Frjáls verslun - 01.05.2004, Blaðsíða 108

KYNNING
Lögsátt:
Réttarstaða í
Fyrirtækið
Ingibjörg Bjarnardóttir lögmaður rekur lögfræði- og fjölskylduráðgjöfina
Lögsátt ehf., sem sérhæfir sig á sviði sifja- og barnaréttar og fjölskyldu-
ráðgjöf, t.d. sáttameðferð. Segja má að verksvið lögmannsstofunnar
miði að því að veita einstaklingum þverfaglega þjónustu á sviði lögfræði
og félagslega í málum sem varða réttarstöðu einstaklinga og fjölskyldna,
t.d. þegar foreldrar deila um forsjá þarns eða umgengnisrétt, eða þurfa
á að halda aðstoð í barnaverndarmáli, búskiptum vegna skilnaðar/sam-
búðarslita eða fráfalls maka, svo og uppgjör slysabóta. Breyting á lífi
einstaklings og fjölskyldunnar í kjölfar skilnaðar eða vegna afleiðinga
alvarlegs slyss getur haft mjög sambærileg áhrif á atvinnu og fjárhag-
stöðu einstaklings og fjölskyldu hans. Reynslan sýnir að þessar
aðstæður kalla oft á tíðum á mjög sambærilega þjónustu af hálfu
lögmanns, annars vegar faglega aðstoð á sviði lögfræði og hins vegar
þekkingu á félagslegum úrræðum.
Þekking - forvarnir
Ingibjörg segir alltaf hafa legið beint við að hún gerði að sínu aðalstarfi
innan lögfræðinnar að sinna fjölskyldumálum, en tilviljun hafi ráðið því
að hún gerðist lögmaður. „Þetta tengist allt saman, nám mitt á sviði
félagsfræði og réttarfélagsfræði við háskólann í Lundi áður en ég hóf
nám í lögfræði. Eftir útskrift í lögfræði 1987, fékk ég styrk til náms við
háskólann í Stokkhólmi í upplýsingamiðlun til
almennings um löggjöf og skylda
þætti. Síðar lagði ég stund á
nám í fjölskyldumeðferð hjá
Ingibjörg
jarnardóttir,
ígmaður.
Endurmenntun HÍ. Ég hóf
nám í lagadeild Háskóla
íslands tæplega fertug og
hafði því svolítið annað
sjónarhorn á lögfræðisviðið
en unga fólkið enda með
annan námsgrunn að baki
auk lífsreynslu. Ég gerði mér
því vel grein fyrir að réttarsvið
fjölskylduréttarins hefur mikil áhrif
líf og réttarstöðu
fólks og nauðsyn á
almennri þekk-
ingu á þessum
sviðum.
parsambandi
Fæstir gera sér Ijóst hve löggjöfin heldur þétt og vel utan um okkur
frá fæðingu og allt til enda. Við fæðumst börn inn í barnaréttinn og svo
heldur sifjaréttur utan um mann á fullorðins árum í tengslum við
parsambandið og við lok æviskeiðsins tekur erfðaréttur við. Ingibjörg
segir að áhugi hennar á faglegri ráðgjöf og miðlun upplýsinga um lög-
gjöf hafi byrjað strax í lagadeildinni m.a. með þátttöku í Kvennaráðgjöf-
inni og gerð sjónvarpsþátta á vegum Orators, félags laganema, um
muninn á réttarstöðu fólks í hjónabandi og óvígðri sambúð. Með því að
tengja saman lögfræði- og félagsfræðisvið I faglegrí vinnu tekst oftar
að koma auga á jákvæða þætti og möguleika til lausnar erfiðum
ágreindingsmálum. Það skiptir miklu máli að fólkfái aðstoð við að leysa
málin með sátt og nái samkomulagi sem það sjálft hefur unnið að í stað
þess að láta úrlausn dómstóls ráða í persónulegustu málefnum þeirra.
Það að kynna fólki réttarstöðu þess og þá möguleika sem felast í
stöðunni, t.d. með því að horfa sérstaklega til hagsmuna fjölskyldu og
barna við úrvinnslu erfiðra ágreiningsmála, veitir fólki ekki minni forvörn
en að kaupa sér tryggingu, því hér gildir sama lögmálið, „þú tryggir ekki
eftir á“. Þess vegna hef ég nú, þrátt fyrir óþrjótandi verkefni, látið eftir
mér þann gamla draum að skipuleggja námskeið fyrir almenning um
réttarstöðu fólks í parsambandi og áhrif þess á líf fólks meðan sam-
bandið varir og við slit þess. Ég hef hugsað mér að bjóða félögum, fyrir-
tækjum og stofnunum upp á þetta námskeið næsta haust."
Fjölskylduvernd
Samfélagskerfi okkar byggist á þeirri hugmyndafræði að fólk eigi að hafa
frjálsan vilja til að velja og hafna og þannig sjálft móta líf sitt nánast á
öllum sviðum. En það frelsi er ekki til staðar nema viðkomandi einstakl-
ingur hafi til að bera þekkingu sem val hans byggist á. Almenningur les
ekki Stjórnartíðindin og löggjafinn eða stjórnvöld sinna ekki nægilega
upplýsingaskyldu á þessu sviði. Ingibjörg segir Ijóst að bæta þurfi mjög
þekkingu almennings á réttarstöðu sinni. „Fólk hefur oft ranghugmyndir.
Margir álíta par standa jafnt í hjónabandi og í sambúð en því fer fjarri.
Ég lít á það sem fjölskylduvernd að veita fólki innsæi og þekkingu um þá
valkosti sem bjóðast í parsambandi og lagalegar afleiðingar þeirra. Ég
vona að þetta verði kærkomið tækifæri fyrir stofnanir, fyrirtæki og stétt-
arfélög til að bjóða starfsfólki sínu og félögum fræðslu á sviði fjölskyldu-
réttar og þannig taka þátt í ákveðnu forvarnarstarfi til verndar fjölskyld-
unni ekki síður en einstaklingum. Það er ekki síður mikilvægt en að bjóða
fjölskyldum heildarlausnir á sviði bankaviðskipta eða við kaup á trygg-
ingum því undirstaða þeirra viðskipta og ákvarðana þarf að vera þekking
fólks á réttarstöðu þess.“S!j
Lögsátt
er til húsa í
Skipholti 50c.