Morgunn - 01.06.1942, Síða 28
22
M O R G U N N
líkamast, holdgast og orðið sýnilegir í tilraunahring-
um, sem ég hefi setið í, um síðast liðin fimm ár. Ég hefi
horft inn í andlit þeirra, ég hefi tekið við orðsendingum
af andavörum þeirra og ég hefi fallið í stafi yfir þeirri
nákvæmu þekkingu, sem þeir höfðu á liðnum atburðum
í lífi mínu, og ég hefi mætt handartaki hinha himnesku
handa þeirra“. (John Lobb, F. R. G. S., F. R. Hist. S.:
,,Talks with the Dead“).
Ég býst við því, að vísindamennina, sem fyrir fáum
áratugum voru að berjast við að sanna, að fyrirbrigði
líkamninganna gerðust í raun og veru, hafi ekki órað
fyrir því, að innan svo skamms mundi brezkur mennta-
maður og alkunnur treystast til að láta frá sér fara aðra
eins yfirlýsing og þessa. En þetta sýnir að eins þ'að, hve
geisilega þekkingunni á málinu hefir fleygt fram á ekki
löngum tíma.
Líkamning, eða á erlendu máli ,,materialisation“, er
eins og kunnugt er, nafnið á því fyrirbrigði, að í viður-
vist miðils og annarra viðstaddra kemur fram lifandi
mannvera eða hluti af henni, sýnileg og auk þess stund-
um bæði áþreifanleg og heyranleg. Fyrir margra ára
óþreytandi rannsóknastarf sumra af ágætustu vísinda-
mönnum veraldarinnar er búið að rannsaka raunveru-
leik þessara fyrirbrigða svo vel, að honum verður ekki
lengur neitað. Fyrirbrigðin gerast.
Þá telja menn sig hafa komizt að raun um, að líkamir
þessara furðulegu gesta væri myndaðar úr efni, sem
nefnt hefir verið ,,ectoplasma“, og streymir út af lík-
ama miðilsins og jafnframt sumra þeirra, sem með hon-
um sitja að tilraununum. Sir Oliver Lodge, sem var allra
manna lærðastur í 'þessum efnum, áleit að þessi furðu-
lega holdgun framliðinna gerðist á þann veg, að
hinn framliðni, sem kemur í eterlíkama sínum, eins og
íklæði hann þessu hálf jarðneska efni, „ectoplasma“-
inu, til þess að gera hann áþreifanlegan og sýnilegan
hinum jarðnesku mönnum.