Iðunn : nýr flokkur - 01.01.1930, Side 73

IÐUNN
Ungir rithöfundar.
67
gengur að eiga Maríu, en Salvör fer burt og tekur
bónorði verzlunarstjórans við danska selstöðuverzlun, er
hefir bækistöð sína örskamt þaðan, sem Halldór býr.
Verzlunarstjórinn er danskur. Hann hefir unnað Salvöru
hugástum, en fram að þessu orðið að lúta í lægra haldi
fyrir Halldóri. Nú krefst Salvör þess, að maður hennar
verði Halldóri hinn erfiðasti í viðskiftum, og þó að
verzlunarstjóranum, sem er valmenni hið mesta, falli það
illa, verður hann að gera að vilja konu sinnar. Halldór
er bláfátækur, en hinn mesti dugnaðarforkur Nú ræður
Salvör því, að honum er skömtuð úr hnefa öll úttekt
og hann krafinn harðlega um endurgjald. A þennan
hátt tekst Salvöru að sjá svo um, að Halldór hafi ekki
nema það allra naumasta til hnífs og skeiðar. Greiðslu-
frestur hjá verzluninni er sem sé það eina, er geti gert
honum mögulegt að auka framleiðslu sína, því að ekki
er til banka eða sparisjóða að flýja um lántökur. Verður
hann nú, svo stórlátur sem hann er, að gera sér að
góðu að herja út með eftirtölum það allra nauðsynleg-
asta og sér enga von út úr ógöngunum. Svo er nú
það, að kona hans stenzt að vonum engan samanburð
við þá ímynd kvenlegrar fullkomnunar, er hún hefir
mint hann á, en vekur aftur á móti viðbjóð hans. Ofan
á alt þetta bætist, að yfirleitt er hann misskilinn af öll-
um almenningi, en eins og flestir djarfir en tilfinninga-
ríkir hreysti- og áhlaupamenn þarfnast hann aðdáunar
og samúðar þeirra, er hann umgengst. En svo er and-
úðin gegn honum sterk, að þá er hann missir báða
fæturna í hrakningum og strandi og bjargar lífi sumra
þeirra, sem með honum eru, kemst sá orðrómur á loft,
að eitthvað hafi verið vangert frá hans hendi eða hann
átt sök á hrakningunum og afleiðingum þeirra. ... Nú
vaxa börn hans upp. Takast þá ástir með Guðrúnu,