Jólablað félagsins Stjarnan í austri. - 24.12.1920, Qupperneq 50

Og þá gerir Páll postuli grein fyrir guðshugmynd kristinna manna
í ræðu þeirri, er hann flutti Aþeningum forðum, þar sem hann segir:
»Guð sem gerði heiminn og alt sem í honum er, hann, sem er
herra himins og jarðar, býr ekki í musterum, sem með höndum
eru gerð, og ekki verður honum heldur þjónað af höndum manna,
eins og hann þyrfti nokkurs við, þar sem hann sjálfur gefur öllum
líf og anda og alla hluti«. (Postulas. XVII, 24.—25.).
Og þrátt fyrir það, að Páll postuli er, eins og fleiri andleg mikil-
menni, það, sem kalla mætti fjölgyðistrúarmaður, að því leyti, að hann
álítur að til séu margir guðir eða æðri verur, þá trúir hann ekki
sjálfur né treystir 'á aðra guði en höfund tilverunnar. Hann segir:
»Enda þótt til séu svonefndir guðir, hvort heldur eru á himni
eða á jörðu — eins og til eru margir guðir og margir herrar —
þá er þó ekki til fyrir oss nema einn guð, faðirinn, sem allir hlutir
eru frá og alt líf vort stefnir til. (I. Kor. VIII. 5.—ó.).
Ekkert helgirit talar eins ítarlega og afdráttarlaust um endur-
komu nokkurs trúarleiðtoga og heilög ritning talar um endurkomu
Krists, enda ber mörgum hinum mestu biblíufræðingum, að því er
sagt er, saman um það, að aðalþátturinn í fagnaðarerindi Krists sé
boðskapurinn um endurkomu hans. Þess vegna hefir líka vonin um
endurkomu hans gert öðru hvoru vart við sig innan kristninnar,
alt frá dögum postulanna og fram á þenna dag. — Og nú er
sem lifni víða yfir þessari von, þar sem hin helkalda hönd aldeyf-
unnar hefir ekki lagst á trúarlífið og kristnihald og helgir siðir eru
ekki orðnir gagnslítil og gleðisnauð vanaiðja.
Himinbrúin.
í hinum litlu trúarleifum feðra vorra er sagt, að guðirnir hafi
gert brú eina, er liggi af jörðu til himins. Er hún kölluð Bifröst.
Sést hún þegar sólin skín á skúra-úðann og fær hún liti sína og
ljóma úr hinum brotnu geislum sólarljóssins.
48