Fréttablaðið - 29.08.2009, Blaðsíða 24

24 29. ágúst 2009 LAUGARDAGUR
Í júní lagði Hjördís Svan Aðalheiðar-
dóttir af stað með börnin sín fjögur
og tvo ketti með flugi til Danmerkur.
Þar hafði eiginmaður hennar, Kim
Gram Laursen, beðið fjölskyldunn-
ar í hálft ár. „Kim var að vinna í
fjarvinnu sem tölvunarfræðingur hjá
Kaupþingi en missti vinnuna þar í
október. Þar sem við vorum búsett
á Höfn voru möguleikarnir minni
en í Reykjavík fyrir hann. Það kom
því eiginlega ekki annað til greina
fyrir hann en að fara út og leita að
nýrri vinnu þar,“ segir Hjördís. Kim
er danskur og átti því auðvelt með
að finna sér vinnu í Danmörku.
Hann var kominn með góða vinnu
hjá leikfangaframleiðandanum Lego
strax í janúar.
Hjördís og Kim eiga fjögur börn,
Sólon Svan, tólf ára; Emmu Sóldísi,
fimm ára; Matildu Sóldísi, þriggja
ára, og Míu Sóldísi, tveggja ára.
Fjölskyldan býr nú í smábænum
Egtved, sem er rétt fyrir utan Vejle
á Jótlandi. „Við kunnum mjög vel
við okkur hérna. Sólon er byrjaður
í skólanum og eldri stelpurnar tvær
eru byrjaður á leikskóla. Svo skúra
ég í banka, eldsnemma á morgnana
áður en allir vakna, og er svo heima
með yngstu stelpuna. Ég stefni á að
vera með hana heima til áramóta,
þegar hún má byrja í leikskóla. Þá
ætla ég að byrja í hjúkrunarfræði í
Háskólanum í Vejle.“
Þrátt fyrir að fjölskyldunni gangi
allt í haginn viðurkennir Hjördís að
það sé nokkuð flókið púsluspil fyrir
móður að láta öllum í svo stórri
fjölskyldu líða vel í kjölfar flutning-
anna. „Það er auðvitað erfitt að
fara frá fjölskyldunni og rífa börnin
upp með rótum, sérstaklega hann
Sólon, af því hann er á viðkvæmum
aldri. En við höfum svo sem prófað
þetta áður því við bjuggum áður í
Danmörku og í Englandi í eitt ár.
En við fluttum hins vegar heim árið
2006, keyptum okkur hús á Höfn og
sáum fyrir okkur að setjast þar að til
frambúðar. En við náðum sem betur
fer að selja það hús. Svo við getum
talist heppin.“
Í sumarbyrjun fóru handboltamaðurinn
Ólafur Haukur Gíslason og eiginkona
hans, Margrét Rún Einarsdóttir, að
skipuleggja flutninga til útlanda með
syni sína tvo, Einar Benedikt og Gísla
Baldur, tveggja ára og sex mánaða. Í
byrjun ágúst voru þau flutt í Haugasund
á vesturströnd Noregs og eru nú bæði
komin með atvinnutilboð.
Það stóð þó ekki endilega til að flytja
frá Íslandi. „Við bjuggum úti í Sviss fyrir
nokkrum árum síðan. Við fluttum svo
heim fyrir þremur árum og ég skráði
mig í BS-nám í viðskiptafræði. Þá
stefndum við á að fara fljótlega aftur
út en svo kom góðærið mikla og við
tókum ákvörðun um að vera heima,
enda gott að vera á Íslandi og nóg af
tækifærum.“
Þegar hillti undir útskrift hjá Ólafi
hafði landslagið hins vegar breyst. „Það
leit ekki vel út með vinnu eftir námið,
enda fóru örugglega 80 prósent sam-
nemenda minna í áframahaldandi nám.
