Jólablað félagsins Stjarnan í austri. - 24.12.1920, Side 76

þjóna þeirri hugsjón, sem hann elskar — þá er hann tekinn að
nálgast veginn. Það skiftir ekki miklu hverju málefni hann vinnur,
en hitt skiftir miklu, í hvaða anda hann vinnur og hverjar eru
hvatir hans, því að þær eru órækastur vottur þess, á hvaða þroska-
stigi hann stendur. Vera má, að þú getir ekki fallist á stefnu hans
eða skoðanir og álítir, að málefnið, sem hann hefir helgað líf sitt,
sé ekki þess vert, að menn fórni því fé, kröftum og lífi. En ef þú
kemst að raun um, að hann er fús til þess að fórna öllu fyrir það,
sem hann álítur vera satt og rétt, ef þú getur gengið úr skugga
um, að hann hirðir ekki um önnur laun eða umbun aðra en gleð-
ina, sem hann hefir af því að fórna sjálfum sér til þess að gera
hugsjón sinni greiðara fyrir að verða að veruleik, og ef þú sérð
að hann er fús á að afsala sér öllu, sem menn hafa að jafnaði
mætur á og álítur það einskisvirði í samanburði við það að fá að
leggja sjálfan sig í sölurnar fyrir hugsjónina, sem hann elskar —
þá hefir þú fundið þá sál, sem nálgast þrönga hliðið, sem enginn
getur gengið inn um, er hefir ekki helgað sig þjónustu mann-
kynsins, reiðubúinn til þess að afsala sér hverju því, sem getur
orðið til þess að stemma stigu fyrir framförum hans, og þekkir
enga æðri sælu en þá að hjálpa sambræðrum sínunt.
Engum manni ætti að sýnast ógerningur að lifa slíku lífi. Hér er
ekki að ræða um annarlegar hugmyndir dultrúarmanna, heldur ofur
verklega hluti, sem á að framkvæma í þessum heimi. Hver af oss,
sem er gagntekinn af þessum anda, getur auðveldlega fundið eitt-
hvað, sem honum finst þess vert að leggja sjálfan sig í sölurnar
fyrir. Hér er ekki að ræða um bænagerðir né hugleiðingar, jafn-
vel þótt hugleiðingar geti orðið til þess að efla og næra hið innra
líf. Maður, sem nálgast veginn, getur verið lítt hneigður til hug-
leiðinga. Hann getur sýnt meiri mannkærleika með því að þjóna
sambræðrum sínum en með því að sökkva sér ofan í hugleiðingar
eða íhugun um hið guðdómlega. Það er kærleikurinn og trú-
74