Andvari - 01.06.1966, Page 21

ANDVARI
ÓLAFUR THORS
19
þegar þar að kom, var Páll fallinn í valinn sökum veikinda, en málinu bjargað
með því, að Hjalti hafði fallizt á að kjósa Jón Þorláksson. Þegar Jón Þorláksson
hafði verið kosinn borgarstjóri, gekk hann í endumýjungu lífdaga og var ófeim-
inn við að láta uppi, hversu sér félli betur að undirbúa hinar miklu verklegu
framkvæmdir Reykjavíkurbæjar, svo sem Sogsvirkjun og Hitaveitu, heldur en
endalaust þóf á Alþingi. Engu að síður heimilaði hann Ólafi Thors að lýsa yfir
því í útvarpsumræðum fyrir þingkosningar 1934, að hann mundi taka að sér
stjórnarmyndun eftir kosningar, ef Sjálfstæðismenn fengju sigur. Var Jón
þó sjálfur ekki í kjöri við þær kosningar, enda var landskjörið í sinni upphaflegu
mynd lagt niður með stjómarskrárbreytingunni 1934, en Jón hafði verið lands-
kjörinn þingmaður frá því á árinu 1926.
Allt kom fyrir ekki. Urslitin urðu Sjálfstæðismönnum í óhag. Þeir fengu
42,3% atkvæða og 20 þingmenn, Framsóknarflokkurinn fékk 21,9% og 15
þingmenn, Alþýðuflokkurinn 21,7% atkvæða og 10 þingmenn, Bændaflokkur-
inn 6,4% atkvæða og 3 þingmenn, Kommúnistaflokkurinn 6% og engan þing-
mann, Þjóðernissinnaflokkurinn 0,7% atkvæða og engan þingmann og utan
flokka menn 1% og 1 þingmann. Þar sem Framsóknar- og Alþýðuflokksmönnum
tókst að teygja til fylgis við sig einn af þingmönnum Bændaflokksins (Magnús
Torfason) og utan flokka manninn (Asgeir Ásgeirsson), höfðu þessir flokkar
nægan þingstyrk til stjómarmyndunar og afgreiðslu mála á Alþingi, og var
stjóm Hermanns Jónassonar mynduð þá um sumarið. Flófst nú enn hörð
stjómarandstaða Sjálfstæðismanna, að þessu sinni undir yfirlýstri forystu Ólafs
Thors.
Snemma þings haustið 1934 flutti Ólafur frumvarp til laga um fiskiráð, og
skyldi því ætlað að rannsaka og gera tillögur um breyttar og nýjar aðferðir um
framleiðslu og sölu sjávarafurða, útvegun nýrra markaða og annað sem lýtur að
vexti og viðgangi sjávarútvegsins. í ítarlegri greinargerð var eðli vandamálanna
skýrt og rætt um helztu úrræði, m. a. framleiðslu á frystum og hertum fiski.
Frumvarp Ólafs varð ekki útrætt á þinginu, en í þess stað samþykkt frumvarp
ríkisstjórnarinnar um Fiskimálanefnd, sem kom síðar fram, en fjallaði um sama
vanda. Um þessi mál og önnur urðu miklar deilur.
Meðal þeirra mála, sem hin nýja ríkisstjórn beitti sér fyrir, var setning lög-
gjafar um sölu og meðferð mjólkur og mjólkurafurða. Var þetta tækifæri notað
til þess að gera hinn blómlega búskap Thors Jensens á Korpúlfsstöðum óarð-
bæran. Skarst mjög í odda í umræðum um þetta mál, en enn var haldið áfram að
draga einkafjármál þeirra feðga inn í stjómmálaumræðurnar, því að nú voru
hafnar árásir á h.f. Kveldúlf, sem lyktaði með því, að undir forystu Héðins Valdi-
marssonar var á Alþingi 1937 af hálfu Alþýðuflokksins flutt lagafrumvarp um