Fréttablaðið - 29.08.2009, Blaðsíða 84

56 29. ágúst 2009 LAUGARDAGUR
sport@frettabladid.is
FÓTBOLTI Dóra Stefánsdóttir horfir
fram á veginn með íslenska
kvennalandsliðinu þrátt fyrir að
hlutirnir hafi ekki alveg geng-
ið upp á EM í Finnlandi. Hún er
sannfærð um að stelpurnar okkar
eigi eftir að ná enn lengra í fram-
tíðinni og geti komist mun oftar
inn á stórmót.
„Þetta er bara byrjunin hjá
okkur. Við erum búnar að sýna
það að við eigum að vera hérna og
núna þurfum við bara smá tíma
til að bæta okkar leik og þá verð-
ur þetta allt annað þegar við erum
komnar á stórmót í annað sinn,“
segir Dóra. „Maður vonar bara að
þetta sé bara byrjunin á einhverju
ennþá stærra. Það er drullusvekkj-
andi að ná ekki okkar markmiðum
því við settum okkur það mark-
mið að komast upp úr riðlinum.
Það gengur ekki eftir og þá er
maður andvaka yfir því. Það þýðir
bara ekkert, svona er íþróttin og
við þurfum bara að leggja ennþá
meira á okkur,“ segir Dóra.
Dóra ætlar að nýta svekkelsið
eftir töpin á móti Frakklandi og
Noregi til að ná upp meiri krafti
fyrir leikinn á móti heims- og
Evrópumeisturum Þýskalands
á sunnudaginn. „Maður notar
þessa orku sem maður hefur til
þess að gera eitthvað gott í þeim
leik í staðinn fyrir að eyða henni
í pirring. Maður verður að reyna
að sjá þetta sem frábæra reynslu
og tækifæri til að fá góðan leik á
móti frábæru liði. Það eru hörku-
leikir eftir í HM á þessu ári þannig
að þetta verður bara hluti af því
að búa liðið undir þá,“ segir Dóra.
Hún segir þær þýsku munu fá að
finna fyrir því í leik sem þær hafi
ekki mikla áhyggjur af enda búnar
að tryggja sér sigurinn í riðlinum.
„Það vill enginn mæta Íslandi og
við ætlum að halda áfram að hafa
það þannig,“ segir Dóra, sem er
langt frá því að vera södd.
„Við erum búnar að taka mörg
skref fyrir kvennafótboltann á
Íslandi og við erum alls ekki hætt-
ar. Þetta er ungt lið en við erum
með há markmið. Þetta mót fer í
reynslubankann hjá okkur en þetta
er bara rétt að byrja.“ - óój
Dóra Stefánsdóttir segir að stelpurnar ætli að komast enn lengra í framtíðinni:
Enginn vill mæta Íslandi og
við viljum hafa það þannig
FÓTBOLTI Ásta Árnadóttir hefur
enn ekki fengið að spreyta sig
á EM eftir að hafa verið fasta-
maður í liðinu þegar það tryggði
sér sætið á EM. Landsliðsþjálf-
arinn hefur hrósað varamönnum
liðsins fyrir gott hugarfar. „Það
er mikilvægt að við séum allar
jákvæðar og bíðum eftir kall-
inu. Auðvitað vill maður spila
og gera sitt inni á vellinum en
maður reynir að gera sitt utan
vallar meðan maður bíður eftir
tækifærinu,“ segir Ásta. Inn-
köstin hennar voru tekin fyrir
á UEFA-síðunni fyrir keppnina
en hafa enn ekki sést. „Það er
aldrei að vita nema fólk á EM fái
að sjá löngu innköstin mín. Þetta
er ekki búið og ennþá einn leikur
eftir. Vonandi fæ ég tækifæri til
að sanna mig,“ segir Ásta. - óój
Ásta Árnadóttir:
Fæ vonandi
tækifæri
Reynir Björn Björnsson, læknir íslenska kvennalandsliðsins í
fótbolta, er allt í öllu á æfingu daginn eftir leik að stilla púls-
mæla, stjórna byrjunarliðinu á hlaupa- og
teygjuæfingu og hugsa fyrir öðru sem
hjálpar leikmönnum liðsins að ná úr sér leik
gærkvöldsins á sem bestan hátt.
„Ég stjórna endurheimtinni og þetta
hefur alltaf verið mitt áhugamál. Ég er með
þjálfaramenntun og er menntaður á þessu
sviði. Við Siggi höfum verið að vinna mikið
í þessari endurheimt saman og ég hef bara
tekið það að mér að skokka með þeim,“
sagði Reynir og hann er á því að þetta skipti
leikmenn miklu máli.
