Tímarit lögfræðinga - 01.12.1997, Blaðsíða 40

Greiða skal þjáningabætur fyrir tímabilið frá því að tjón varð þar til ekki er að vænta
frekari bata, 1.300 kr. fyrir hvem dag sem tjónþoli er rúmfastur og 700 kr. fyrir hvem
dag sem tjónþoli er veikur án þess að vera rúmliggjandi. Þegar sérstaklega stendur á
er heimilt að greiða þjáningabætur þótt tjónþoli sé ekki veikur. Nemi bætur meira en
200.000 kr. er heimilt að víkja frá fjárhæðum þeim sem greinir í 1. málsl. Um
greiðslur frá þriðja manni fer eftir ákvæðum 1„ 3. og 4. málsl. 4. mgr. 5. gr.
Þjáningatímabil er talið frá því að líkamstjón varð og þar til ekki er að vænta
frekari bata, en þá tekur við varanlegur miski og skal miða hann við ástand
tjónþola á þessum tímapunkti. Mörk milli þjáninga og varanlegs miska telst sá
tímapunktur þegar ekki er að vænta frekari bata og var nefndur stöðugleika-
tímapunktur hér að framan. Samkvæmt þessum skilningi mætti gera mun á
þjáningum og miska sýnilegan á myndrænan hátt í grafi, sjá mynd 2:
Mynd 2: Ófjárhagslegt tjón skiptist í þjáningar (tímabundið tjón) frá tjónsdegi að
stöðugleikatímapunkti og miska (varanlegt tjón) eftir stöðugleikatímapunkt.
264