Iðunn : nýr flokkur - 01.07.1926, Side 7

IÐUNN
Kári AustmaÖur.
169
Kristinhræsni. Á jaðri jarðar
jafnar alast Hrapps og Marðar.
Myrt er fyrir málsins verð,
milli Greipa og Eiríksfjarðar.
Innan gátta hvinnar hika.
Himinn reiðir lögmáls sverð.
— Blóði Sigfússona herð
sögustál á lopti blika.
— Dóttir Noregs fögur fagnar
frændaliði, í álfu þagnar.
Lengi dauðans höfga hönd
hvíldi á foldum óðs og sagnar.
Mætum nú jafnt skúr og skíni;
skipum frjálsa, opna strönd.
Endurfestum ættabönd,
eystra og vestra, und björk og hlyni.
Ungur röðull, giftugjafi,
glitrar yfir Norðurhafi.
Fyrir samlíf storð af storð,
stofnast leið á flugi og kafi.
Sviftum vorra hólma helsi.
Hjer er rúmt við lífsins borð.
Norræn dáð og norrænt orð
nemi löndin — undir frelsi.