Menntamál - 01.08.1967, Page 59

MENNTAMÁL
153
einstakra nemenda á sama hátt og áður milli kennara og
nemenda. Ef nemendur eru fáir, er heppilegast að þeir skipi
sér í hálfhring fyrir framan kennarann, þannig að hann eigi
auðvelt með að nálgast þá. Hentugt er, að hver nemandi
hafi númer, sem hann svari sem nafn hans væri, því að
þannig fæst meiri hraði og regla í framkvæmd æfinganna.
Til þess að samtölin verði ekki leiðigjörn, verður að gera
þau breytileg. Það fæst með því að skipta stöðugt um við-
ræðendur og nota samtölin sem í leik væri.
Setjum svo, að nemendur séu 10, og hefur þá hver sitt
númer frá 1 til 10. Skipting viðræðenda gæti þá verið m. a.:
a) 1 talar við 2, 3 við 4, 5 við 6, 7 við 8, 9 við 10;
b) 1 talar við 2, 2 við 3, 3 við 4, 4 við 5, 5 við 6, 6 við 7 o.s.frv.
c) 1 talar við 5, 2 við 6, 3 við 7, 4 við 8, 5 við 10;
d) 1 talar við 10, 2 við 9, 3 við 8, 4 við 7, 5 við 6;
e) 1 velur sér viðræðanda að eigin vild, t. d. 5 (1 talar við 5),
5 velur sér viðræðanda, t. d. 7 (5 talar við 7), 7 velur sér
viðræðanda, t. d. 5 (7 talar við 5), o. s. frv.
f) einn svarar spurningum allra:
— Sérhver nemandi í röðinni 1—10 beinir 1 eða 2 spurn-
ingum til þess, sem gefur sig fram til að svara;
— sérhver nemandi hefur rétt til án þess að sérstakri
röð sé fylgt að bera fram eina eða fleiri spurningar við
þann, sem gefur sig fram.
Eftir að nemendur hafa þannig lært og þaulæft 100—120
samtalsform er svo unnt að hefja frjálsar samræður á grund-
velli þeirra setningaforma og þess orðaforða, sem þeir hafa
lært.
Samtölin eru samin á eðlilegu máli og hafa mikið nota-
gildi. Tilbúin sarntöl eru útilokuð, þ. e. gervisamtöl á borð
við: Er þetta blýantur? Já, þetta er blýantur. Nei, þetta er
ekki blýantur, þetta er penni. Er blýanturinn rauður? o. s.
frv. Erfitt er að ímynda sér, að nokkrir tveir menn hefji
samtal um rauða eða græna blýanta, þá er þeir hittast af
tilviljun, ellegar kassa, sem ýmist er uppi á borði eða undir