Andvari - 01.01.1958, Page 54
50
Þorkell Jóhannesson
andvari
en hún féll að mestu niður 1803, er Þórður strauk úr landi,
sem fyrr var getið. Þegar styrjöldin við Breta skal yfir, 1807,
kom hér fljótlega babb í bátinn eins og víðar, vegna siglinga-
teppu og skakkafalla annarra, sem yfir gengu hin næstu ár.
Það sama ár, 1807, keypti J. L. Busch verzlun Frisch á Akur-
eyri, en mun lítt eða ekki hafa verzlað þar meðan styrjöldin
stóð. Árið 1815 er Thyrrestmp, síðar faktor hjá Busch, talinn
reka fasta verzlun á Akureyri og er hér efalaust um að ræða
rekstur hinnar gömlu Frisch-verzlunar, sem þá er hafin á ný.
Mun J. L. Busch hafa staðið hér á bak við. Nýr maður, Jóhann
Gudmann, hefir þá tekið við hinni gömlu Kyhnsverzlun með
nokkmm hætti, svo sem til reynslu að því er virðist. Af verzl-
unarskýrslum þetta ár og hin næstu er ljóst, að þegar hér er
komið, er mjög dregið úr hinni gömlu Lyngesverzlun. Gamli
Friðrik Lynge er talinn andaður 1812 og sonur hans, sem þá
tók við rekstrinum, virðist ekki hafa verið maður til að halda
í horfinu, enda voru tímar þessir ærið viðsjálir, m. a. vegna
óstöðugs verðlags og peningagengis. Mátti því vænta þess, að
hér yrði bráðlega nokkur breyting á, enda brást það ekki.
Á ámnum 1817—1818 gerast mikil tíðindi í verzlunarsögu
Akureyrar. Nýr maður er þá kominn fram á sjónarsviðið, Jóhann
Gudmann, er síðan verður langa hríð atkvæðamesti kaupmaður
á Akureyri. Jóhann Gudmann var af íslenzkum ættum, sonur
Guðmundar trésmiðs Magnússonar, er um liríð dvaldist í
Grundarfirði vestra en lengstum í Kaupmannahöfn. Kona Guð-
mundar en móðir Jóhanns er talin rússnesk að kyni. Eigi er
þeim, sem þetta ritar, kunnugt um feril Jóhanns Gudmanns a
yngri árum hans, en svo virðist sem hann hafi snemma tekið að
fást við verzlun og gerzt fésæll. Víst er um það, að árið 1817
kaupir hann verzlun Kyhns á Akureyri, sem fyrr var sagt, og
ári síðar, 1818, keyptu þeir J. L. Busch í félagi Lynges-verzlun
af syni Lynges eldra, L. F. Lynge. Síðar þetta sama ár, 1818
seldi Gudmann Busch sinn hlut í Lynges-verzlun en fékk i
staðinn verzlunarhús þau, er Busch hafði keypt 1807 af Flartvig