Morgunn - 01.06.1942, Blaðsíða 84
78
M O R G U N N
Samt tala fávísir trúmálaleiðtogar háðslega um „myrkra-
stofuframleiðslu spíritismans“, og telja fyrirbrigði hans
vera komin frá hinum illa, vegna þess, að þau krefjast
myrkurs á byrjunarstigi sínu. Þetta er álíka heimsku-
legt og að telja þessa menn sjálfa vonda, vegna þess, að
sú speki, sem rökum ræður ofar mannlegum vilja og
viti, lætur fyrsta vísinn að jarðlífi þeirra þroskast í
myrkraherbergi móðurskautsins.
Þeir, sem hafa séð ótvíræð, mikilfengleg, miðlafyrir-
brigði gerast í tilraunaherberginu, þeir, sem hafa séð
ljómandi verur, sem geislaðar voru ljósi, er kom frá
þeim sjálfum, koma út úr dimmu byrginu og dvelja
um stund í heimi dauðlegra manna, öllum sýnilegar,
gæddar vitsmunum og lífi, þeir vita, að í þeirri undur-
samlegu sköpun var myrkrinu falið heilagt verk að
vinna, hliðstætt því, sem það vann fyrir oss fyrsta
áfanga vorum í þessum jarðneska heimi.
Að gera myrkrið að ímynd hins illa, er hugmynd,
sem mannkynið ætti, fyrir vaxandi þroska og þekking,
að vera vaxið frá. Einn af spekingum Hebreanna sagði
fyrir þúsundum ára: ,,Myrkur og ljós eru jöfn fyrir
þér“. Já, myrkur og ljós eru jöfn fyrir Guði, því að af
speki, sem er dýpri en öll vötn veraldarinnar, hefir hann
sett þau í þjónustu lífsins á jörðunni.
Á jörðunni, sagði ég, — en vér spítitistar vitum, að
vér höfum séð lengra. Og handan við gröf og dauða,
handan við hinn þrönga hring vorrar jarðnesku sjónar,
vitum vér, að myrkrið þjónar lífinu.
Þar er oss sagt, að sálin, sem nýlega er skilin við sinn
jarðneska hjúp, hvílist fyrst í myrkri og meðvitundar-
leysi, meðan hún enn er ekki fær um að þola ljós anda-
sviðanna. Þannig er myrkrinu einnig þar, eins og hér
á jörðu, falin heilög þjónusta til verndar því lífi, sem
enn er of veikt og viðkvæmt til að þola ljósið. Hafa ekki
fjölmargir spíritistar, sem náð hafa vitundarsambandi
'n<5 látinn vin og spurt hann, hvernig það hafi verið, að