur verið allt í lagi fram til þessa,
en núna er þetta hálfgerður ræfill.
En það eru ekki alltaf jólin og
kannski eins gott,“ sagði Guðmund-
ur Hermannsson.
38