Tímarit lögfræðinga - 01.12.1997, Blaðsíða 93

3.3.6.2 27.-30. grein. Önnur sérstök ákvæði.
I ákvæðum 27. til 30. greinar er að finna sérstök ákvæði um bann við mis-
munun (27. grein), framkvæmd gagnkvæms samkomulags (28. grein), sendi-
erindreka og ræðiserindreka (29. grein) og landfræðilega rýmkun (30. grein).
28. grein hefur verið breytt þannig að gagnkvæmt samkomulag skal koma til
framkvæmda óháð þeim tímafresti sem lög viðkomandi samningsríkja kveða á
um, en hinar greinamar eru óbreyttar frá gamla samningnum. Ástæða er til þess
að vekja sérstaka athygli á ákvæðum 28. gr. samningsins um rétt skattaðila til
að leggja ágreiningsmál um túlkun eða framkvæmd samningsins fyrir bær
stjómvöld sem geta leyst úr þeim með gagnkvæmu samkomulagi. Þetta eru
mjög þýðingarmikil úrræði fyrir gjaldanda sem honum em tæk án þess að hann
raski rétti sínum til annarra réttarúrræða samkvæmt lögum.
3.3.7 Lokaákvæði
3.3.7.1 31. og 32. grein. Gildistaka og uppsögn
I 31. og 32. grein er að finna ákvæði um gildistöku og uppsögn samningsins.
Eins og að framan greinir í kafla 4.1 tók nýi samningurinn gildi 11. maí 1997
og verður honum beitt um tekjur sem aflað er 1. janúar 1998 og eignir í lok þess
árs og síðar. Nýi samningurinn (sem er óbirtur þegar þetta er ritað) mun leysa
af hólmi núgildandi norrænan marghliðasamning til að komast hjá tvísköttun
sem undirritaður var 12. september 1989.
Sérstakt bráðabirgðaákvæði gildir skv. 3. mgr. 31. greinar um launatekjur í
alþjóðlegum skipaflutningum sem nánar var fjallað um í kafla 3.3.4.11 um 15.
grein hér að framan. Ekki er hægt að segja nýja samningnum upp fyrr en liðin
eru 5 ár frá gildistöku hans.
317