Morgunn - 01.06.1961, Qupperneq 55

1 húmi nætur
★
Ó, faðir. gef mér bljúgan bænaranda
svo beðið geti ég þig,
er sál mín reikar vonarsnauð í vanda
um villugjaman lífsins stig.
Ó, lát mér blik af ljósi þínu skína.
ó, leyf mér að ég finni nálægð þína.
ó, faðir, gef mér styrk í lífsins stríði,
minn styrkur er svo smár
og trú mín veik, svo vonaþrot og kvíði
oft vekja mínu hjarta sár.
Og kenn mér vegi að velja og skilja þína
svo verði ég sannur, þekki bresti mína.
Ó,faðir, gef mér ást til allra manna
svo elska megi ég þig,
svo lífsins takmark líti ég eina og sanna,
ó, lát mig þekkja sjálfan mig,
að geti ég öðrum gefið allt það bezta
í geði mínu er lézt þú rætur festa.
ó, gef mér þína gleði í sorg og raunum,
þú Guð og faðir minn,
svo spyrji ég aldrei eftir heimsins launum
en aðeins stundi vilja þinn, —
og finni og skilji, að allt, sem anda hefur,
þín ást í sínum kærleiksfaðmi vefur.
M. P
4