Iðunn : nýr flokkur - 01.07.1926, Blaðsíða 16
178
Jakob Kristinsson:
IDUNN
húsum sínum, og er svo um búið að regnvatn renni
þangað. Þrjár uppspretfulindir eru á eynni, en allar litl-
ar og vatnið í þeim slæmt.
I Capribæ stunda margir verslun. Má heita að búðir
séu í hverju húsi um miðbik bæjarins. Ferðamanna-
straumurinn gerir verslun vænlega til gróða.
Fjöldi eyjarskeggja hefir góðar tekjur af því, að leigja
ferðamönnum herbergi. Eru þau útbúin svo, að alt er
þar til reiðu: svefiiherbergi með öllu nauðsynlegu og
lítið eldhús með kollum og kyrnum. Má Iifa furðulega
ódýrt í Capri, með því móti að leigja svona íbúð og
matreiða sjálfur. Er og algengt að menn geri það.
Nokkrar fiskiveiðar eru umhverfis Capri og stunda
sumir þær. En langstærstu fiskarnir, sem eyjarskeggjar
veiða, eru erlendir ferðamenn.
Áður en Capri varð slíkt óskaland ferðamanna sem
hún er nú, átfu íbúar hennar örðugt uppdráttar. Nú er
þar velmegun mikil. Er hún alveg þökkuð því fé, er
eftir verður í farvegum ferðamannastraumsins.
III.
Fyrir ófriðínn mikla var talið, að 40.000 ferðamenn
heimsæktu Capri árlega. Auðvitað tók að mestu fyrir
þenna straum á stríðsárunum. En nú er alt að færast í
sama horf. Þó kvörtuðu eyjarskeggjar um það, að ekki
kæmi nú jafnmargir til Capri og áður. Hvísluðu sumir
um, að það væri stjórn Mussolínis að kenna.
Margt er það sem manninn dregur til Capri. Að sumu
leyti á hún hvergi sinn líka: Hún er heilsubrunnur
mikill, auðug að sögumenjum og hefir náttúru-undur til
sýnis, sem einstök eru í sinni röð.
Lasburða menn og sjúklingar frá öllum löndum, leita