Frjáls verslun - 01.05.2004, Blaðsíða 44

KONUR í UIÐSKIPTALÍFINU

Ingibjörg Pálmadóttir athafnakona. „Ég hef mikinn áhuga á því að búa eitt-
hvað til og framkvæma." Mynd: Geir Ólafsson
Ingibjörg Pálmadóttir
ATHAFNAKONA OG HÖNNUÐUR
Ahuginn drífur Ingibjörgu Pálmadóttur, athafnakonu og
hönnuð, áfram. Það er áhugi á listum og menningu,
áhugi á að koma hugmyndum í framkvæmd og uppfylla
drauma. Þannig komst 101 hótel á laggirnar og sama gildir
um 101 gallerí. Otal mörg önnur verkefni bíða. „Það skiptir
mestu máli að hafa ástríðufullan áhuga á því sem maður er að
gera. Það er númer eitt, tvö og þrjú,“ segir Ingibjörg.
Hún kveðst aldrei hafa litið á sjálfa sig sem viðskiptakonu,
frekar athafnakonu og kveðst vera alin upp í þannig
umhverfi. „Eg er fædd inn í verslun og hef unnið í Hagkaup
frá því að ég var lítið barn. Það hefur ábyggilega mótað mig
mjög mikið því að ég hef mikinn áhuga á því að búa eitthvað
til og framkvæma. Pabbi var náttúrulega mikill framkvæmda-
maður og það hefur mótað mig mikið. Það er stór þáttur í því
að ég hef farið út í að framkvæma ýmsa hluti,“ segir hún.
Ingibjörg segist styðja einstaklingsframtak og frelsi í við-
skiptum en telur líka mikilvægt að búa til leikreglur sem allir
fari eftir þannig að skapað sé umhverfi til að
láta „hlutina blómstra. Eg er fylgjandi ein-
staklingsfrelsi og held að það gefi kraft í hag-
kerfið, framtak einstaklingins skiptir máli og
að hann fái svigrúm til framkvæmda."
Ingibjörg lumar á ýmsum verkefnum og á
sér ýmsa drauma. Hún talar t.d. um að
gaman væri að opna gallerí í borg eins og
London til að koma íslenskri list á framfæri.
„Við eigum svo góða listamenn og það
myndi gera mikið fyrir okkur Islendinga að
vera með í leiknum í öðrum hlutum Evrópu.
Eg held að það ætti alveg að geta gerst.“ S3
SVAFA GRÖNFELDT
FRAMKVÆMDASTJÓRI HJÁ IMG
Það er örugglega engin ein uppskrift að
starfsframa, þetta er bara vinna og aftur
vinna. Síðan hefur ýmislegt áhrif, t.d.
heilindi. Að undanförnu hafa menn mikið
talað um viðskiptasiðferði. Island er lítið
markaðssvæði og fiskisagan flýgur hratt,
bæði til góðs eða ills. Ef maður ætlar að ná
árangri í starfi þá skipta heilindi máli. Það er
aldrei að vita hverjum maður mætir á leiðinni
upp eða niður stigann. Það hefur að minnsta
kosti reynst mér vel að vera heil í því sem ég
er að gera. Eg held að hroki og ofmat sé versti
óvinurinn, það er aldrei að vita hverja maður
hittir á lífsleiðinni og hvar í stiganum það er,“
segir Svafa Grönfeldt, framkvæmdastjóri hjá
IMG, móðurfélagi Gallup og Deloitte, og
lektor í viðskipta- og hagfræðideild Háskóla
Islands.
Svafa telur að tengslanetið skipti máli og
segir það koma kannski af sjálfú sér á þegar
vel sé unnið. „Þegar maður vinnur vel og gerir
það af heilindum þá verður til net af fólki sem
treystir manni. Eg hef litið svo á að tengsla-
netið sé afleiðing af vinnunni og þegar tengsla-
44