Iðunn : nýr flokkur - 01.07.1926, Blaðsíða 64

226
Sir Oliver Lodge:
IÐUNN
en samt er það sannarlegt samband, raunverulegt sam-
tal. Og þetta samband er grundvöllurinn, sem spíritist-
arnir byggja á trú sína og atferli í trúarefnum, hvort
sem sambandið er vísindalega sannað eða ekki. Engan
veginn eru allir sálarrannsóknamenn spíritistar; sumir
hafa talið sér fært að halda áfram að vera efnishyggju-
menn, einkum á meginlandinu; þó virðist mér sennilegt,
að þeir fái ekki haldið sér við þá skoðun, nema um
stund. En hvað sem því líður, eru þeir ekki í neinum
vafa um staðreyndirnar. Við þær kannast þeir fyllilega.
Það er skýring staðreyndanna, sem þá greinir á um. En
þeir sem sig nefna spíritista, og ekki eru heldur í nein-
um efa um, að hinar yfirvenjulegu staðreyndir séu sann-
aðar, telja meðal þeirra staðreynda, sem óumflýjanlega
ályktun af mikilli reynslu, að unt sé að komast í sam-
band við framliðna menn. Þeir hyggja, að þeir geti eigi
aðeins sannað það með smávægilegum skeytum, sem
snerta heimilis- og fjölskyldulífið, að ástvinir þeirra lifi
út yfir dauðann, heldur geti þeir með frekari viðræðu
öðlast nokkura þekking á tilveruskilyrðunum hinumegin
við tjaldið. ]á, sumir þeirra eru svo gagnteknir af fegurð
trúar sinnar, hinu hækkaða lífsgildi, sem hún veitir, þeim
létti, sem hún veitir í sorginni, þeirri huggun, sem hún
býður saknandi hjörtum, og þeir eru yfirleitt svo fullir
af þeim fögnuði og trausti, sem hún breiðir yfir tilver-
una, að þeir þrá að mega njóta þeirra forréttinda að
gerast postular, ekki nýrra, heldur að þeirra skoðun
endurvakinna fagnaðartíðinda, og þeir reyna með eld-
móði að veita öllu mannkyninu hlutdeild í sannfæring
sinni.
Fyrir því má orða trú spíritistanna á þessa leið:
Dauðinn er svo fjarri því að vera endir, að hann slítur
ekki einu sinni samhengi lífsins; hann er innskotsþáttur