„Það eru aðeins þrír sólarhringar á milli
leikja og það má ekki vera minna. Í raun og veru er alveg á
mörkunum að þú sért hundrað prósent tilbúinn í næsta leik,
þrátt fyrir að þú gerir allt rétt, borðir rétt og hugsir eins vel um
þig og þú getur,“ segir Reynir.
Oft má sjá byrjunarliðsmennina horfa löngunaraugum á
aðra leikmenn liðsins sem eru á fullu í fjörugum bolta- og
skotæfingum. „Þær vilja helst vera í bolta en þær fá engan
bolta. Þessar eiga bara að hugsa um að ná sér. Þær geta
leikið sér pínulítið en það mega ekki vera nein átök. Þær eiga
bara að vera í hvíld. Þeim finnst voðalega leiðinlegt að sjá
hinar vera að gera eitthvað sem þeim finnst rosa-
lega skemmtilegt. Þær segja alltaf við mig: nú
koma skemmtilegu æfingarnar,“ segir Reynir.
Þóra Björg Helgadóttir segir leikmenn finna
mikinn mun á sér. „Það er fýla í gangi núna
því við viljum allar vera með á æfingu en
ég myndi segja að það væri mjög jákvæð
fýla. Okkur líður betur í kroppnum.
Þessi endurheimt hjá Sigga og Reyni
er að skila sínu. Það er ógeðslega leiðin-
legt að horfa á hinar leika sér á æfingu
en mér finnst við vera sprækari í dag,“ segir
Þóra.
REYNIR BJÖRN BJÖRNSSON: LÆKNIR STELPNANNA SÉR UM BYRJUNARLIÐIÐ DAGINN EFTIR LEIK
Þær vilja helst vera í bolta en þær fá engan bolta
DÓRA STEFÁNSDÓTTIR Segir þetta
aðeins byrjunina. FRÉTTABLAÐIÐ/ÓSKAR Ó.
ÁSTA Á æfingu landsliðsins í gær.
FRÉTTABLAÐIÐ/OSSI AHOLA
FÓTBOLTI Stelpurnar okkar leika á
morgun lokaleik sinn á Evrópu-
mótinu í Finnlandi á móti heims-
og Evrópumeisturum Þýskalands.
Fram undan er hins vegar annað
ævintýri þar sem stelpurnar reyna
að komast fyrst allra íslenska
knattspyrnulandsliða í úrslita-
keppni heimsmeistaramóts. Það
er hins vegar enn óvissa hvort
þær þurfa að gera það án fyrirliða
síns, Katrínar Jónsdóttur, sem er
ekki búin að ákveða framtíð sína í
boltanum.
Íslenska kvennalandsliðið er
framtíðarlið því flestir leikmenn
liðsins eru enn ungir og enginn af
reynsluboltunum er að hugsa um
að hætta nema kannski fyrirliðinn.
Katrín spilar gríðarlega stórt hlut-
verk í liðinu innan sem utan vall-
ar og það er því mikilvægt fyrir
kvennalandsliðið að hún hjálpi lið-
inu að stíga næsta skref.
„Ég veit ekki hvernig þetta þró-
ast. Núna langar mig ekki að hætta
í fótbolta, því mér finnst þetta
ennþá svo gaman,” segir Katrín.
„Ég sest niður með þjálfurunum
eftir tímabilið og við metum stöð-
una. Ég þarf líka að ræða þetta við
fjölskylduna því hún hefur eitt-
hvað að segja í þessu líka,” segir
Katrín.
„Mér finnst ég ennþá hafa
eitthvað að gefa mínum liðum,
bæði mínu félagsliði á Íslandi og
landsliðinu. Ég finn það alveg að
eftir því sem maður verður eldri
þarf maður að vera skynsamari í
æfingunum. Það er ekkert ókeypis
og maður þarf að hafa meira fyrir
hlutunum en þegar maður var tví-
tugur,“ sagði Katrín.
Þeir eru örugglega margir sem
eiga eftir að velta þessu upp á
næstu mánuðum enda vilja allir
sjá þennan mikla leiðtoga hjálpa
landsliðinu að komast enn lengra.
Ein af þeim er yngri systir Katr-
ínar. „Systir mín sem er fjórtán
ára sagði við mig áður en ég fór
út til Finnlands: „Gerðu það, ekki
hætta. Þú verður að ná hundrað
leikjum.“ Ég er ekki alveg að pæla
í því, maður er í þessu á meðan
þetta er gaman og manni finnst að
maður sé að gefa liðinu eitthvað.
