Kirkjuritið - 01.10.1954, Síða 50

Lárus Sigurjónsson áttrœður,
Lárus Sigurjónsson skáld.
Lárus Sigurjónsson skáld nr
fæddur í Húsavík í Borgarfjarðar-
hreppi eystra 14. ágúst 1874. Voru
foreldrar hans Sigurjón bóndi Jóns-
son og kona hans, Jóhanna Jóhann-
esdóttir. Stúdent varð hann 1903
og kandídat í guðfræði frá Presta-
skólanum 1906. Hélt hann að því
loknu til Danmerkur og sótti fyrir-
lestra í lýðháskólanum í Askov
næsta vetur í þeim tilgangi að búa
sig undir kennslustarf hér heima.
En þar varð önnur raunin á, því
að nú hélt hann vestur um haf og
ól þar aldur sinn um áratuga skeið,
fyrst í Kanada, en því næst í
Bandaríkjunum. Kvæntist hann þarlendri konu, Mabel N. Eyres.
Hún var söngmenntuð, og hann hafði einnig numið raddþjálf-
un. Héldu þau hjón um langt skeið söngskóla í Chicago. Lárus
kom heim fyrir fullum áratug, en hvarf þá vestur aftur. En
nú munu þau hjón alflutt hingað, og eru búsett í Reykjavík.
Allt frá æskuárum hafði Lárus mestu mætur á skáldskap
og orti snemma og var kunnur fyrir Ijóð sín á skólaárum sín-
um. Um langt skeið lét hann lítið á Ijóðagerð sinni bera, en
mun þó alltaf hafa ort. En ljóðagerð hans tók miklum stakka-
skiptum og varð æ sérkennilegri og yfirgripsmeiri. Er óhætt að
segja, að ýmislegt í ljóðum hans sé alveg sérstætt í íslenzkurn
kveðskap, eins og vildi skáldið spenna yfir allar stefnur og
straumhvörf aldanna. Er sá, sem þetta ritar, enginn maður til
þess að dæma um það, hversu tekizt hefir, en hversdagslegt er
það ekki. Komu Ijóð hans út 1946 og voru nefnd Stefjamál.
Fleira hefir Lárus ritað og þýtt.
Kirkjuritið óskar honum árs og friðar á kvöldi æfinnar.
M. J.