Jólablað félagsins Stjarnan í austri. - 24.12.1920, Page 21

sumir hart, á helveg flæmdir,
hörmum lostnir, illa ræmdir,
á grafarbarmi’ og glötunar!
Unga menn í æskublóma
ótal marga þar ég leit.
Sá ég um þá leiftra’ og ljóma
ljúfar vonir, — skapadóma —.
Blóm þeir voru’ í vorsins reit!
Skoðaði ég huga’ og hjörtu,
hverfulleikans fjölbreytt tól.
Nóg var þar af sæði svörtu
sumstaðar, — en líka’ af björtu.
Víða komin voru jól!
Kristur, undrabarnið blíða,
brosti þar í margri sál.
Gegnum blekking, grát og kvíða,
gegnum þrautir vetrarhríða
sá ég eilíf sumarmál!
Alt í einu krafts ég kendi:
Kominn var þar meistarinn.
Augnaráð hans burtu brendi
blekking, — helga geisla sendi
hrifinn inn í huga minn.
Og ég sá — þeim göfga gesti
gerðu allir sömu skil.
Allir — jafnt hinn minsti’ og mesti