Andvari - 01.01.1989, Blaðsíða 95

ANDVARI
PRESTAR Á VOGARSKÁLUM
93
Hann fæddist í Hafnarfirði en ólst að verulegu leyti upp við sveitastörf. Þá
varð hann sveitaprestur og stundaði búskap. Loks gerðist hann prestur í
Langholtsprestakalli í Reykjavík. Hann átti sér þann draum áður en hann hóf
prestskap — eins og flestir þeir starfsbræður hans sem ritað hafa ævisögur
sínar undanfarin ár — að stunda framhaldsnám erlendis. Aðstæður komu í
veg fyrir það. Hann hefur ekki látið það hamla sér frekar en aðrir sem svipað
er ástatt um að þessu leyti.
Sigurður Haukur hefur vakið athygli fyrir beinskeytta ræðumennsku þar
sem hann hefur iðulega tekið á vanda þjóðlífsins. Hann notar prédikunar-
stólinn til þess að kalla söfnuðinn til ábyrgðar í hinum félagslega veruleika
hverju sinni. Allur guðfræðilegur rétttrúnaður hvort sem er nýr eða gamall er
honum fjarri. Hann er maður hins einfalda og starfræna kristindóms, þeirrar
trúar sem birtist í daglegu starfi mannsins. En hann vill stundum afgreiða
guðfræðilegar spurningar á fulleinfaldan hátt. Legar prestar eiga í hlut er ekki
alltaf leyfilegt að stytta sér leið að guðfræðilegum lausnum.
Sigurður Haukur er einn af leiðtogum spíritista og fjallar nokkuð um þann
þátt í lífi sínu. Hins vegar hefði verið eðlilegt að umfjöllunin hefði fengið
dálítið fræðilegra inntak þar eð hér er um að ræða langvinnt deiluefni innan
kirkjunnar hér á landi og um leið málefni sem telja má að miklu leyti sérstakt
fyrir íslensku kirkjuna.
Engin gagnrýnin umfjöllun af hans hálfu fer fram um poppmessurnar sem
fóru fram í Langholtskirkju á sínum tíma. Tilraunir þessar voru góðar og
nauðsynlegar til þess að þreifa sig áfram með messuformið út frá öðrum
sjónarmiðum en formhyggjunni einni saman. En frá öðru sjónarhorni séð
voru þær hvorki fugl né fiskur og varla umræðu verðar. Petta hlýtur séra
Sigurður Haukur að geta viðurkennt þegar Iiðnir eru um það bil tveir áratugir
frá þessum tilraunum. Pær brutu ísinn og voru að því leyti merkilegar en að
öðru leyti sýna þær hversu miklir sveitamenn við íslendingar erum í helgi-
siðafræðum.
Séra Róbert Jack
Arið 1974 kom fyrri hluti ævisögu séra Róberts Jacks út en síðari hluti
haustið 1988. Endurminningar Róberts eru áhugaverðar einkum fyrir þær
sakir að hér ritar einn örfárra presta í íslensku þjóðkirkjunni sem ekki er
íslenskur að ætt og uppruna. Róbert er Skoti og kom hingað sem knatt-
spyrnuþjálfari. Reynsla hans í íslensku kirkjunni er forvitnileg af þessum
sökum. Hann flutti með sér viðhorf sem voru íslenskum sóknarbörnum hans