Frjáls verslun - 01.05.2004, Blaðsíða 6

RITSTJÓRNARGREIN
KAUP KB BANKA I DANMOKKU:
„Islenska bankaeldfjallið“
ttGAR TTLKYNNT VAR að KB banki hefði keypt danska
fjárfestingarbankann FIH fyrir 84 milljarða króna yppti margur
maðurinn á götunni öxlum hér á landi og sagði sem svo: „Nú,
var Sigurður Einarsson að kaupa danskan banka?“ Þetta stafar
af þvi að stórfréttir á borð við þessa eru orðnar daglegt brauð á
Islandi. Stórfyrirtæki eru keypt eins og ekkert sé og háar fyár-
hæðir í viðskiptum fara fyrir ofan garð og neðan hjá flestum.
Almenningur skilur smáar fjárhæðir; hvað lítrinn af bensíni
kostar, pakkinn af sígarettum og kílóið af lambakjötinu. Hann
veit úr heimilisfræðunum að eigi hann ekki fyrir hlutnum, sem
til stendur að kaupa, þá verður að fá lánað fyrir honum. Hann er
sömuleiðis litlu nær þó sagt sé að kaup KB banka slagi hátt upp
í eitt stykki 100 milljarða Kárahnjúkavirkjun. Enda er það svo að
kaup KB banka á danska bankanum hafa vakið meiri athygli
erlendis en hér heima. Þar má greina undrun á því hvað KB
banki vilji eiginlega upp á dekk og þar er ennfremur spurt
hvernig bankinn hafi eiginlega efni á þessu. Financial Times
hefur fjallað um kaupin, The Wall Street Journal, og svo mætti
áfram telja. Hinn óþekkti íslenski
KB banki er kominn á kortið.
DANSKA BLAÐIÐ Berlingske
Tidende likir kaupum KB banka
við íslenskt „bankaeldijair sem
skyndilega hafi komið inn af
hliðarlínunni og náð forystunni í
keppninni um FIH. Þá segir
danska viðskiptablaðið Börsen að KB banki muni örugglega
draga úr aðhaldinu sem FIH hafi sýnt í útlánum og sækja fram
með nýjar bankavörur. Með öðrum orðum; að bankinn muni
keppast við að færa út kvíarnar sem frekast má verða í
Danmörku og veita öðrum bönkum þar verðuga samkeppni. í
keppninni um danska bankann hafði KB banki ekki aðeins
betur gagnvart Landsbanka og íslandsbanka, sem báðir
áformuðu um tíma að kaupa bankann, heldur skaut hann einnig
sænsku bankarisunum Nordea og SEB ref fyrir rass.
ÞVÍ HEFUR VERIÐ DENGT á borðið að KB banki hafi boðið
betur en aðrir í bankann og greitt í það allra hæsta fyrir hann.
Eftir stendur hins vegar að enginn erlendu bankanna leit á KB
sem alvarlegan keppinaut, jafnvel ekki þótt hann væri fyrir
kaupin 10. stærsti banki Norðurlanda og væri skráður í Kaup-
höllinni í Stokkhólmi. Nýlega komst KB banki í hóp 40 fyrirtækja
sem eru á lista athyglisverðra fyrirtækja í sænsku kauphöllinni.
Sókn KB banka er engan veginn lokið. Flestir telja að hann láti
næst til sín taka í London og yfirtaki breska bankann Singer and
Friedlander, en KB banki á þegar um 20% hlut í honum.
KAUP KB BANKA á FIH eru rós í hnappagat Sigurðar Einars-
sonar, stjórnarformanns bankans. Sigurður er orðinn stórt nafn
í bankaheiminum á Norðurlöndum. Hann tók við starfi forstjóra
Kaupþings árið 1996 af Bjarna Ármannssyni sem fór til FBA Þá
störfuðu 43 hjá Kaupþingi, markaðsverð fyrirtækisins var
aðeins 370 milljónir króna og stærð efnahagsreikningsins var
um 2,5 milljarðar. Þetta var litið fyrirtæki á íslenskan mæli-
kvarða. Sigurður sagði hins vegar óbanginn er hann tók við for-
stjórastarfinu að hann ætlaði að 40-falda fyrirtækið á nokkrum
árum. Menn hlógu. Kunni hann annan betri? Já. F.fh'r kaupin á
FIH verður KB banki með um 1.500 starfsmenn og stærð efna-
hagsreikningsins verður um 1.400 milljarðar króna. Sigurður
hefur því 56dfaldað stærð efnahagsreikningsins frá því hann
varð forstjóri.
SIGURÐUR HEFUR frá upphafi verið gagmýndur fyrir hve
hratt hann leikur alla leiki og á hversu miklum ógnarhraða fyrir-
tækið hafi stækkað; Að fyrirtækið væri ekki eins sterkt og það
væri stórt. Það er athyglisvert að þetta mátti einmitt lesa í The
Wall Street Journal eftir sænskum bankasér-
fræðingi, Rodney Alfven, þar sem hann sagði: „Það
er engin spurning að KB banki hefur mikinn
metnað, en hann er mjög veikur fjárhagslega og
enginn leit á hann sem alvöru keppinaut."
SJALFUR HEFUR SIGURÐUR sagt að hraðinn sé
styrkleiki fremur en veikleiki og ekki sé hægt að
reka og stækka fyrirtæki án þess að taka áhættu. Það
sé einfaldlega stefiia bankans að beita þessari vinnuaðferð. Eftir
kaup KB banka á danska bankanum hefur þeim örugglega ekki
fækkað sem hafa efasemdir og benda á að fljótt skipist veður í
lofd hjá bönkum í niðursveiflu þegar lántakendur lenda í
greiðsluerfiðleikum. En hluthafar í KB banka efast ekki og hafa
hlutabréf í bankanum hækkað um nær 190% (2,9-földun) á einu
ári. Fróðlegt verður að sjá hvernig Landsbanki og íslandsbanki
bregðast við útþenslu KB banka. Innan þessara tveggja banka
er mikill vilji og metnaður til útrásar og aukins vaxtar á erlendri
grund þótt einhverra hluta vegna gangi hlutirnir þar hægar fyrir
sig en hjá KB banka. Verður að ætla að stjórnendur Landsbank-
ans og Islandsbanka séu núna undir verulegum þrýstingi við að
svara fyrir sig og finna hentug erlend tjármálafyrirtæki til kaups.
KAUP KB BANKA á danska bankanum FIH sýna enn og
aftur að leikurinn hefur færst út fyrir landsteinana og að
ástæða er til að fagna þeim sóknarleik sem þar er spilaður af
Islendingum - þótt menn megi aldrei gleyma sér í vörninni;
ekki frekar en í boltanum. 33
Jón G. Hauksson
Þegar Sigurður tók við starfi
forstjóra Kaupþings fyrir átta
árum sagðist hann ætla að
40-falda fyrirtækið á nokkrum
árum. Menn hlógu. Kunni
hann annan betri? Já. Hann
hefiir 560-faldað fyrirtækið.
6