Margrét Rún var í fæðingarorlofi. Hún
hafði verið að vinna á auglýsingastofu
en missti vinnuna í hópuppsögn, svo
það leit ekki vel út hjá henni heldur.
Maður var í sjokki í nokkra mánuði
en svo heyrði ég af áhuga nokkurra
erlendra liða á að fá mig til að spila.
Mér bauðst líka að fara til Þýskalands,
Svíþjóðar og Danmerkur. Á endanum
valdi ég Haugasund, enda var hér mesta
öryggið.“
Í samningi Ólafs var loforð um að
redda bæði honum og Margréti Rún
vinnu og við það var staðið. „Ég er
búinn að fá vinnu í banka, þar sem ég
á að byrja í lok september og Margrétar
Rúnar bíður vinna á auglýsingastofu,
þegar hún verður búin með fæðingar-
orlofið.“
Enga kreppu er í Noregi að sjá, segir
Ólafur. „Þeir hafa líka tapað peningum.
En munurinn á þeim og okkur er að þeir
hafa aðallega tapað peningum sem þeir
áttu, ekki peningum sem þeir áttu ekki.
Miðað við hvernig fólk lifir lífinu hér er
ekki að sjá að kreppan bíti á það.“
Þau Ólafur Haukur og Margrét Rún
sjá ekki fyrir sér að koma heim á næstu
árum. „Okkur líður mjög vel hérna. Við
fengum frábæra íbúð á góðum stað og
Norðmenn eru gestrisnir í alla staði.
Það var auðvitað heljarinnar ákvörðun
og dálítið erfitt að fara frá ömmunum
og öfunum. En það þýðir samt ekkert
að setja það fyrir sig. Þetta er bara
spennandi.“
Með miða
aðra leið til
útlanda
Samanskroppin tækifæri og fyrirsjáanlegt at-
vinnuleysi hefur ýtt fjölda fólks úr landi. En
kreppan er ekki eina ástæða þess að margir
hleypa heimdraganum um þessar mundir. Sumir
eru til að mynda á leið í langþráð nám og halda
sínu striki, hvað sem fárveikri krónu líður. Hólm-
fríður Helga Sigurðardóttir hringdi nokkur milli-
landasímtöl í Íslendinga sem höfðu það fínt á
Íslandi í fyrra en freista nú gæfunnar í útlöndum.
HJÖRDÍS OG FJÖLSKYLDA Hjördís Svan
Aðalheiðardóttir, eiginmaður hennar,
Kim Gram Laursen, sonurinn Sólon og
dæturnar Emma, Matilda og Mía áttu
heima á Höfn í Hornafirði en búa nú í
smábænum Egtved á Jótlandi.
MYND/ÚR EINKASAFNI
GÆFUNNAR FREISTAÐ Í ÚTLÖNDUM Fjölmargir Íslendingar eru á leiðinni út til náms eða starfs.
„Nú er rétti tíminn til að mennta
sig,“ segir Erla Tryggvadóttir, sem er
um þessar mundir að hefja lokaárið
í meistaranámi í alþjóðaviðskiptum
við Copenhagen Business School.
Fyrra árið tók hún við Háskólann í
Reykjavík og mun útskrifast þaðan
að árinu í CBS loknu. Fyrstu dagarnir
við skólann lofa góðu. „Mér líst vel á
CBS enda er þetta einn af þeim bestu
í Evrópu, mjög nútímalegur og má
segja framúrstefnulegur.“
Erla var verkefnastjóri hjá Straumi
fjárfestingarbanka á samskipta- og
markaðssviði. Starfshlutfall hennar
var minnkað í haust og svo missti
hún vinnuna í vor. Þær breytingar áttu
þó ekki beinan þátt í þeirri ákvörðun
hennar að fara út. „Það var hluti
af náminu að fara út í skiptinám í
eina önn. Ég hefði því alltaf farið, en
núna eru áherslurnar aðrar en fyrir
ári síðan. Ég verð hér í að minnsta
kosti eitt ár og er að bræða með
mér hvort ég eigi ekki bara að halda
áfram í námi, jafnvel að skella mér í
doktorsnám. Núna er rétti tíminn fyrir
slíkar ákvarðanir, því á góðæristímum
sleppir maður ekki tækifærunum í
atvinnulífinu. Það er nauðsynlegt að
horfa á jákvæðu hliðarnar. Nú hefur
maður tækifæri á að upplifa skemmti-
leg námsár erlendis,“ segir Erla.
