Jólablað félagsins Stjarnan í austri. - 24.12.1920, Blaðsíða 79
eigingirni. Þó megum vér ekki reyna til að útrýma henni, heldur
hreinsa úr henni sorann, ef svo má að orði kveða, og göfga hana
smám saman, unz hún verður hafin upp yfir hið lægra eða dýrslega
eðli. Hærleikurinn er af guðdómlegu bergi brotinn. Og hin lægsta
og lítilmótlegasta tegund hans er sýnu betri og miklum mun nær
hinu guðdómlega en sú eigingirni, hversu óaðfinnanleg sem hún
kann að vera, sem hefir ekki í sér fólgna nokkra vitund af hinum
endurleysandi krafti kærleikans. Ef vér því finnum kærleika í hjarta
einhvers manns, hversu lítilmótlegur sem hann kann að vera, þá
megum vér ekki reyna til að uppræta hann né fyrirlíta, heldur gera
alt, sem í voru valdi stendur til þess að göfga hann, breyta hinu
lága og dýrslega í æðri tegund með hinni andlegu efnabreytinga-
fræði, er eg nú nefndi. Þetta er eina leiðin til andlegra framfara,
en ekki að beita kúgun við það, sem vér kunnum að finna í fari
manna. Hins vegar verður mörgum mönnum sú yfirsjón á, að þeir
reyna að ganga milli bols og höfuðs á einu og öðru, sem þeir
finna í manneðlinu, til þess að komast í samband við hið guðdóm-
lega. Þeir gleyma því, að hið guðdómlega eðli er einnútt hið mann-
lega eðli, hafið upp í hæðir hins guðdómlega þroskastigs. Og menn-
irnir eru áframhaldandi menn, jafnvel þótt þeir verði guðir. Þetta er
annar áfangi vegarins.
3. Sexfaldur eðliskostur. Þriðji eðliskosturinn hefir verið talinn
sexfaldur, eða hugrænu hæfileikarnir sex. Það má svo heita,
að þeir þurfi engra skýringa við, það þarf ekki nema nefna þá til
þess, að hver maður geti áttað sig á þeim. Þeir eru taldir nauð-
synlegir og meira að segja alveg ómissandi hverjum þeim lærisveini,
er nálgast veginn. Fyrsti hæfileikinn er: stjórn á huganum. Það
er ómissandi að maðurinn hafi stjórn á huganum, en það má gera
ráð fyrir að mörgum kunni að þykja þetta næsta einkennilegt. En
þér skuluð reyna að veita hugsunum yðar eftirtekt eins og eina
klukkustund, og athuga að hve núklu leyti þær lúta yfirráðum yðar.
77