Vikan - 05.12.1968, Qupperneq 65

— Það var alls ekki meining okkar að koma inn, fauk óvart út
úr Jon. — Ég ætlaði bara að sýna Fleur hvar ég ætti heima.
Móðir hans svaraði rólega: — En þið verðið að koma inn og fá
ykkur te. Við skulum svo sjá um vagn til brautarstöðvarinnar á
eftir. Það myndi gleðja manninn minn að hitta yður.
Jon varð svo aumur að hann óskaði sér niður í jörðina undan
augnaráði móður sinnar, sem horfði andartak á hann. Svo gekk
hún á undan, við hliðina á Fleur. Honum fannst hann vera vesælt
skriðdýr, þar sem hann gekk á eftir þessum tveim konum, sem
hann elskaði mest af öllum. Samræður þeirra virtust léttar og
óþvingaðar, en það var aðgæzla í augnaráði þeirra, þegar þær litu
hvor á aðra.
Þegar Fleur kom heim til frænku sinnar, eftir þessa fljótræðis-
ferð til Robin Hill, varð hún ergileg yfir því að sjá Prosper Pro-
fond, sem sat og starði þunglyndislega út um gluggann. Hann var í
kjólfötum og hvítu vesti og hafði hvítt blóm í jakkalafinu.
— Fröken Forsyte, það gleður mig innilega að hitta yður. Hvernig
líður föður yðar? Mér var sagt í klúbbnum að hann hefði fundið
fyrir gamla kvillanum.
— Kvillanum? Hvað eigið þér við? spurði Fleur og glenti upp
augun.
— Það skeði áður en þér fæddust, tautaði Profond. — Það var
gömul saga, — þér vitið — um fyrri konu hans.
Orðin: „Hann hefir aldrei verið kvæntur áður“, lágu á vörum
hennar, en hún beit þau í sig og sagði í þess stað: — Já, og hvað
um það?
— Ég hefi heyrt að fyrri konan hans hafi gifzt Jo frænda hans.
Það hlýtur að hafa verið dálítið óþægilegt....
Fleur leit upp. Nú þannig hékk þetta saman. Hún sá Profond í
þoku, og hún vissi ekki hvort hann sá að hana svimaði. Til allrar
hamingju kom Winifred frænka hennar inn í stofuna.
— Frænka .... Fleur gekk hratt til móts við hana. Herra Pro-
fond beindi aftur allri athygli sinni að útsýninu.
— Frænka, hann segir að pabbi hafi verið kvæntur áður. Er
það satt að hann hafi skilið við fyrri konuna og að hún hafi svo
gifst Jo Forsyte?
Aldrei á ævi sinni hafði Winifred átt svo erfitt með að svara
nokkurri spurn'ngu. Frænka hennar var náföl, augu hennar dimm
og röddin æst og hás.
— Faðir þinn vildi ekki að þú fréttir það, sagði hún, eins eðlilega
og hún gat. — Slíkir hlutir gerast. Ég hef oft sagt það við hann
að hann ætti að segja þér frá því.... Hún horfði aðdáunaraugum
á frænku sína. Fleur átti auðvitað að gifta sig, bara ekki þessum
Jon.
— Frænka, mér líður ekki rétt vel, ég hefi ekki lyst á mat. Má ég
fara upp til mín?
Fleur fór upp. Hjartað hamaðist og einhver skelfileg angistar-
tilf'nning lagðist að brjósti hennar. Hún hafði orðið fyrir mikilli
geðshræringu fyrr um daginn og svo kom þessi hræðilega upp-
ljóstrun. Hún þrýsti höndunum að enni sér og reyndi að hugsa skýrt.
Skyldu þau hafa sagt Jon þetta sama. Hafði heimsókn hennar til
Robin Hill orðið til þess að þau neyddust til að segja honum þetta?
Auðvitað vissu allir þetta. Allir .... kannski að Jon einum undan-
teknum.
Jon elskaði móður sína. Ef þau höfðu nú sagt honum sannleikann,
MARY OIAIT
SNYRTIVÖRUR
SLÁ í OEGN!
ALLAR UÖRUR Á LÁGA
VERDINU ENNÞÁ
SKIN SAUER - COME CLEAN - GET
FRESH NÆRINGARKREM MEÐ VÍTAMÍN-
PILLUM - NÆRIÐ HÚÐINA BÆÐI UTAN
OG INNAN - STÖRKOSTLEG NÝJUNG
U m BO® SIV3 £N M
* KARNABÆR-SNYRTIVÖRUD.
KLAPPAST. 37
* VESTURBÆJAR APÓTEK
* LAUGARNESS APÓTEK
* HOLTS APÓTEK
* BORGAR APÓTEK
* GARÐS APÓTEK
* KYNDILL, KEFLAVÍK
* VÖRUSALAN, AKUREYRI
★ TÚNGATA 1, SIGLUF.
★ SNYRTIVÖRUV. ÍSAFJ.
ÍSAFIRÐI
★ PARÍSARBÚÐIN, VESTM.
★ DRANGEY, AKRANESI
★ FÖNN, NESKAUPSTAÐ
★ KF. BORGFIRÐINGA,
BORGARNESI
★ APÓTEK SAUÐÁRKRÓKS
Heildsölubirgðir:
BJÖRN PÉTURSSON & Co. hfM
Laufásvegi 16 -- Sími 18970
VIKAN-JÓLABLAÐ 65