Iðunn : nýr flokkur - 01.07.1926, Side 15

IÐUNN
Frá Capri.
177
Öldum saman var ókleift að komast þangað, nema eftir
tröppum, sem höggnar voru í bergið. En fyrir nokkrum
áratugum var gerður akvegur sá, sem eg hefi getið um,
og er hann hið mesta mannvirki.
Um miðbik eyjarinnar, milli hafna, er bærinn Capri.
Hann er nokkru stærri en Anacapri og munu íbúar þar
vera hátt á fjórða þúsund. Árið 1922 voru eyjarskeggjar
alls um hálft áttunda þúsund.
Loftslag á Capri er, að öllum jafnaði, frábærlega milt
og gott. Munur á hita árstíða er tiltölulega lítill, og
hreinviðri mikil og heiðríkja. Samkvæmt veðurathugunum,
sem gerðar hafa verið undanfarandi ár, hefir meðalhiti
á vetrum verið + 9,4° á C., en á sumrum 22°. Loft er
í meðallagi rakafult, og þykir Capri afbragðs heilsuhæli.
Snjór sést sjaldan og að eins í aftaka vetrum, eins og
þeim er síðast leið. Þykir eyjarskeggjum tíðindum sæta
ef snjó festir eina dagstund. Grænmeti vex og tré standa
með ávöxtum allan veturinn.
Heldur er jörð hrjóstrug í Capri og eru víða ber og
nakin björg. Þó eru nú tveir þriðju hlutar hennar rækt-
að land, enda eru flestir blettir notaðir, svo sem unt er.
Er mikið hvað menn hafa grætt út jörðina, því það er
ærið torvelt verk í Capri og seinunnið.
Æði mikið er ræktað af eplum, appelsínum og sítrón-
um og nokkuð af grænmeti. En langmest kveður að vín-
yrkju eyjarskeggja. Hefir lengi mikið orð farið af gæð-
um Caprivína.
Vatnskortur er versti gallinn þarna. Að vísu kemur
ekki oft fyrir, að drykkjarvatn þrjóti með öllu. En hitt
verður ekki svo sjaldan: að hætta verður húsasteypum
og að ræktun bíður baga vegna vatnskorts. Er yrking
öll ótrygg sökum þessa. Neyzluvatn eyjarskeggja er ná-
lega alstaðar rigningarvatn. Gera þeir vatnsþrær undir