Búnaðarrit - 01.08.1916, Síða 92

250
BÚNAÐARRIT
'byggja úr timbri og járni var litlu eða engu ódýrara og
margfalt endingarminna. Nú hagar víða miklu betur til
að fá steypuefni, og aðflutningar úr kaupstað einnig
hægri. Þar geta steypt hús orðið miJclu ódýrari. Enn-
íremur er svo ástatt á mörgum stöðum, að nóg er til
af hleðslugrjóti, og einnig má fá hnausa eða strengjaefni
skemdalítið. Þar má bjargast við vel gerða veggi úr
grjóti og torfi; en járnþök ættu allir að hafa.
En þó ykkur þyki hlöðurnar mínar dýrar, er eg
Tiess fullviss, að arðurinn af þeim er svo mikill, að eg
fæ góða vexti og ríflegar afborganir af fénu, sem í þær
var lagt. Og hvað mun þá vera þar sem heyhlöður
geta orðið miklu ódýrari? Mitt álit er það, að jafnvel
félitlir menn geti bygt sér heyhlöður og eigi að gera
'það, ef þeir hafa sæmilega trygga ábúð. Það sem þeir
geta ekki iagt fram með eigin vinnu — sem er mikið,
ef hyggilega er að farið — ætti þeim að vera óhætt að
taka að láni; það borgar sig svo vel.
Ef þú ert vantrúaður á þetta, þá rannsakaðu það
vandlega sjáifur. Mundu eftir öllum dagsverkunum, sem
fara í að taka til tópta á vorin, rista heytorfið — jafn-
^el upp úr enginu — flytja úr flagi, þurka það, flytja
faeim og þekja heyin oft á sumri, taka það af aftur, búa
um heyin í hvert skifti fyrir veðrum o. s. frv. Mundu
eftir öllum tóptarviðnum, sem þú þarft til að halda torfinu
yppi á vetrum, og hvernig sá viður endist, örðugleikun-
um við að leysa heyin í smágeilum — og svo lekanum.
Berðu saman að hlaða upp há hey í tóptum, þegar bundið
er, við það, að fleygja því inn í hlöðu. Rifjaðu upp, að
þú hefir oft orðið að halda áfram heybandi, þegar fór
að rigna, til þess að opna tóptin þín gæti varið sig, en
ekemdir þá heyið. Þess þarft þú ekki, ef þú lætur í
hlöðu. Mundu eftir dropunum í heyinu þínu, sem fór
svo illa með sig í rigningunum, að það stór-skemdist.
Já — mundu eftir svo mörgu, sem eg nenni ekki að
íelja upp.