Sjómannablaðið Víkingur - 01.09.1993, Qupperneq 62

VÍKINGUR
Utan úr heimi
HILMAR SNORRASON, SKIPSTJÓRI
Aukið öryggi
útgerðarmað-
urinn gríski,
Troodos, sem
gerir út stóran
olíukipaflota,
hafði áhyggjur
af slysatíðni um
borð í skipum
sínum. Hann var sannfærður um að
með öflugu átaki og hvatningu
mætti fækka slysum á skipum út-
gerðarinnar. Hann lagði höfuðið í
bleyti og ákvað að umbuna þeim
áhöfnum sem tækist að reka skip sitt
slysalaust ár hvert.
Troodos ákvað að nöfn skipverja
á þeim skipum, sem væru slysalaus,
yrðu sett í lukkupott og síðan yrði
dregið eitt nafn úr og hlyti sá heppni
að launum bifreið að eigin vali fyrir
20.000 dollara, eða um 1,5 millj. ísl.
kr.
Nýlega var dregið í annað sinn úr
þessum slysalausa potti og hlaut An-
tonios Mortakis, yfirstýrimaður á ol-
ískipinu Nedi 1, bílaverðlaunin í ár.
Þessi frumlega aðferð hefur, að
sögn Troodos, gjörbreytt ástandi
um borð í skipum félagsins. Ætli ís-
lenskir útgerðarmenn væru tilbúnir
í samskonar átak?
Snögg umskipti
Fyrir stuttu varð árekstur á milli
olíuskipsins Silver Horn, sem skráð
er á Kýpur, og kínverks rannsóknar-
skips norðaustur af Taiwan. Svo
vildi til að rannsóknarskipið fórst,
en á því voru 107 skipverjar og var
þeim öllum bjargað um borð í Silver
Horn. I þakklætisskyni fyrir björg-
unina hértóku Kínverjarnir olíu-
skipið.
Kínverjarnir héldu skipstjóran-
um og yfirstýrimanninum í gíslingu
á stjórnpallinum og hafði skipstjór-
inn um tvennt að velja, annað hvort
að skrifa undir yfirlýsingu þess efnis
að skip hans bæri fulla ábyrgð á
árekstrinum eða að sigla með skip-
brotsmennina til Shanghai.
Skipstjóri Silver Horn tók fyrri
kostinn og skrifaði undir yfirlýsingu
um ábyrgð á árekstrinum en Kín-
verjarnir létu Jrað ekki nægja, því
þeir neituðu að fara með skipinu til
næstu áætlunarhafnar, sem það var
á leið til. Varð skipstjórinn að sigla
upp að strönd Kína þar sem dráttar-
bátur og björgunarskip komu til
móts við skip hans og tóku skip-
brotsmennina.
MAYDAY- MAYDAY
Og meira af neyðarsendingum.
Dómstólar í Virginiu í Bandaríkjun-
um dæmdu nýlega radioamatör sem
sendi út falskt neyðarkall á taltíðni.
Jorge Mestre var dæmdur til að láta
af hendi allan fjarskiptabúnað sinn,
eins árs fjarskiptabann, 60 daga
stofufangelsis og 200 tíma vinnu
fyrir sýsluan, sem hann býr í.
Að auki var hann dæmdur til að
greiða strandgæslunni 50.000 doll-
ara vegna kostnaðar Jjeirra við að-
gerðir vegna neyðarkallsins. Eitt er
víst að Jorge hugsar sig tvisvar um
áður en hann opnar á sér munninn á
neyðarkalltíðni skipa í framtíðinni.
Bleik skip!
Sjómenn látiö ykkur ekki bregða
þótt |:>ið sjáið bleik gámaskip á ferð-
um ykkar. ítalski forstjóri skipafé-
lagsins Contship Containerlines,
Cecilia Battistello, var orðin leið á að
sjá „hefðbundna" liti á kaupskipum
og ákvað að gera róttækar breyting-
ar á litum skipa sinna. Bleikur litur
varð fyrir valinu. Hún telur vel við
hæfi að láta mjúka liti létta upp á
tilveruna á þeim hörðu tímum sem
nú eru í kaupskipaútgerð.
Skipin hennar Ceciliu eru bleik
frá sjólínu og upp úr, að skorsteinin-
Troodos að afhcnta Mortakis lyklana að nýja bílnum.
62