Menntamál - 01.08.1962, Side 11

MENNTAMÁL
101
Tíðkazt hefur aS kalla öll börn til innritunar vorið áð-
ur en skólaganga þeirra hefst. Við innritun er lestrar-
kunnátta allra barnanna athuguð með lestrarprófi, og
börnunum síðan oftast raðað í bekki eftir þeirri kunnáttu
einni saman. Börnin byrja síðan skólagönguna glöð og
ánægð með tilveruna. En viti menn. I enda september er
endanlega raðað í deildir fyrir veturinn, og hafa þá vel-
flest stautfær börn verið prófuð aftur eftir þessa mánaðar
skólagöngu, nokkur síðan flutt á milli deilda og kennara.
I enda janúar, eða eftir þriggja og hálfs mánaðar
kennslu, kemur að miðsvetrarprófi, sem venjulega stend-
ur yfir í nokkra daga. Barnið fær þá með sér einkunna-
blað heim.
Eftir miðsvetrarpróf fær barnið aftur þriggja mán-
aða kennslu, en þá er komið að síðara almenna prófinu,
sem haldið er ár hvert, og eigi dugir minna en 17—18
dagar af maímánuði til þeirra athugana. En vegna þess,
hve fá próf yngri börnin taka, hafa þau lokið sínum próf-
um 15.—17. maí og fá þá einkunnir sínar og halda heim.
Skóla er lokið.
Annað og þriðja skólaárið er að mestu endurtekning á
því fyrsta, nema allmörg börn í sumum skólum hafa ver-
ið flutt milli deilda vegna þess, hve einkunnir þeirra voru
lágar miðað við meðaltal bekkjarins. í 9 ára deildum hef-
ur verið bætt inn stafsetningarprófi, en það mun ekki
eins hart eftir því gengið, að allar deildir taki það próf.
Á fjórða skólaári styttist námstíminn um einn mánuð
og verður þá aðeins 8 mánuðir. Börnin hefja jafnframt
nám í svonefndum lesgreinum, þ. e. a. s. náttúrufræði,
sögu, landafræði og kristinfræði, en námsefnið er ákveð-
ið með námskrá. Fyrir tveim árum síðan var kennt í öll-
um þessum námsgreinum samtímis og þá að sjálfsögðu
tekið miðsvetrarpróf, en því var breytt og eru nú aðeins
tvær námsgreinar kenndar í einu, og þykir kennurum
stór bót að. Prófin hafa verið þannig, að annað hvort