Iðunn : nýr flokkur - 01.01.1930, Side 117

IÐUNN
Heimskaulafærsla.
111
minjar loftslagsbreytinga frá sama tíma í Japan sýna, að
svo hafi ekki verið, eins og minst hefir verið á hér að
framan. Ýmsir álíta líka, að jökultíminn hafi ekki verið
að öllu leyti samtímis í hinum ýmsu löndum, sem minjar
um hann finnast í. Er þess vegna vel hugsanlegt, að
hann hafi byrjað á einum staðnum, er hann endaði á
öðrum, sökum þess, að heimskautin með kuldabeltunum,
ísnum og kuldanum hafi þokast úr einum stað á annan,
um lönd og höf. Virði menn fyrir sér útbreiðslu jökla
hér á norðurhveli jarðar á jökultímanum og hreyfingar-
stefnur þeirra á hinum ýmsu stöðum, virðist jafnvel mega
rekja feril norðurheimskautsins frá því á tertiertímabil-
inu, er kalt loftslag var í Japan, en heitt á íslandi,
austan frá Asíu, um Norður-Ameríku, norðanvert At-
lantshaf (ísland), Norður-Evrópu og þangað, sem það
er jaú.
í tempraða beltinu syðra eru jökulminjar frá sömu
tímum í Patagoníu, Austur-Afríku, Astralíu og Nýja-
Sjálandi, er gæti bent á tilsvarandi slóð kuldabeltisins
syðra. Talið er, að jökulminjarnar í Patagóníu séu elztar
þeirra, og að þær séu jafnvel frá því á tertier-tímabilinu,
eða sama tíma og kalt loftslag var í Japan. Einnig er
hugsanlegt, að jökulminjarnar í Ástralíu og á Nýja-Sjá-
landi séu yngri en jökulminjarnar í Austur-Afríku.
Jökulminjar, sem sennilegt er að séu frá sama tíma,
eru þannig nokkurn veginn andspænis á norður- og
suðurhveli jarðar.
En jökulbreiðan virðist hafa náð mismunandi langt
út frá heimskautunum á ýmsum tímum á leið þeirra um
löndin. Hafi norðurheimskautið fluzt frá suðlægari svæð-
um um Kyrrahaf, austur yfir Norður-Ameríku og þang-
að sem það er nú, eins og líkur eru til, eftir því sem
loftslag hefir verið í Japan á jökultímanum og eins fyrir
hann og eftir, hefði þannig verið hægt ab búast við því,
að jökulbreiðan hefði náð yfir stærra svæði við Kyrra-
hafið en hún virðist hafa náð, annað hvort um Síberíu
austanverða eða suður eftir Norður-Ameríku. Og áður
hefir verið minst á jökulminjarnar á Indlandi frá perm-
tímabilinu. En loftslagið er háð svo mörgu fleiru en