Iðunn : nýr flokkur - 01.07.1926, Page 21

IÐUNN
Frá Capri.
183
Flestir þeirra liggja, að nokkru undir sjó, og verður
ekki komist í þá nema á bátum. Einn heitir Rauðhellir.
Er hann allur rauður og ber því nafn með rentu. Kem-
ur liturinn af rauðri skóf, sem grær á hellisveggjum og
rjáfri. Grænhellir heitir annar og er gólf hans undir sjó.
Fiskimenn á Capri hafa í munnmælum, að í fyrndinni
hafi hver einn verið framarlega í hellinum, og hafi hann
gosið allhátt upp úr sjó. Daufur brennisteinsþefur er enn
þar inni og veggir og hellisþak gult af brennisteini.
Þegar endurskin frá bláum sjónum varpast um gulan
klettinn, virðist alt fagurgrænt.
En langmesta undur eyjarinnar er hin fræga Grotta
azzurra eða Ðláhellir. Að sögn eyjarskeggja er hann
segull sá, er bezt dregur gesti að landi. Og víst er um
það, að sumir eiga það eitt erinda til Capri, að skoða
Bláhelli.
Hellirinn er í klettakampi, fram við sjó, á norðan-
verðri eynni. Er hellisgólfið í djúpu kafi. Mynni hellisins
er svo þröngt að eigi verður inn komist, nema á smá-
bátum í kvikulitlum sjó. En þegar inn kemur í hellinn
er bæði vítt og hátt til veggja. Eru 400 fet til rjáfurs,
þar sem hæst er. En dásamlegast er þó það, að alt
inni er töfrandi fagurblátt.
Svo þröngur er hellismunninn að mjög lítið ljós skín
inn þaðan. En annað, miklu stærra op, er á hellinum,
alt í kafi undir sjó. Ljósið, sem lýsir upp hellinn skín
því, nálega alt, gegnum bláan sjóinn. Fyrir því verður
birtan svo fögur.
Við heimsóktum Bláhelli degi áður en við kvöddum
Capri. Fanst okkur mikið til um dýrð hans, enda er
sagt að hann eigi engan sinn líka, í víðri veröld.