Menntamál - 01.03.1955, Side 45

MENNTAMÁL
37
enda, og er það algengara. Verðlaunastarfsemi er mikil í
þessu samþandi, eins og líka í mörgu öðru. Bezti árang-
ur er víða þirtur vikulega.
Þá er og algengt hið svo nefnda „prefect“-kerfi, en
það er nemendastjórn, í náinni samvinnu við skólastjóra
og kennara. Tíðkast hún líka sums staðar á „Primary“-
stiginu. í nemendastjórninni eiga oft sæti tólf nemendur
eða fleiri, og lítur hún eftir því, ásamt kennurum, að góð
regla ríki úti og inni, og hjálpar skólastjóra og kennurum
á ýmsan hátt, ef ástæða er til. Fundir eru haldnir öðru
hverju, og eru skólastjóri og kennarar að sjálfsögðu þar
með. Einhver nemenda heldur gerðabók. Ég fékk sums
staðar að sitja slíka fundi, og þótti mér þetta allt athyglis-
vert.
Margir skólamenn töldu þetta fyrirkomulag hafa mikla
kosti og mæltu eindregið með því. Varð ég einnig var við
það á Norðurlöndum, en aðeins á fáum stöðum.
Söng- og hljómlistarstarfsemi er mikil og margháttuð.
Margs konar blásturshljóðfæri eru t. d. algeng, og hafa
margir skólar furðugóðar hljómsveitir.
Að lokum skal svo aðeins minnzt á félags- og íþrótta-
starfsemi þessa stigs. Tel ég hvort tveggja til fyrirmynd-
ar. í hverjum skóla eru mörg félög, sem reka fjölbreytta
og athyglisverða starfsemi og hafa ákveðna fundardaga
í skólunum. Mun hún tvímælalaust hjálpa nemendum til
aukins þroska. í skóla einum í Kent voru t. d. fimmtán
félög. — Kennarar eru þarna oftast með.
Leikja- og íþróttastarfsemi Breta er umfangsmikil,
eins og mörgum mun kunnugt. Er henni ætlaður ríflegur
tími á stundaskrám. Þótti mér hún á margan hátt mjög
eftirtektarverð, og er víðast hvar ágæt aðstaða til þeirr-
ar starfsemi. — Ég gat þess fyrr, að Bretar kenna ekki
á laugardögum. Það vakti m. a. athygli mína, að fjöldi
kennara stundar íþróttir og leiki með nemendum á laugar-
dögum í sjálfboðavinnu. Sýnir það glöggt, hve mikils þeir