Iðunn : nýr flokkur - 01.01.1930, Qupperneq 105

IÐUNN
Sjálfstæðismálið.
99
hvort vér eigum að skilja við Dani eða ekki, sé óhugs-
andi, hún falli alls ekki inn í umgerð stjórnmálanna eins
og þau þá verða, og það getur verið, að skipulagi Eu-
rópu og stjórnarháttum sé, þegar að skilnaðarárinu líður,
orðið svo skipað, að samband Islands og Danmerkur
sé löngu undir lok liðið, án tilverknaðar eða tilætlunar
af vorri hendi eða Dana, fyrir rás viðburðanna eina.
Það getur líka verið að oss, þegar þar að kemur, ein-
hverra orsaka vegna sé sambandið orðið hreint og beint
skaðlegt, en hins vegar getur það einnig verið, að oss
sé orðinn stórhagur að því að vera í sambandinu við
Dani. Loks getur það og verið til, að alt sitji við sama
keip og nú. Sé nú þegar, fjórtán árum fyrir tímann,
farið að vinna að skilnaði, þá er í raun réttri farið í
pólítískt glæfraspil, og alt lagt undir að annað tveggja
verði að fjórtán árum liðnum, að sambandið við Dani
sé orðið oss beinlínis háskalegt, eða að það sé oss
meinlaust og gagnslaust eins og nú. Vilja þeir, sem
brydda upp á þessu núna, taka ábyrgð á því, að ekki
verði þá annað uppi á teningnum, og vilja þeir neita
því, að þeir tímar, sem vér nú lifum á, séu slíkir, að
það sé altaf allra veðra von?
Segjum svo, að þeir ábyrgðust þetta, og að það reynd-
ist rétt, og að þeir þar með væru orðnir framsýnustu
stjórnmálamenn, sem uppi hafa verið, er þá ekki
samt vakið máls á þessu fullsnemma? Er það natíðsyn-
legt til þess að þjóðin vakni og sé búin að átta sig,
að vekjarinn sé látinn vekja 14 árum áður? Vilja þessir
menn gera svo lítið úr kjósendum landsins, að þeir
þurfi svona langan tíma til þess að átta sig á ekki
flóknara máli en þessu? Sé svo, þá fer það óneitanlega
nokkuð einkennilega í munni þeirra manna, sem 1907
voru með frumvarpinu, og sem þjóðin, kjósendurnir,