Menntamál - 01.08.1962, Page 75
MENNTAMÁL
165
sögupersónunnar, hvatt hann til að hugsa og breyta á sama
hátt. Þó að túlkunin verði kannski ekki alveg rétt, fer hún
þó eins nálægt sannleikanum og komizt verður, sé hún
byggð á staðreyndum textans.
Einn er hér ótalinn af kostum sviðsetningaraðferðarinn-
ar og er sá kannski veigamestur. Hún höfðar til og þjálfar
mest það svið sálarlífsins, sem ekki verður metið með vísi-
tölureikningi, en hefur hins vegar ómetanleg áhrif á al-
menna greind og öll viðbrögð mannsins. Ég á við tilfinn-
ingalífið sjálft.
Ég hef nú lýst nokkuð þessum þrem kennsluaðferðum
hverri fyrir sig. Að lokum vil ég benda á, hvernig hægt er
að nota margir aðferðir samtímis, þ. e. a. s. við eitt og
sama verkefnið, og hvernig fjöltjáning kemur eins og af
sjálfu sér, ef þau kennslufræðiatriði, sem ég gat um hér í
upphafi, eru lögð til grundvallar kennsluáætluninni.
í mannkynssögu á að lesa um víkingaöldina. Á sama tíma
er sjálfsagt að snúa sér að fornbókmenntum í íslenzku-
kennslunni, og Egilssaga verður fyrir valinu. Fyrsta hugs-
un kennarans hlýtur að vera: Hvernig get ég gefið nem-
endunum sannasta mynd af viðfangsefninu og vakið áhuga
þeirra fyrir að rannsaka það?
Ef menn ætla að gera sér grein fyrir tímabili og því lífi,
sem þá var lifað, er frumskilyrðið að athuga allar þær
hlutlægu leifar, sem það hefur látið eftir sig, og reyna með
hliðsjón af þeim að setja sér fyrir sjónir svið atburðanna,
sem sagan greinir frá. Þess vegna hefst námið með safn-
ferð.
Undirbúningurinn í skólastofunni er einkum fólginn í því
að ákveða verkaskiptingu og staðsetja sögusviðið á landa-
korti. Bekknum er skipt í 6 hópa, sem hver fær ákveðið
verkefni til að rannsaka. Verkefnin eru: Ferðir víkinga,
víkingaskip, víkingaldarskáli, hof, vopn víkinga, kvenskart
og klæðnaður, og að síðustu fær einn hópurinn það hlutverk
að taka saman þætti úr Egilssögu, sem sýni víkinginn