Rétti tíminn til að mennta sig
FJÖGUR BÖRN OG TVEIR KETTIR
„Við erum að fara í eins árs skipti-
nám í japanska háskólanum ICU,“
segir Sveinn Eiríkur Ármannsson,
sem er nýlentur í Japan ásamt
unnustu sinni, Björk Ellertsdóttur.
„Við erum búin að læra japönsku í
Háskóla Íslands í tvö ár og ætlum
bæði tvö að halda því áfram.“
Ástandið á Íslandi átti ekki beinan
þátt í þeirri ákvörðun Sveins Eiríks
og Bjarkar að drífa sig til Japans.
„Við vorum búin að stefna að þessu
í meira en tvö ár. En við erum mjög
fegin núna að hafa ekki farið í fyrra,
þegar þetta hefði allt saman komið í
bakið á okkur.“
Að skiptináminu loknu þurfa
Sveinn Eiríkur og Björk að
koma aftur til Íslands og skrifa
BA-ritgerð sína við HÍ. Að því
loknu vonast þau eftir að
komast aftur út í frekara nám.
„Auðvitað fer það þó eftir
ýmsu, meðal annars
því hvernig gengur
að venjast Japan og
ástandinu heima.
Það er svo alls óvíst
hvort maður sest
að í Japan til fram-
búðar. Ástandið
þarna heima á
þó örugglega eftir
að spila meira og
meira inn í það
hvar við ákveðum
að setjast að þegar
fram í sækir. Þá sér-
staklega hvort maður
fær einhverja góða vinnu á Íslandi
að öllu námi loknu en líka bara
stemningunni.“
Sveinn Eiríkur segir það hreint
ekki hafa verið erfiða ákvörðun að
fara frá Íslandi. „Við vorum búin að
vera að hugsa um þetta í nokkurn
tíma, en við heimsóttum Japan
fyrst árið 2006. Við höfðum smá
áhyggjur af því að það yrði kannski
ómögulegt þegar kreppan skall á
en þá vorum við í miðju umsókn-
arferli í japönsku skólana. Þetta er
auðvitað dýrara núna, út af genginu,
en það þýðir bara að við komum til
með að skulda LÍN aðeins meira.
Annars erum við eiginlega bara
fegin að sleppa úr ástandinu
heima - og enn fegnari að
sleppa við stöðuga fjölmiðlaum-
fjöllun um kreppuna, Icesave og
fylgikvilla sem við vorum orðin
langþreytt á. Það er lítil hætta
á öðru en að þetta verði
skemmtilegt ævintýri
held ég og lítið til að
sakna, annað en fjöl-
skylda og vinir, sem
eru reyndar margir
hverjir að fara í nám
hér og þar í heimin-
um hvort eð er.“
Lítið til að sakna í Japan
M
YN
D
/Ú
R
EIN
K
A
SA
FN
I
ERLA TRYGGVADÓTTIR Erla var að hefja seinna ár meistaranáms síns í alþjóðavið-
skiptum við Viðskiptaháskólann í Kaupmannahöfn, CBS.
SVEINN EIRÍKUR
ÁRMANNSSON Sveinn
og unnusta hans, Björk
Ellertsdóttir, leggja nú
stund á japönskunám í
Japan. MYND/ÚR EINKASAFNI
HAMINGJUSÖM Í HAUGASUNDI