Frjáls verslun - 01.05.2004, Blaðsíða 70

Mynd: Geir Óiafsson
Þórunn Pálsdóttir, fjármálastjóri ístak.
Ístak:
Kona í karlaheimi
órunn Pálsdóttir, ijárrnálastjóri ístaks, hefur unnið
hjá fyrirtækinu frá árinu 1991 er hún lauk MBA-
námi frá University of San Francisco. Þar áður
hafði hún unnið sem sumarstarfsmaður hjá fyrirtækinu
og hefur því kynnst þvi vel og frá ýmsum hliðum.
Það voru ekki mjög margar konur í verkfræðideild
þegar Þórunn var þar en hún segist alin upp í miklu verkfræð-
ingaumhverfi. „Faðir minn er byggingaverkfræðingur og
einnig nokkrir aðrir ættingjar mínir og reyndar líka tveir
bræður,“ segir Þórunn sem fór úr Breiðholtsskóla og tók
síðustu þrjá bekki grunnskólans í Kvennaskólanum.
„Kvennaskólinn var mjög góður skóli og ég bý enn að góðri
íslenskukennslu þaðan. Eg hafði ánægju af stærðfræði og
raungreinum og fór síðan í eðlisfræðideild MS.“
Þórunn þakkar góðum undirbúningi í Kvennaskólanum
góðan árangur 1 menntaskóla, en hún varð semidúx þaðan.
„Svo lá leiðin í Háskólann, í byggingaverkfræði og eftir það í
MBA-nám í San Francisco. Strax og ég kom heim hóf ég störf
hjá Istaki og hef verið þar síðan.“
Karlavinnustaður ístak hefur um 400 starfsmenn og starf-
semin er ijölbreytt. Mun fleiri karlmenn en konur vinna hjá
fyrirtækinu en Þórunn segir það ekki skipta sig neinu máli.
„Eg er auðvitað vön því og þekki ekkert annað en að það séu
mest karlar sem ég vinn með. Eg lít svo á að kyn fólks skipti
ekki máli heldur hvernig það sinnir sinni vinnu.
Istak er um 35 ára gamalt fyrirtæki sem stendur á
traustum grunni og hefur á að skipa góðu starfsfólki.“
Það einkennir Istak að ábyrgð svokallaðra staðarstjóra er
mikil, en staðarstjóri er æðsti tæknimaður yfir hverri fram-
kvæmd. Þeir fá í hendur verk og bera á
þeim alla ábyrgð og er gert að sjá til þess
að fjárhagsramminn haldi. „Þetta er lykil-
atriði í rekstri eins og þessum sem byggir
á mörgum afmörkuðum verkefnum og
um leið merkir það að almenn yfirstjórn
er ekki stór í sniðum miðað við umsvif fyrirtækisins."
iþróttakonan Þórunn Þórunn segist hafa mikla þörf fyrir
að hreyfa sig og stunda íþróttir reglulega. „Eg var alltaf í
handbolta og fimleikum sem krakki og nú fer ég reglulega í
líkamsrækt. Við höfum mjög gaman af því að fara á skíði og
förum yfirleitt norður um páskana en bestu friin sem við
komumst í eru skíðaferðir í Alpana. Krakkarnir okkar eru
komnir vel af stað á skíðunum þannig að þetta er fjölskyldu-
sport hjá okkur. Þar fyrir utan vorum við hjónin í samkvæmis-
dönsum í mörg ár og stefnum að því að taka þráðinn upp aftur
þar. Eg held tengslum við gamlar skólasystur og vinkonur
með svokölluðum saumaklúbbum. Þetta eru allt uppteknar
konur og ef ekki væri fyrir þennan skipulagða farveg
myndum við sennilega ekki þekkjast svona vel í dag.“
Verkefnin framundan Næstu verkeíhi ístaks eru m.a. að
byggja upp Stjörnubíóreitinn en þar verða 19 íbúðir auk
verslunarhúsnæðis og bílakjallara. Einnig er Istak að stækka
brottfarar- og komusali í Flugstöð Leifs Eiríkssonar og vinna
við breytingar á Reykjanesbraut.
„Framundan eru mörg spennandi verkefni eins og alltaf
og ég hlakka til að takast á við þau með samstarfsfólki mínu,“
segir Þórunn að lokum. 33
Þórunn Pálsdóttir
er ijármálastjóri
Istaks sem er eitt
stærsta bygginga-
lyrirtæki á landinu.
70