Mér finnst það núna,“ segir Katr-
ín, sem ætti að eiga átta leiki eftir
í hundraðasta leikinn spili hún alla
leiki ársins.
Félagar Katrínar segja það
svo skemmtilegt að vera hluti af
þessu liði að það gæti orðið erfitt
fyrir hana að hætta. „Ég hef ekki
áhyggjur af því að neinn sé að fara
að hætta í þessu liði. Það er svo
mikil stemning að vera í þessum
hóp að þær verða í þessu eins lengi
og þeim finnst gaman,“ sagði Dóra
Stefánsdóttir.
Markvörðurinn Þóra Björg
Helgadóttir er ekkert farin að
plana það að hætta sjálf. „Það er
eðlilegt að það verði einhver endur-
nýjun en maður vonar að sem flest-
ar haldi áfram. Þær einu sem eru í
alvarlegum áhættuhópi eru fyrir-
liðinn og, mig grunar, Erna [Björk
Sigurðardóttir] líka. Maður vonar
samt ekki,“ segir Þóra. Hún segir
að stelpurnar myndu alveg skilja
það þó að Katrín segði þetta gott.
„Það verður mikill missir að Katr-
ínu en við munum leysa það ein-
hvern veginn. Maður skilur það nú
alveg. Það eru nokkur ár í næsta
mann hjá henni og hún er orðin 32
ára. Það yrði enginn svekktur út í
hana ef hún hætti en ég veit ekki
hvað hún gerir,“ sagði Þóra.
„Katrín á nokkur góð ár eftir
ef hana langar að halda áfram.
Hún er enn í góðu formi og þarf
ekkert að hætta,“ segir Guðrún
Sóley Gunnarsdóttir, félagi Katr-
ínar í miðvarðarstöðunni. „Það
yrði slæmt að missa hana. Hún er
svo frábær karakter og leiðtogi í
hópnum. Við sjáum til hvað hún
gerir. Það væri leiðinlegt að missa
hana en við erum með svakalega
breiðan hóp og það kemur maður
í manns stað þó að það sé stórt
skarð að fylla ef Katrín hættir,“
sagði Guðrún, sem ætlar að halda
áfram með liðinu.
Var grátbeðin um að ná 100 leikjum
Katrín Jónsdóttir, fyrirliði kvennalandsliðsins, ætlar að ákveða í samráði við fjölskyldu sína og þjálfara
hvort hún ætli að halda áfram í fótbolta. Hún spilar sinn 89. landsleik á móti Þjóðverjum á EM á morgun.
FYRIRLIÐINN Katrín Jónsdóttir með Guðrúnu Sóleyju Gunnarsdóttur á æfingu
íslenska landsliðsins í gær. FRÉTTABLAÐIÐ/OSSI AHOLA
EM Í FINNLANDI
ÓSKAR ÓFEIGUR JÓNSSON
skrifar frá Tampere
ooj@frettabladid.is
> Leikið í Pepsi-deildinni um helgina
Þrír leikir fara fram í Pepsi-deild
karla um helgina. Tveir þeirra eru
í dag og eru báðir klukkan 16.00.
ÍBV tekur á móti Val í Vestmanna-
eyjum og Fjölnir mætir Keflavík í
Grafarvoginum. Fjölnismenn þurfa
nauðsynlega að sigra í leiknum til
að eiga von um að halda sæti sínu
í deildinni og um leið treysta helst á
að Valur vinni í Vestmannaeyjum. Á
morgun eigast svo við KR og Fram
klukkan 18.00 en þetta eru liðin í
öðru og fjórða sæti deildarinnar og
því um hörkuleik að ræða.
Knattspyrnudeild HK auglýsir eftir
yfi rþjálfara og þjálfurum
Knattspyrnudeild HK leitar að yfi rþjálfara fyrir yngri fl okka félagsins.
Einnig leitar félagið að áhugasömum þjálfurum fyrir yngri fl okkana.
Um er að ræða karla og kvennafl okka. Við leitum að metnaðarfullum
einstaklingum sem eru tilbúinir að leggja sitt af mörkum til að efl a yngri
fl okka félagsins og starfa eftir stefnu HK.
Reynsla og þjálfaramenntun skilyrði. Umsækjandi þarf að geta hafi ð
störf sem fyrst. Umsóknarfrestur er til 30.ágúst nk. Umsóknir skulu
berast til HK á netfangið hk@hk.is.
Nánari upplýsingar er hægt að nálgast á sama stað eða
hjá Viggó formanni unglingaráðs í síma 8587029.
w w w. s k a t a r. i s