Andvari - 01.01.1958, Blaðsíða 65

ANDVARI
Brot úr verzlunarsögu II
61
Raufarhöfn, og stóð svo þar til Gránufélagið keypti verzlunar-
staðinn af Thaae 1873, að lausakaupmenn einir sigldu á Raufar-
höfn og verzluðu þar. Kaupstjórar 0. & W. á Raufarhöfn voru
Jakob Johnsen, 1836, og Chr. Meilbye, 1837—1845. Þegar Chr.
Thaae tók við, 1846, var Meilbye áfram kaupstjóri hjá honum
til 1847, en því næst Hans Friðrik Hjaltalín, til 1855, Sigvaldi
Salomonsen, sonur Jóns faktors í Kúvíkum, 1856—1868, kom
þangað frá Hofsósi, og loks Sören Jakobsen, einnig frá Hofsósi,
til þess er Thaae hætti fastri verzlun á Raufarhöfn 1869. — Um
Sigvalda Salomonsen orti Bólu-Hjálmar:
Lengi hefir lastadröfn
landsteinana barið,
hún rak þig loks á Raularhöfn,
úr rassi — skammt er farið!
Þórshöfn. Vorið 1839 leyiði rentukammerið kaupmönnum á
Raufarhöfn og Vopnafirði, þ. e. 0rum & Wulff, að verzla á
Þórshöfn, hafa þar fasta verzlun um næstu 4 ár, með því skil-
yrði, að þeir hefði þar nægar vörubirgðir og seldi vörurnar sama
verði sem í heimaverzlun. Leyfi þetta var framlengt um 2 ár
1844. En 23. des. 1846 var Þórshöfn löggilt sem verzlunar-
staður að tillögu Alþingis 1845. Þó mun eigi verið hafa reglu-
legt verzlunarsetur í Þórshöfn fram um 1870, heldur sumar-
verzlun frá Vopnafirði og Raufarhöfn. Líklega hafa verzlanir
þessar átt vörugeymslur einhverjar í Þórshöfn og miðlað þaðan
nauðsynjum á öðrum tímum. Munu þær hafa falið bændum
þarna í grenndinni að annast slík viðskipti og ekki haft þar
neina rcglulega kaupstjóra.
Vopnafjörður. Llndir lok einokunarinnar var kaupmaður á .
Vopnafirði Chr. Hansen. Þegar verzlunin var seld, sumarið 1788,
tók félag nokkurt við Vopnafjarðarverzlun. Llét sá Dines Jakoh-
sen, er fyrir var. Eigi stóð það samt nerna rúmt ár, því 1789
seldi Jakobsen verzlunina Sejling stórkaupmanni, Zinn agcnt