Dvöl - 01.07.1940, Side 81

D VÖL
239
llöf iuid sti'ii i r
John Galsworthy
var fæddur 14. ág. 1867. Hann lærði lög,
en þurfti ekki að vinna fyrir sér og lagði
lögin á hilluna, tók að ferðast og fór víða
um lönd og sökkti sér jafnframt niður i
úrval heimsbókmenntanna. Svo fór hann
að skrifa. En það tók hann langan tíma
að öðlast viðurkenningu, og heimsfrægð
hlaut hann fyrir sögu Forsyte-ættarinnar.
Það eru fimm skáldsögur, og í þeim lýsir
hann þremur ættliðum ættar þessarar,
sem er af hinni efnaðri millistétt Eng-
lands. Gerast sögur þessar á síðari hluta
18. aldar og fram á þessa öld. Hann rit-
aði ýmsar fleiri ágætar sögur en áður-
nefndan sagnaflokk og fjölda leikrita og
smásagna. Voru skáldverk hans i öllum
þessum greinum metin með því bezta, sem
fram kom í samtíðarbókmenntum Eng-
lands hina síðustu áratugi. Árið 1918 var
honum boðin aðalstign, en hann afþakk-
aði. Galsworthy dó 31. janúar 1933, hálf-
sjötugur að aldri, virtur sem afburðasnjall
rithöfundur og persónugerfingur enskrar
„séntilmennsku" í viðhorfi sínu til listar-
innar og lífsins.
Villiers de l’Isle Adam,
1838—89, var fæddur og alinn upp á
Bretagne. Hann fór ekki venjulegar leiðir
í sagnagerð sinni, enda var maðurinn
óvenjulegur á margan hátt. Hann var
ákaflega hugmyndaríkur og taldi ekki eft-
ir sér að sækja á fjarlæg mið í þeim efnum.
„Kvalning vonarinnar" er ein af hans
frægustu sögum.
Michael Arlen
er amerískur rithöfundur, fæddur í
Búlgaríu og heitir réttu nafni Dikran
Kuyumjian. Hann varð frægur fyrir skáld-
söguna „The Green Hat“, sem kom út í
-öandarikjunum árið 1924, og græddi hann
Jolm Galsworthy.
á henni ógrynni fjár. Ýmsar sögur hans
hafa á sér svipblæ Austurlanda, dular-
fullar og fíngeröar að efni. Michael Arlen
er fæddur árið 1895.
James Hilton
er Englendingur, fæddur í Lancashire
árið 1900. Prægust skáldsagna hans er
„Lost Horizon", sem vann Hawthornder-
bókmenntaverðlaunin árið 1934.
Henryk Sienkiewicz,
hinn merki pólski skáldsagnahöfundur,
var fæddur 4. maí 1846. Hann lærði heim-
speki við háskólann í Varsjá, ferðaðist
víða um heim, og skrifaði fjölda bóka.
Þekktust af skáldsögum hans er „Quo
Vadis?“, frá tímum Neró Rómverjakeisara,
er hann samdi fimmtugur. Hefir hún veriö
þýdd á 30—40 tungumál. En merkast
af skáldverkum hans er talinn vera sagna-
flokkur, er lýsir frelsisstríði Pólverja á 17.