Morgunn - 01.06.1961, Blaðsíða 24

18
MORGUNN
miðilsgáfu á yngri árum. Athyglisverðar tilraunir til bóka-
sannana voru gerðar með hann.
Fyrir augu hans var vendilega bundið og síðan settur
fram fyrir hann hár stafli af bókum. Án þess hann vissi
var honum ætlað að fást við 10. bókina að ofan í stafl-
anum. Sú bók var á hebresku. Tilraunin var gerð heima
hjá próf. Haraldi Níelssyni og valin hebresk bók, sem hann
hafði aldrei lesið. Nú þreifar Kamban, blindaður, um stafl-
ann og nemur staðar við þessa bók, skrifar innan stundar
á blað, hvað standi í bókinni í tiltekinni línu á tiltekinni
blaðsíðu og auk þess eitt hebreskt orð. Þegar bókinni var
síðan lokið upp, kom í ljós, að tilraunin hafði borið full-
an árangur. Um þetta var engum til að dreifa með fjar-
hrif, enginn viðstaddur hafði lesið bókina. Þá tók próf.
Haraldur aðra bók, lauk henni upp af handahófi, sneri
sér undan, leit ekki á blaðsíðuna, en benti af handahófi á
einn staðinn. Óðara skrifaði Guðmundur Kamban, blind-
aður, orðið, sem fingur próf. Haralds hafði numið staðar
við.
Hvernig verður þetta heimfært undir fjarhrif. Auðvitað
sanna þessar tilraunir ekkert um tilvist framliðinna
manna, en svo þykir mörgum aðrar bókasannanir gera, t.
d. þessi:
Glenconner lávarður kom allmjög við sálarrannsóknir,
allt fram að 1940, að mig minnir. Þau hjónin misstu gáf-
aðan og efnilegan son í fyrri heimsstyrjöldinni. Á til-
raunafundi, sem haldinn var í allt öðrum tilgangi og fyrir
annað fólk með merkasta sannanamiðli nútímans, frú
Leonard, talaði rödd, sem tjáði sig vera hinn látna son
Glenconners, og bað fyrir skilaboð til föður síns: Segið
föður mínum að taka 9. bókina í 3. hillunni, þegar talið
er frá vinstri til hægri, hægra megin við dyrnar á sam-
kvæmissalnum heima. Segið honum að gæta að bókarheit-
inu og lesa bls. 37, og þá mun hann sjá, að þetta er ég.
Miðillinn, frú Leonard, hafði aldrei komið í hús Glen-
conner-hjónanna norður í Skotlandi, en orðsendingin var