Frjáls verslun - 01.05.2004, Blaðsíða 18
NÆRMYND - EGILL ÁGÚSTSSON
Íslenska-ameríska hefur vaxið hratt á markaði matvæla
enda árangursmiðaður, afar duglegur og ósérhlífinn. Um leið er
hann mjög kröfuharður gagnvart öðrum. Og hlutirnir gerast
hratt, stundum of hratt fyrir suma sem heltast þá úr lestinni.
„Þegar þú ert kominn á fulla ferð með Agli þarftu að hafa þig
allan við að tolla á baki og fylgjast með,“ segir samstarfsmaður
til nokkurra ára og getur þess um leið að þessi ákafi geti failið í
grýttan jarðveg hjá sumum.
„Egill er eftirminnilegur fyrir alla sem hafa kynnst honum.
Hann hefur drifkraft á við heila deild í fyrirtæki og er gjarnan
með mörg járn í eldinum. Hann er mjög drífandi, hress og
smitar út frá sér. Hann er afar vel að sér í öllum hliðum fyrir-
tækjarekstrar og með skýra framtíðarsýn," segir Jón Erling
Ragnarsson, framkvæmdastjóri AUied Domecq á Islandi og
samstarfsmaður Egils.
Fleiri bæta því við að Egill bíði þolinmóður eftir réttu tæki-
færunum en þegar þau eru í sigti og ákvörðun tekin fykur
þolinmæðin út í veður og vind. Þá er bókstaflega stokkið á
hlutina og allt á að gerast með hraði. Hins vegar er öllum
málum fylgt vel eftir. Þeir sem þekkja hann vita líka að hann er
mjög talnaglöggur og með stálminni.
Það er ekki þannig með Egil að hann sé alvitur og alsjá-
andi eins og gjarnan er tilfellið með ákaflynda menn. Hann
veit sem er að einn maður getur ekki haft yfirsýn yfir alla
þætti rekstrarins hjá jafn stóru og umsvifamiklu fyrirtæki og
Islensk-ameríska.
Samstarfsmaður segir hann duglegan að leita ráða hjá sam-
starfsmönnum sínum og dreifa ábyrgðinni en eftir að
ákvörðun hefur verið tekin er bensínið stigið í botn. Þá hefur
hann lag á að fá til liðs við sig afar hæft fólk. Hann hefur mætur
á samstarfsfólki sínu í dótturfyrirtækjunum og lætur því eftir
stjórnina á þeim bæjum. Enda traustur rekstur og gott fólk
meginástæða þess að viðkomandi fyrirtæki voru keypt. Sam-
starfsmaður segir Egil gera sér grein fyrir því að lykillinn að
árangri sé að hafa gott fólk með sér.
Þrátt fyrir velgengnina vílar Egill ekki fyrir sér að hlaupa í
öll verk. Hann getur ekki beðið ef einhver er veikur eða ekki
tilbúinn í slaginn, brettir sjálfur upp ermar og gerir hlutina.
Tækjakall Egill er útivistarmaður og hefur brennandi áhuga
á öllu sem hreyfist fyrir afli véla. „Það er óhætt að segja að hann
sé með alvarlega tækjadellu og á jeppa, vélsleða, ijórhjól,
mótorhjól og ýmislegt fleira í þeim dúr. Hann fær blik í augun
þegar tæki eru annars vegar en hann vill hafa þau vönduð,"
segir samferðamaður Egils.
Egill hefur lengi verið í hestamennsku, byrjaði með hesta
í Eyjum. Hann hefur síðan átt úrvalshesta, meðal annars frá
Magna Kjartanssyni bónda í Argerði, en þeir hafa verið miklir
vinir um langt árabil. Henrý Þór Gránz, æskuvinur Egils,
segir hann mjög fróðan um hesta og hestamennsku og
flinkan reiðmann.
í dag hafa hestarnir að mestu vikið fyrir vinnu en viðmæl-
endur Frjálsrar verslunar eru allir sammála um að Egill helgi
sig að mestu vinnunni. Hann er þó með hesta fyrir norðan, í
Framnesi í Kelduhverfi, þar sem hann var í sveit sem
drengur. Hann keypti fyrir nokkrum árum Framnes í félagi
við æskuvin sinn, Sturlu Sigtryggsson bónda í Keldunesi, og
hafa þau Hildur búið þokkalega um sig þar og nota hvert
tækifæri til að renna norður. Til marks um ákaflyndi Egils
18