Búnaðarrit - 01.08.1916, Síða 70

228
BÚNAÐARRIT
í vetur verið að vinna úr skýrslum nautgripafélaganna
1911—1915, og mun Búnaðarritið næsta vetur geta flutt
ýmsan fróðieik frá honum þar að lútandi.
Til eftirlitsmannakenslunnar gengu 780 kr.
Hún er nú orðin nokkru yfirgripsmeiri en áður var.
Skýrsla um hana verður i ársskýrslu Sigurðar húfræðings
Sigurðssonar í Búnaðarritinu. í þeirri skýrslu verður og
nánara skýrt frá ýmsu, er að búfjárrækt iýtur, en hór
er gert.
Til girðinga fyrir kynbótanaut 573 kr.
styrkur, í 4 staði. Styrkurinn var um það bil þriðjungur
kostnaðar og því skiiyrði bundinn, að félagið, sem styrk
fékk, hefði umráð yfir hinu girta landi i 15 ár að minsta
kosti.
Til stóðhestskaupa var einu hrossaræktarfélagi
(í Austur-Landeyjum) veittur 100 kr. styrkur, þriðjungur
verðs. Þeir styrkir eru jafnan veittir rneð því skilyrði,
að ef hætt verður að nota hestinn til undaneldis innan
5 ára, þá verði félaginu endurgreiddur þriðjungur verðs
hans, eins og það verður þá.
Til girðinga fyrir kynbótahross var veittur
269 kr. styrkur, í 2 staði. Styrkurinn var þriðjungur
kostnaðar og sama skilyrði bundinn og styrkur til girð-
inga fyrir kynbótanaut. Búast má við, að gjöld félagsins
til hrossaræktar muni aukast allmikið á næstu árum,
því að minsta kosti í einu héraði, Borgarfirði, er nú
vaknaður mikill áhugi á að koma hrossaræktinni i lag,
með nýrri kynbótasamþykt og með stofnun hrossaræktar-
félaga og hrossagirðinga í öllu héraðinu.
Til héraðssýningar hrossa í Húnavatns-
sýslu voru veittar 300 kr. Þetta ár er ætlast til að
haldnar verði héraðssýningar á hrossum í Borgarfirði og
í Þjórsártúni (fyrir Árnes og Rangárvalla sýslur og einn
eða fleiri hreppa í Vestur-Skaftafellssýslu).
Til sauðfjárkynbótabúa 7 var veittur alls
1100 kr. styrkur.